الاخوه والاخوات اعضاء وزوار المنتدى
السلام عليكم ورحمة الله
يشرفني تقديم الابيات التاليه بين اياديكم الكريمه
راجيا ان تنال رضاكم
قلب ياللي جر له ونة(ن) قبـل الغـروب = واستمرت لين ضاع النفس مـن طولهـا
والنفس يوم انقطع وقفت معـه الهبـوب = حالت(ن) ما هللـت لـي ولا هنـوا لهـا
ولعت في قلبي النـار واشتبـت شبـوب = وقامت الحسرة تعاقـب علـي اخيولهـا
يوم شفت اللي يابون اهلها صيف الجنوب = درة(ن) تسلب اقلوب البشـر واعقولهـا
قربوا جمـس جديـد مخصـص لركـوب = والجيـوب الباقيـه واقفـه بحمولـهـا
يوم صفوهن تخدرت مادري قمـت اذوب = وصار في صدري عبيـد تـدق اطبولهـا
وجت تخطا كأنها المهره الصفراء الطروب = امهـا واخواتهـا كلهـن مـن حولـهـا
كأن خطوتهـا ثقيلـة وممشاهـا هيـوب = او الارض اللي تحتهـا تشـد ارجولهـا
وقام يؤضي خدها مثل بـراق النصـوب = تسحب الشيلة ولا اضفت على مجدولهـا
السفر جائن عليها مـن كبـار الذنـوب = ونظرت يمي وانا كأنـي اوحيـئ قولهـا
واومت بكف(ن) منقش وباطنه امخضوب = واغفلت عن نفسهـا واهلهـا فطنولهـا
وهاوشوها لين راحت تطير ابها الهبـوب = واختلط صوت البكاء مع دنيـن احجولهـا
عزتي عنها وهي بين شينيـن الـدروب = جرموها اكبـر جريمـة ولاهـي حولهـا
ونظرولي نظرة الحقـد سـودان القلـوب = لا اتعـذر دونهـا كلمـة(ن) بـا اقولهـا
وتله السـواق تلـة مروجـت الحبـوب = شافـوا الدوريـه وعارفيـن افعولـهـا
واظلمت دنياي من كل فج وكـل صـوب = كأن الارض ابي انطوى عرضها مع طولها
آخر المواضيع
الونة الطويله 
