السلام عليكم ورحمة الله وبركاته
من المتظرر الاكبر في حالت انفصال الزوجين الاب والام ام الاولاد ؟
حقيقه وليست قصه من الخيال حدثت لي في العام الماضي بعد ان طلق ابي امي .
بداية المشكله ان ابي خارج بسيارته وكان اخي الصغير خلف السياره دعمه وهو راجع اصيب اخي بكسر في الرجل
والحمد لله سلم واصبح يمشي وعاد كما كان من قبل ولكن ابي وامي من هذاك اليوم وهم بينهم مشاكل لا اعرفها
وفي يوم كنت راجع من المدرسه امي ليست موجوده ولا ابي ولا اخوتي الصغار اتصلت على ابي قال تعال الي بيت جدك وجيب اخوانك معك
قلت في نفسي جدي عنده غدا اخذت اخواني ورحنا لبيت جدي وبعد الغدا قال ابوي ود اخوانك لبيت خوالك
وفي السياره بكت اختي وقفت وقلت شفك قالت ابو طلق امي ظلمت الدنيا قدامي انصدمت صدمه
ما اعرف كيف اوصلها لكم انشل التفكير عندي لكني وصلت لبيت خوالي ولا اعرف كيف وصلت
دخلت مع امي بغرفه وقلت ليه يمه تبين تهدمين حياتي وحيات اخواني قالت لا تكلم في هذا الموضوع اصريت عليه
قالت لي كلمه من الي يطلق انا او ابوك ابوك هو السبب في كل شي سكت ولا اعرف وش اقول
طلعت من بيت خوالي دقيت تلفون على ابوي يبه وينك قال بالبيت جيت البيت لقيته قاعد في الصاله قلت يبه ليه طلقت امي
قال لا دخل نفسك في الموضوع هذا قلت يهمني لانه يهدم مستقبلي انا واخواني عصب علي وزعل قال اخر مره اسمحلك عيب الولد يتدخل بالشي هذا
راح لغرفته وجلست في الصاله احبس دمعي وافكر كيف راح اعيش .
بعد ساعه تقريبا طلع ابوي قلت له قبل تطلع اعرف انك دمرت حياتي انا واخواني وانت السبب في كل شي قال انا السبب قلت نعم انت
مهو انت الي طلقت امي اول مره يظربني ابوي مع انه كان يعتبرني صديقه تغير على في هذا الوقت قال لا تدخل مره ثانيه
طلع من البيت وضاق على البيت كان الهوا خلص ما ادري انا نمت ولا فقدت الوعي صحيت بالليل البيت فاضي لاصوت ولا حركه ما كان البيت بهالشكل
وين اخواني الصغار وين الازعاج قلت اكلم ابوي مره ثانيه ولما رجع قلت ابي اتكلم معك يبه قال انا ابي اتكلم معك بنفس الموضوع عيب الولد يتدخل في هذا الموضوع افهمني دخل غرفته
وتركني مع الهم حسيت ان الحياه توقفت بكيت لما شبعت عانيت معاناه كبيره طلعت ما ادري وين اروح مسكتني الشرطه بدون رخصة اتصلت على ابوي قلت له انا ماسكني الشرطه
وصل ابوي كلمهم وطلعني قلت له ما تعشيت قال روح تعش قالت ابي اروح معك قال انا تعبان وابي انام قلت بتكلم معك تركني وركب سيارته وراح
كلمته بالتلفون لكنه زفني وعصب علي قلت له ليه تغيرت علي يبه قال انت السبب وقف قدام البيت وكنت وراه
نزلت وجيته وحبيت راسه وقلت تكفا يالغالي رجع امي رجع حياتي
قال انت منت فاهم شي اترك الموضوع هذا لغيرك دخلنا البيت قلت يبه شوف البيت مظلم موحش محد يقدر يعيش فيه قال روح لخوالك احسن لك قلت ماني رايح
حاولت اتكلم معه لكنه تركني ودخل غرفته .
اليوم الثاني اتصلت اختي علي وقالت ابي اجي البيت رحت جبتها وكانت متاثره حيل كنا في الصاله دخل ابوي لما شافته سلمت عليه وهي تبكي
وراحت لغرفتها جلس ابوي قال لي روح كلم اختك قلت وانا من يكلمني عصب علي وقال من الي جابها قالت انا بعد ما قالت لي ابي اجي البيت
قال رجعها حسيت انه تاثر من بكاء اختي هي بنته الوحيد قلت اكلمه دام انه متاثر قلت ليش ما ترجع امي احسن ظربني كف وطلع من البيت
استمرت المعاناه لمدة 23 يوم بين هم وحزن وبعدها تصالحم ورجع الحياه لي انا واخواني وحسيت بطعم الراحه والسعاده
لكن من المتظرر الاكبر ؟؟؟؟؟؟؟
آخر المواضيع
ماذا حدث بعد الطلاق ومن الضحيه 
