احبتي اعجبني خلق وحضور
صاحب المنتدى ومديره الاستاذ البدو
واهديته الابيات التاليه
ارجوا ان تنال استحسانكم
واستحسانه0
الشعر لو مايمدح الطيبيني = عيب على راعيه واكبر من العيب
الطيب مثل اسهيل دايم يبيني = ويقدره من يعرفون المواجيب
وانا هنا لقيت رجلً فطيني = رجلً سليم من جميع العذاريب
لوكان ماجيته وشفته بعيني = لكن لي في بعض الاشيا تجاريب
ولاهوب عارفني ولا محتريني = ولا لي وراه اهداف والا مطاليب
لكن كلمة حق يا العارفيني = اقولها ما نيب حاسب تحاسيب
ابا امدحك يا البدو مدحً يبيني = ويدرون به كل العداء والاصاحيب
ويبقى على طول الدهر والسنيني = وارفع لك البيضا بروس المراقيب
احييت تراث اجدودنا الاوليني = في منتداك اللي موسس على الطيب
ومنزهه من شلة العابثيني = اللي يجيدون الردى با الاساليب
ما فيه غير النخبة الاوليني = كاتب اديب وشاعرً كفو واديب
وبنات والا ارجال متأألقيني = يالبدو ما لاحظت فيهم عذاريب
قول الثاء واجب على المحسنيني = وانا اشكرك ما تطلع الشمس وتغيب
ما حال طول البعد بينك وبيني = الطيب ياتي له طروش ومناديب
تعيش يارع الوفاء وسط عيني = ولك منزلة بين الضلوع المحاديب
ولا انته بعارفني ولا محتريني = لكن احب الطيب واعشق هل الطيب
آخر المواضيع
هديه للاستاذ البدو مالك المنتدى 
