يازين شب النار

يازين شب النار وسـط المسيلـي=قدام كسر البيت ينهـض عمـوده
في وسط جـوٍ واسـع للنزيلـي=فروح مرضـه عليـك محـدوده
عشبه من الوسم المبكـر جليلـي=وعليه من تالي العقـارب بـروده
تفرقوبـه مبعـديـن الرحيـلـي=كل يبـا زيـن المضحـا لـذوده
الفقع يجنونـه بوسـط الشليلـي=من جود من عم المخاليق جـوده
اناسـت لـو مامداهـا طويلـي=العود يابـس والليالـي معـدوده
اخير من قصـرا دفـي ضليلـي=راعيه روحه يـم جـاره تكـوده
يقـوم مرضـان وفتـران حيلـي=من كثر مايكـل وكثـرة رقـوده
ومجالس من بيـن قايـل وقيلـي=ناس اتجيب الهرج وتاخـذ ردوده
كثر الحسد من بينهـم والنقيلـي=العلم لو هو كذب تضهر شهـوده
تصور الكذبـه مـن المستحيلـي=منهم كبـود الصابريـن مغـدوده
دنيا تقلـب بيـن عـدلٍ وميلـي=تضحك حدٍ واحـدٍ تبيـح سـدوده
الذيب فيهـا مـن ثعلهـا ذليلـي=والداب ياقفله علـى الـدرب دوده
واللي يعـد النـور فيهـا قليلـي=تبلش ليا ناضـرت نقصـه وزوده
شفنا من اقوال المصـدق دليلـي=زود من الناقص تعـدى حـدوده
المال يكثر فـي يديـن البخيلـي=واقوال تـرك الصـلاه محمـوده
ينخاف فيها بيـن صبـح وليلـي=الله على السلام يضفـي ركـوده
ويعـز حكـام تشيـل الثقيـلـي=من دون العرب والدين تبذل جهوده