يا مصطفى شوقي على صهوة الخيل=لا صار مهرٍ جافلٍ مطرباني
أمه عبيّه والفحل دمّه كحيل=هو منوة الخيّال قاصي وداني
طُلق بيمينه والثلاثه محاجيل=والعُنق ثاني من هلال ارمضاني
اصبح اغر دموع عينه مكاحيل=منخر ومنحر واسعات البياني
ظهره قصير وفي قطاته مفاتيل=نابي قطاته فوق عُرض الحواني
من الظبي ماخذ قوايم مخاطيل=اشقر شقاره مثل خضب الغواني
سبيب ذيله شبه شلال بالنيل=ولا كما سلك الذهب ملصفاني
اليا ركض واسى على راسه الذيل=مثل العلم رفراف فوق المتاني
يطوِ الفيافي مثل ما يطوِ السيل=وحافر يثير العج ما به تواني
ومن بعد غربه قمت ودعت لسهيل=يم الجدي واعلنت فرحة زماني
ملفاي عند اهل القرى والمعاميل=يم المويلح والشريف إلتقاني
ربعي هل الطولات ذباحة الحيل=ل قارب المحتاج مثل المواني
اخص من هو يخلط البن بالهيل=ابو محمد تاج فخر المعاني
كريم ربعه بالوقوت المماحيل=الطيب يبقى والردى للفواني
يا مصطفى مشتاق بالحيل بالحيل=والشوق عارم للقصيد يحداني
ويالله تنجينا بيوم التهاويل=وبجنة الفردوس تجعل مكاني
وصلاة ربي اعداد وبل المخاييل=على النبي واعداد جر السواني
الشاعر الشريف مصعب الوكيل
آخر المواضيع
البن والهيل 
