رائعة ابن عجلان في مدح الشيخ خالد ابن طريف

سر يا قلم واكتب كلامي بتوضيح=مع جيرت الله سير درب الرشادي
اكتب كلامي و اشي بتصحيح=و اوصل سلامي لعريب الأجدادي
أهدي لشيخ عاداته هبة الريح=شيخ في بيته ثقيل الهوادي
شيخ ثقيل عند آل المشاويح=ابن طريف يا عريب الأجدادي
أسلم عليكم يا الوجوه المفاليح=خالد ابن طريف يا ابن الأجوادي
أنتم نشأتم على هبة الريح=من ساس اهلكم كاسبي الأمجادي
يا شيخنا المقدام يا عنبرن الفيح=يا حي ابوسليمان بالطيب جادي
زيزوم للسياح ريف للمشافيح=زودن على هقوه بالراي قادي
بني حميده حامين المساريح=شهدت بابوسليمان بيه السدادي
طيب على طيب ما به تماسيح=اقفا الردى عنهم مدحور غادي
الحكومة والشعب يحكو بتصحيح=الشيخ ابو سليمان بالفعل زادي
لين ركبو السياح سلايل الريح=ومجزراتهن بديهم هنادي
ابوه وجده ما هم شلافيح=والنعم نعمين ذاك الأجوادي
ما هم من أخرهم عند هبة الريح=كود مع أولهم نهار الطراوي
حماية الزرفات عند المساريح=بياعت الزفرات ضد المعادي
لا تقابلوا شحط اللحي للطلايب مشافيح=خالد حصان ما بديه القيادي
حصان مجلس لن حضروه المساليح=وحطوا بالطلبة حداري وسنادي
لن حضر ابو سليمان صاروا شلافيح=يسندها عن ربعه لسدر المعادي
بني حميده يا الوجوه المفاليح=احيو الماضي بالحاضر سدادي
ردو لابو سليمان بيها مرابيح=شامخاً للراسمثل المهادي
هبو مع خالد بالصدق تصحيح=أنتم اهل الردى واهلكم اجوادي
قول ابن عجلان ما هو جلاويح=يحكي الحقيقة على روس الأشهادي
صلاة ربي عدد ما حنن الفيح=على محمد رسول للناس هادي