السالفة والهرجة الضائعة

لابغيت الهرجـة اللـي تناسبنـي غـدت = وان بغيت اضحك واسولف نسيت السالفه
من هجوس(ن) في فوادي تناشت وارعدت = وامطرت فيض الشوارد وجـت متوالفـه
ماتصدر غير رويـا مـن المـاء لاوردت = مثل شجعـان علـى الطائلـة متحالفـه
منها اخلـي مجلسـي للمهبـل لاقعـدت = ليااجتمع به راس عرجا وراس الضالفـه
ما اتحرا فـي دقـاق السوالـف لابـدت = يحتريهـا الثـور الاربـد علـى معالفـه
لاتولاهـا ردئ النصـيـب اتسـرمـدت = وقام يوشيها يوم ان البخت مـا حالفـه
عيد كان اديـار نقالـت الهـرج ابعـدت = ما يعيشون الا بجمـع الهـروج التالفـه
اعرف ان كل الليالـي حوامـل لا ولـدت = كل يوم (ن) تاخـذ اللـي تبـاه وذالفـه
وكم على وجه البسيطة رجاجيـل عـدت = واصبحوا تحت الزرايـب عظـام تالفـه
واعرف الدنيا وياما على الكبـد الهـدت = لو صفت في حال كل الحـوال مصالفـه
ودي انسى كل شـئ اليـا رجلـي بـدت = براس رجم كثر ما ارقاه صرت اموالفـه
انحروا بي يم مبدا النجـوم اليـا بـدت = حيث قلبـي والـدروب الخـلا متوالفـه
ايتوسع خاطري وسع الارض اليا جـردت = مع رفيق(ن) ما يخالف وانا مـا اخالفـه
سولف وسولفت والنفس مع هرجه هدت = ثم ذكرت الهرجه اللي غـدت والسالفـه

جديد في البدو قسم الشرح المصور

اطلب اي شرح مصور ونحن مستعدون

اضغط لزيارة القسم

{ فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ }[يوسف:18]

*****

أنا بنت العز هذا أساسي
بنت رجال تاريخهم فيه أفعال

ما يوزن قدري بذهب ولا الألماسي
قدري كبيراً عالياً ما تهزه جبال

يكفي أني لغير ربي ما ينحني راسي
يبقى راسي أنا مرفوع في كل حال


*****

..حسبي الله ونعم الوكيل ..