يا شاعر المليون وصل سلامي ,,,, وبلغ بعد ان الشعر طير ,,مــــهيون

بسم الله الرحمن رب الانامي = وحده يعيش وباقي الخلق ,, مدفون
عيني من اللي شافته ماتنامي=صار الشعر تصويت , بيرق , ومليون
منهو يقول الشعر درع و وسامي= الشعر نزف احساس بالقلب مكنون
ننشد به افراح العمر والاامي= واليوم اشوف الشعر للي ,,يصوتون
يا شاعر المليون وصل سلامي=وبلغ بعد ان الشعر طير ,,مــــهيون
واكبر دليل يجيك يثبت كلامــي= بيرق دبي اليوم ماهو ,, لفرعون
ومشعان قبله كيف يلقى انهزامي=فازو بحب الناس مهما ,,تسوّون
يكفي خلف مشعان رده عصامي= وله منطق وحكمه واداب ,,وفنون
دايم قصيده معتلي فوق ,سامي=حتى على اللي في قصايده يهجون
ماشال قلبه حقد واعلن خصامي=وما حب يسمع من " وكاله يقولون"
وتشهد لبو فارس ملوك(ن) عظامي=انه تحدا بالشعر انس , وجنون
واحتل شعره في خفوقي مقامي=تسوا قصيدة " ناقتي" مال قارون
مااقصد اهين انسان لا ,,بلحرامي=مبروك للي فاز ,فوزه ,,ولا يهون
ياهل الشعر قلبي من الحال ظامي=يللي بقصايدكم ظما القلب تروون
ارقى تحياتي لكم ,,واحترامي=من دون بيرق لا ولا ميت ,,مليون
لا كني اشره عالنفوس اللاّمي=اللي بيبون الشعر داين ,,ومديون
جمع الدراهم همهم في الختامي=وحنا ماغير ارقام فينا ,,يعدون
كن الهدف اشعال حرب الكلامي=حرب بها المكسب خيالي ومظمون
تشعل شرايين(ن) بها الدم حامي=من منطق الفزعات صارو يحيكون
فكره يكون القصد منها احتدامي=وفزعت قبايل دمها حار ,,يدرون
حرب(ن) بها الشعار قادة نظامي=وجنودها جمهورها اللي ,,يصوتون
واقع تعيس وحالنا في انعدامي=والبال من هالحال حاير ,,ومحزون
سبعين عام ومالقينا "سلامي"=بالعكس زادو بالكرامه ,,يهينون
امة عرب تشكي من الانقسامي=والقدس امره مع خنازير صهيون
بوصف لكم مشهد رأيته ,,امامي=اطفال رضع في بلادي ,,يموتون
وحنا على التلفاز دون ,اهتمامي=مانسمع اصوات الارامل ,, يصيحون
الوضع اصبح جدا اليوم ,, دامي= ملعون ابو هالوضع ياناس ملعون
والله مااقصد ان نخون ,, النظامي=ملعون ابو الارهاب واللي يخونون
الله امرنا انطيع امر ,,, الامــامي=ومن لايطيع الامر عيشته في دون
من يزرع الارهاب بارض السلامي=يجني محاصيله بلد دون ,,قانون
وارواحنا تفدا الملوك ,,الكرامي=دام الملوك احنا لها نبض ,,وعيون
لكن نبي انعيش العمر ,باحترامي=عيشه كريمه بس للشعب تكفون
والحاكم اللي دون شعبه ,يحامي=شعبه يبي يفداه بالعز ,,ويصون

وسلامتكم


أخوكم



بن رفيع