دواسر ال زايد وقصيده للشيخ الدكتور عائض القرني في دواسر ال زايد

يبرق البارق لمقدمـك والراعـد رعـد= وأرضنا ترقص إذا جيت والشاخص يميل
الله من قلبٍ علـى نغمتـك قـام وقعـد=كن قولك منهـلٍ بـاردٍ مـن سلسبيـل
أو كما العاب خودٍ علـى المبسـم بـرد=ضاع في المسك والطعم طعم الزنجبيـل
جعل عينٍ تنظلـك نونهـا فيـه الرمـد=وجعل قلبٍ ما يحبـك يقطْـع بالصقيـل
يا نشيد السحر لعلع ويسلم مـن نشـد=عزوته بـاولاد زايـد مزبنـة الدخيـل
يطرب القمري ويمسي يغنيهـا الصلـد=والحمـام إذا سمعهـا يرتلهـا هـديـل
يا حمير أسلم وجاك الوفا متـن وسنـد=مثل غيث الحشرنوه يخيـل ويستخيـل
(من رجال (الأزد) نعمين والعالم شهـد=مانبي من خايب الجد والمفلـس دليـل)
لورصاص الحرب يهمي كماوبـل البـرد=فوقنا يابوعلي فـي الجماجـم ماتميـل
نشرب الدم مثل شـرب المولـه للفنـد=وننشق البارود كنـه رياحيـن النثيـل
والدخان إذا حضرنا الوغـا كنـه ثمـد=نكتحل به والقنا عندنـا مكحـل وميـل
(ربعنا الأنصار) في الحرب واردهم ورد=وحنظله منا شهيد وفي الجنـه غسيـل
جيشنا في بدر بـدع وجّـوْد فـي أحـد=قطع روس الشرك بيمانا يشفي الغليـل
طعننا صوب الكلـى والحشايـا والكبـد=وضربنا بالسيف الاجرد على راس القتيل
مانهاب الموت لو كان في شدق الأسـد=باعت الأرواح في سوق يسلم من يشيل
وش بعد تطلـب نحدثـك عنـا وش بعـد=أقصر الهقوات تكفى ترى المسرى طويل
شيخنا لوجاك شـوره تقـل يـازن بلـد=وطفلنا من جودة العقل جا شيـخٍ ثقيـل
والنميمه والخنـا سوقهـا فينـا كسـد=ما تسمعنا لهرجـة حقيـراً قـال قيـل
مـا تغزلنـا بسلمـى ولانـوف ورغـد=ما تغنينا من الوجـد بالطـرف الكحيـل
أرتضينـا منهـج الله وبايعنـا الفهـد=وانتسبنـا للحنيفيـه الديـن الأصـيـل
والذي ما يعبد الله يمـوت مـن الكمـد=وش يبي بالعيش عيرٍ على المزود وبيل
عن صلاة الفجرويل الـذي عنهـا رقـد=تايه مخبول يامشبهـه بصحـاب فيـل
من يريد المجد يتعب ومن يزرع حصـد=والنجـاة بطاعـة الله ويانعـم السبيـل
والله اللي صاحب الجود ماللجـود حـد=مدتـه تغنـي إلا قطّـب الاش البخيـل
يقبل التايـب ومـن رد ماكنـه شـرد=أمره النافذ ولـو قلـت هـذا مستحيـل
لـه نـزولٍ بآخرالليـل والعالـم هجـد=من دعا يكرم ويعطى وهـذا كـل ليـل
ما نظمت الشعرلجـل العطايـا والرفـد=ولاطلبت من الخلايق ولو وزنـة فتيـل
الله من علمٍ وشعرٍ بصـدري لـه زبـد=هايجٍ مايج منيفٍ علـى دجلـه ونيـل
كل ماقمت احبسه يا قصيدي هد - هـد=غير يغلبني بغزره وأنا جسمـي نحيـل
كم تدفق مثل سيـل العرمـرم واحتشـد=حطم الجدران من صطوته شال النخيـل
مقصدة وادي الدواسر يكرم مـن قصـد=جودهم لوسال في الناس ينسي كل سيل
يا مخيلْ وبل ليـلٍ علـى القبلـة ركـد=زعزعته الريح وأقبل وله زجروصهيـل
له مناشي في محايل وزمجرفـي ضمـد=راعده زلـزل بفيفـا ودوا فـي بكيـل
أحتكم في ديرة الجود وأهمـل وجتهـد= كن شبيهٍ للدواسر تـرى الغالـي قليـل
قالهـا عبـدٍ لمـولاه مـا يعـزا بأحـد=غير رب البيت حسبي وهو نعم الوكيـل
والصلاة على محمد تسيـر بـلا عـدد=وآل بيته والصحابه خلاصة كـل جيـل