بعض النساء تمشي دروب العذاريـب ** وبعض النساء تعشـق دروب الذرابـة

هذا زمان ما يعرف المواجيب =ينعق بعد صوت الحمامة غرابه
من بعد ماكان العرب فعلهم طيب=غدر الزمن يا خوي كشر انيابه
الضيف ما يحشم بيوت المعازيب=و البنت فعل العيب ماهي تهابه
و الستر ماهو بالغطا و الجلابيب=بعض العرب ما يسترونه ثيابه
ويا سود الله وجه بعض الرعابيب =وشقومها ما تستره في غيابه

ارسلت للي فاهم (ن)بالمكاتيب = افطن لحكيي وانتبه للكتابة
ياذيب لاتغفل عن الشاة يا ذيب = استر عليها من عيون الذيابة
ياسيب وين الغيص ياسيب ياسيب = غرق رفيقك صاحبه مادرابه
يا اهل البكار الشقر والفطر الشيب= نقص (ن) من الراعي يضيع ركابه
شمس الخجل هفت على الارض بتغيب =شي(ن)غريب يستحق الغرابة
بعض النساء تمشي دروب العذاريب =وبعض النساء تعشق دروب الذرابة
ماهم سوى مافيه شك (ن)ولا ريب =بين السماء والقاع مابه تشابة
الاوله فلت شعرها على الجيب =وقامت تبختر بين قوم وقرابة
واليها ذلته بين الاجانيب =ماهي ليامن غاب تحسب حسابه
و الثانية رعبوبة تترك العيب =وان غاب بنت الناس عزت جنابة
شتان بين المر والمسك والطيب =ومابين ذل وعز نفس ومهابة
القاف رتبته على الوزن ترتيب =ابغيه الى من جاك تعرف خطابه
وتبي تامن من الغدر ياذيب كن ذيب =وان لم تكن ذيبا كلتك الذيابة