قصيده غزليه للشاعر/ خالد محمد العرجاني اسندها للشاعر حمود المطرفي
عسى ان تنال اعجابكم
سلام مني عد ماتكتب اليد= وعداد كل حرف(ن) نطقته واهله
اهدي لبونايف سلامي بلا حد=الصاحب الي الوفاء عشرتنله
وافي الخصال وبالمراجل مجند=من نسل وايل الكرم ميزتنله
ياحمود حالي اليوم اصبح مهدد=هد الغرام الحيل ونهاه كله
من الهوى قد صابني حرقة الكبد=من حر مونس كنها فوق مله
اسباب من بلقلب حبه مقيد=غرون صغير ارموش عينه مضله
والخد كنه بارق(ن) بعده الرعد= اليا لتفت امزونها مستهله
والخشم كنه سلة سيف(ن)مهند= قايم بوسط الوجه يازين سله
جامع لهيب النار مع شدة البرد=برد الثنايا ونار اشفيفتن له
والجسم متعزل وماهو مهلبد=كاسيه شعر فوق متنه يفله
من البني ياخوك ماجالها ند=وماله شبيه(ن) كود امرايتنله
سافر وصار الفكر بعده مشرد= والجوف عقبه صايبه الف عله
بعده غرقت افبحر الاحزان منهد=اشكي هموم القلب في فقد خله
عفت الغرام وصرت منه معقد=ولاذكر طاري الحب دمعي اهله
ياحمود كان اوصالها ماتجدد=فالموت لي راحه ورحمه من الله
آخر المواضيع
عـفـت الـغـرام........!! 
