بسم الله الرحمن الرحيم
غيرك بقلبي مافتحنا لـه حسـاب=تعال وزع ربـح سهـم التجافـي
يامن ملكت السوق في شركة أحباب=ضارب وأنا وياك ما قـول كافـي
قدرك بقلبي مانزل مثـل (ينسـاب)=لا والله إلا فوق مثـل (المصافـي)
يقول الشاعر
أرسل لي أحد الأصدقاء هذه الأبيات
فكان الرد عليه:
v
V
التجاره
تمضي سنين العمر وتقل الأصحاب=والآدمـي ربحـه بالأيـام خافـي
أبواب تقفل والولـي يفتـح أبـــــواب=أمراض تنـزل والكريـم المعافـي
أشياء تشد أعصاب وتريح أعصاب=والعمر مايبقى على طـول صافـي
هـي سنـة الأيــــــــــام دوره ودولاب=والنفس طـراده للأطمـاع هافـي
راع الفقر لايامـن يجـر الأســــــلاب=من يغتني لايامـن يسيـر حافـي
الوقت مد أرقـاب ويثنـي أرقـــــــاب=ولو المـرض مانهتنـي بالعوافـي
وبين القصور وبين منسوج الأطناب=الحب يبقى داخـل القلـب طافـي
نركض ونشقى لكن ننحب الأطيـــاب=الآدمـي قلبـه مـع البـرد دافـي
ياصاحبي لاتحسب الظـرف غــــلاب=لوهو جفاني الوقت مانـي بجافـي
قدرك بقلبي لو فتحنا لـه حســــــاب=يملا بنوك الحـب وتقـول كافـي
سوق التداول طاح ومساهمه تـــاب=والا انت سهمك طول الأيام وافـي
أربح بحبك لو نزل سهم (ينســــاب)=ربحي كبير ولو تطيح (المصافـي)
انت التجاره.. والخساره بالأحبـــاب=وصلك على تقصير الأيـام ضافـي
المـال يلحـق دام للمـال طــــــــلاب=مار البلا وأحبـاب قلبـك مقافـي
لاصار خلك ينحسب ضمن الأغراب=أو غاب بالدنيـا صديـق سنافـي
والقل قل العرف أو قـل الأصحـــاب=والرزق بأيد اللي يديـر السوافـي
آسف على عدم تنسيق القصيدة
منقول من منتديات مدينة الأجفر
آخر المواضيع
التجارة : للشاعر / فالح الناهي ؟ 
