صراعات00نزاعات00اندفاعات00سبع سنوات00 !!!!!

عشت سبع السنين اللي مضت في صراع=وأحسبني سعيدٍ مااعيش بصراعي
أحسب الحب يبقى ما يصير النزاع=لكن العكس صار وصار معه النزاعي
لعنبوا ذاك يومٍ جرني للضياع=لعنبوا ذاك ليلٍ به تبين ضياعي
ماتفيد الندامه لو أعض الصباع=ماتفيد الحسايف عضتي للصباعي
احسب الحب صعب لغير شخصه يباع=لين شفت الحقيقه حب غيري وباعي
عشت سبع السنين وعيشتي في خداع=وأحسبني سعيد وما هقيت الخداعي
أنكشف كل شيٍ مخفيٍ بالقناع=يحسبني غشيمٍ ما اشيل القناعي
يحسبنه ملكني بالعيون الوساع=كن ما فيه غيره يمتلك هالوساعي
ماع حبك بقلبي ياريش العين ماع=آآآه لا واخساره كيف هالحب ماعي
راح ذلك الغلا اللي مستواه ارتفاع=عزة النفس عيت تقبله بارتفاعي
كل يومٍ بطبع وكل ليل بطباع=من غروره بنفسه يختلق هالطباعي
عشت سبع السنين وكلها لك مطاع=واحسبني سعيد وما طلبته مطاعي
ويل قلبٍ يحبك عيشته بلتياع=ليت هالقلب يصبر لا يزيد اللتياعي
ياحبيبي ترى الخافي امانه وراع=واذكر الحال بعدك ياحبيبي وراعي
من يطيع العواذل ويستمعهم سماع=يحترق من شكوكٍ مستمعها سماعي
كل سرٍ بصدرك أحفظه لا يذاع=عكس ذلك الغشيم اللي للاسرار ذاعي
من يحب التغير ماله اليوم داع=وابعده عن حياتي وماله اليوم داعي
عشت سبع السنين ولا نويت أنقطاع=واحسبني سعيد وما ا نتطرت أنقطاعي
شمس غابت بهمي وغاب معها الشعاع=واظلمت كل فرحه مع ظلام الشعاعي
قلبي اخلص لحبه قدر ما يستطاع=واجرحتني بقولة مالها مستطاعي
صرت مثل الصغير وعيشته هالرضاع=صرت مثله أعيش وحبها هو رضاعي
كل شيٍ اذوقه مثل سم الافاع=واشربه طول عمري ما احسبه سم أفاعي
عشت سبع السنين وحالتي في وجاع=واحسني سعيد وما اشتكي من وجاعي
صرت أنا في هجومه والوسط والدفاع=كل ما قلت فزنا يعترضنا دفاعي
اتحامل على نفسي والشد الذراع=واتحمل من يحاول بلوية ذراعي
كل ما قلت أحبه قال هذا بداع=وكل ماقلت صادق يحسبنه بداعي
كل خاين بوجهه ماله أي أتساع=تكثر أهمومه اللي كل يوم اتساعي
الهوى العذب ياصل ما يرده شراع=يفهم أني أحبه وما طويت الشراعي
عشت سبع السنين وصار آخرهن صداع=وأحسبني سعيدوما اشتكي من صداعي
كل ما أوفيت له صادق يقول أختراع=حتى صدق المشاعر قال عنها أختراعي
أحترق هم وابكي واذكر الاجتماع=ونقهر واتعذب لا ذكرت أجتماعي
كل مابي خفيته بين عوج الضلاع=وسط قلبٍ جرح ويمسكنه ضلاعي
رحت أببعد بعيد وجيتها بأندفاع=مدري وشلون عني أبعدت بأندفاعي
من يعيش السعاده للشقا ما يراع=يا عذابي أنا اللي للتعاسه أراعي
عشت سبع السنين ولا نطقت الوداع=وأحسبني سعيدٍ لين قالت وداعي