انا اشهد شهادة حق ما تستحي يا موت

انشهد شهادة حق ما تستحي يا موت =ولاعندك لبخوت قدر ولا شيمة

صلاتش ردية و الحكي زور يا بخوت =وكل (ن)خذيته من هله وانتي مقيمه

ألا ليت موتان العرب يسمعون الصوت = انا جدتي بخوت عندي لها كليمة
سلاااامي عليها شعرها في الزمن منحوت =عسى الله يسقي قبرها من نحر غيمة
احب البيوت اللي تجي من نظم بخوت =كما حب بدوي (ن)لنقوة مجاهيمة
جزال البيوت اللي كما الدر و الياقوت =كما الهيل في الدله واصالة مراسيمه
وشعر النسا من بعدها حط في تابوت = وتزايد عليه من القهر حزنه وظيمه
وظاعت معانيه وكسر كثير بيوت=واذا راح راس القوم ذلوا معازيمه
وباخبرش واللي سمع يونس في الحوت = يا بنت آل منيرة ساحته ما لها قيمة
حكم في بلد الشعر من بعدكم طاغوت = ظلم نفسه بشعره وكثرو مظاليمه
وغدى الشعر بحر و المعاني مثل جلبوت =وبحر الشعر ثاير تفنن بتحطيمه
وترى ما رضينا بالوضع لو يقال سكوت =نشوف المطر يمطر علينا بلا ديمة
ترى الشعر احساس وعناقيد فل وتوت =حرااااام (ن)يقوله جاهل (ن)في مفاهيمه
وترى الشعر ماهو كلمة تنطق وتفوت=تغني بها سلوى وتجاوب لها ريمه
وانا شهد شهادة حق ما تستحي يا موت =ما جنبت راس الشعر يا قليل الشيمة