يااااي ثوبي ضيق ما اقدر أوسع خطواتي

هذا موضوع عجبني

ارسل لي على الميل

وقلت اشاركه معاكم

الكاتب: ملق العديد


الله على زمان الرجال الأولين
وآيه على شباب اليوم ..

بكل حسرة اردد على هالجملتين كل يوم
والسبب ركزوا معاي شنهو السبب ..

ولدي تشقق وتنتف ثوبه عليه ... يريته من أذونه وخذته عند الخياط
قام يقايسه صاح الجوال رحت اسكته وقعدت اهذر فيه
والا الخياط يقول لي : بابا خلاص قياس .. ان شاءالله كم ثوب يبي ؟
قلت له الثوب بكم ؟ قال لي 100 ريال قلت له خلاص ابي نص ثوب
ابي اوفر



المهم دفعت له حقه وطلعت وعقب كم من يوم
استلمت الثوب وسوينا حفلة في البيت لأنه دخل شي
يديد فيه .. قلنا للولد قُم البس ثوبك خلنا نحتفل
سكرنا الليتات والا الولد يقول لنا
ام ردي ..
هااااااي هااااااي هاااااي
بطلنا الليتات



بسم الله بسم الله
اشبلاه ولدي لزق فيه الثوب واكمامه لازقه بزنوده ؟
بسم الله ( اسم الله عليك يا ولد )
خفت عيون الحسود صادته ففكرت محد غيري وعيالي في البيت
قلت في نفسي محد احسده .. اشبلاك يا يبة ليش الثوب لازق فيك ؟
ليش تكلم قول ؟ ... يهز راسه مثل هندي معترض وما عنده تعليق ..


هالمرة تليته من خشمه وعلى طووول عند الخياط
حااااااااااااااااااااااااء درعمت عليه وقلت له شنهوو هذا ؟
هااااااااااا ... ليش الثوب جذيه ... اشحاط فيه كهربة علشان
يلزق في الجسم ؟

قال لي لا لا لا بابا هذا موضة اللحين
كلش شباب يبي ثوووب آخر موديل
لازم الأكمام ضيق كلش علشان يبين حجم مال يد
والخصر بابا لازم يشوف العالم خصر مال الولد
مب بس بنات في خصر...

قلت له خياطوه وثول وليش مضيق آخر الثوب ومخليه ربع
متر ؟... الولد ما يقدر يمشي فيه الا خطوة وحدة ...
يقول لي بابا انتا ماااال أول ... ها ها ها ( ويضحك علي )

كللللللللللش ثوب لازم ضيق من
تحت لأن شباب يمشي اللحين واحد اثنين واحد اثنين
مثل بنية تنورة مالها ضيق ..

حسبي الله عليك يا خياطوووه وارنه بذاك الراشدي

واقول له من طلب منك آخر موديل ؟
قال لي انت ما في قول شي انا ياخذ قياس وانت مافي اعتراض
وانا يسوي ثوب مال موضة ...
قلت له ارحم سواطرك

وخذ الثوب هذا وفصل له غيره
لخلي يومك بنفجسي واسود واحمر واخضر و .... و ....

ومن يومها صرت اركز على الشباب في المجمعات
وفي الشوارع وفي الدوائر الحكومية
بالفعل صرت اشوف اصحاب الثياب المخصرة في تزايد
الثياب راصة من ورا عليهم وصوب الصدر واكمامهم
ضيقة من صوب الزنود والزراير ..
شفت شاب حرام عليه كلمة شاب
ذكر في ثوب حريمي
الثوب مفصل ومخصر ويالله يالله يقدر يمشي فيه
هذا اذا قالوا له وسع خطواتك راح تسمع منه
ياااااي ثوبي ضيق ما اقدر اوسع خطواتي ..



والسموحه

من مواضيع شموخ الجرح
0 برنامج قطاف من الاتصالات السعوديه التسجيل مجانا
0 يااااي ثوبي ضيق ما اقدر أوسع خطواتي
0 لا حول ولا قوة الا بالله
0 طريقة الميكياج البرونزي
0 كن على حذر فان الدنيا دار رحيل؛؛؛؛؛؛؛؛؛

من مواضيع الساهرة
0 كيف تعاتب افضل صديق .. دون ان تخسره ...!
0 شاهد يا غير مسجلالرجــل الذي حمــــلهُ قلبـــه
0 اللي معاه 60 مليون دولار يدخل
0 اسواق الصقور في المملكة
0 بوكيهاات من فواكه

توقيع الساهرة

تسلمين يا قلبي على المرور

من مواضيع شموخ الجرح
0 جرب
0 إن الله يــــــــــــــــــــــراك
0 مراحل نمو التماسيح
0 لماذا لا نصف من نحب بالشمس بدلا من القمر ..؟!
0 رجيم مايو كلينيك

ههههههههههههههههههههههه
شباب اخر زمن

من مواضيع لعيونك
0 افحص جهازك في دقائق
0 حكاية
0 Quotations From Wise Men
0 الحلنقي يظهر باسمه وشكله الحقيقي
0 دعواتكم للحلنقي