قصيدة التوجد لخالد بن مدعث ومجاراة ناصر الفراعنة له

بسم الله الرحمن الرحيم


إخواني وأخواتي أعضاء منتديات البدو حفظكم الله
السلام عليكم ورحمة الله وبركاته وبعد :


هذه قصيدة الشاعر خالد بن مدعث الخرفاني الدوسري وهي ( توجد )
ولقد جاراه الكثير من الشعراء مثل : ناصر الفراعنه و مطلق بن شوية السبيعي
و عبدالله السليس ومهدي بن عبار وغيرهم من الشعراء .

للاستماع

بصوت شجي


بصوت آخر


يقول خالد :

كل ما فاضت عيوني باشت الأضلاع غنـا ** الموارد في الضلوع وكل ضلع فـي ونـه
والتمني ما يحقق هقـوت القلـب ان تمنـا ** بس قلبي ما يدانـي تبعـد الهقـوات منـه
وا وجودي وجد من جلي عن دياره مجنـا ** تو عمره عشر واربع والليالي مـا تحنـه
ما وراه إلا عجوزٍ واختـه وعـود مسنـا ** بين فقر وبين دين وبين ضيـم وبيـن منـه
ما ذبحهم غير دمع من الغبينـه مـا يكنـا ** ويل من سود الليالـي بالمصايـب يبتلنـه
راح مثل الذيب وهبلته حياة الذيـب ظنـا ** وآمن والموت يومه بيـن مخلابـه وسنـه
راح ينقل دم قلبه وان ضـواه الليـل ونـا ** الذيابـه مروحاتـه والسيـوف يدورونـه
ليا ذكر دم القرايـب عانـق البيـدا وثنـا ** وان تذكر ضحكة امه زاغ قلبه من مغنـه
ما يلوعه في حشاه إلا ليا شاف البرق سنا ** غاب عشر اسنين ما به من يرد العلم عنـه
ان حداه الخوف منا هزت الأشـواق منـا ** يوم طال الوقت عود للديـار اللـي ربنـه
قـال مـا دام المذلـه والبـلاوي يبتلـنـا ** والله ان الموت في الأوطان بين الربع جنه
يوم وقف في المنازل ما لقـى بيـت مبنـا ** غيـر بيـت للهبايـب والـذواري يلعبنـه
راح يمه كنه اللي ضاربـه رمـح مطنـا ** وعذابه ما دري ان اسهوم بقعـا يحترنـه
يوم قرب سمع له صوت من العلـه يحنـا ** حصل امه عندها ضيف يقول الموت سنـة
قال يمه قالت عيوني مـن الدمـع انعمنـا ** قال ابويه قالت اطوال النصايب قد خذنـه
قال واختي قالت اقفى القوم باختك مع ظعنا ** قال ربعي قالت اسنيـن المجاعـة فرقنـه
قال جيتك قالت ان الموت ما ظنـي تونـا ** واستلمها نازع الارواح روحـن مرجهنـه
ثم صاح من التفرق صيحة اللي فيـه جنـا ** دق صدره وانطوى من حر ما به طي شنه
كل هذا حال قلـب مـن خلقـه الله معنـا ** الهمـوم يوكلـنـه والـروابـع يوكلـنـه
ليه ادور للسبايـب والسبـب فينـا ومنـه ** النفوس وما تسوي واليدين ومـا حصدنـا
لا تسودنا الخطايا نلحـق الشرهـه زمنـا ** مـا جزانـا إلا عملنـا والخلائـق يثبتنـه


******************

&وهذه مجارة الشاعر الكبير ناصر الفراعنة لصديقه خالد الدوسري&

هذا ملف صوتي للشاعر الكبير ناصر الفراعنة




يقول ناصر :

كل ما فاضت عيوني نجـر ابـن حربـان دنّـا ** في ضلوعي يسمع اللي مـن ورا بغـداد دنّـه
يوم ابن مدعث لنا سـنّ الوجـود الحـقّ سنّـا ** وا فوادي كنّ دود الارض يرعـى فـي مسنّـه
وا فوادي لو تضنّى يابـن مدعـث مـا تضنّـى ** كنّـه المجـدور عقـب الجـور مرمـيٍّ بعنّـه
اشعل التنبـاك مـن خلقتـه مـا شبّـه و كنّـا ** مير كنّه من عجـاج فـاح مـن صـدره يكنّـه
وا وجودي وجد منهـو عـضّ بابهامـه وحنّا ** واحدٍ شـاف الثـلاث البيـض سـودٍ مستجنّـه
شـاف قـدّام الخيـام خشيـف ريـمٍ مرجهنّـا ** وثوّر البندق يبي صيـده وراغ الخشـف عنّـه
اطلق اربع عقبها اربع ثم سمـع صـوتٍ يونّـا ** واثرها امّه صابها طلقـه و طـار العقـل منّـه
واتهمـوه بذبحـة امّـه ليلـة العيـد و تجـنّـا ** اتهمتـه النـاس و صـدوف المقاديـر اتهمنّـه
قالوا اخوانه تـرى منّـا بمنـك ولا انـت منّـا ** يفرق الله بيننـا و بينـك عسـى مالـك مظنّـه
لك ثلاث ايام من ذلحين و ارحـل مـن وطنّـا ** عقبها تخطر علـى راسـك مضاريـب الاسنّـه
ودّع مريتـه وتـوْ بنتـه صغيـره مـا تحنّـى ** توّها ام اربع شهـور و فـي لحَمهـا زود لنّـه
ركْب غوجه و انقلـب قبلـه بليـلٍ مـا تونّـى ** والحمايا مـن خلافـه ارخـوا حْبـال الاعنّـه
المطايـا و السبايـا مــن خـلافـه عمـدنّـا ** والمنايـا سـجّـدٍ قــدّام عيـنـه يحتـرنّـه
كل ما عنّـز علـى قـومٍ وطـنّ الـراس طنّـا ** قالـوا اذلـف ذابـح امّـه لعنبونـا لـو نحنّـه
ذابـح امّـه لـو زبنّـا عـدّه انّـه مـا زبنّـا ** لعنبـوك بْيـوت قـومٍ ذابـح امّــه زبنـنّـه
الجمالـة مـا تجمّـل فـي ولـد حـرٍّ تدنّـى ** ميـر دوّرغيرنـا وانحـش بقلـبـك لا نـدنّـه
وانقلب من عندهـم كنّـه علـى محمـاس بنّـا ** يمّة اهل الغـوص عجـلات الركايـب وجّهنّـه
ركْب بابـور البحـر و دمـوع عينـه يذرفنّـا ** فـوق خـدّه كنّـهـنّ اذواد بــدوٍ مرثعـنّـه
يـوم حـلّ الليـل اشرعـة السفينـه دودلـنّـا ** و الهبايـب مـا يخلّـنْ محبـلٍ مـا دودلـنّـه
قـام ربّـان السفينـه قـال يـا نـاس امتحنّـا ** قوموا ادعوا ربّكـم عـلاّم مـا وسـط الاجنّـه
قـال شيـخٍ منهـم الا عنـدي الـراي المطنّـا ** ضحّوا بواحـد عسـى الله ينقـذ ايديـنٍ رجنّـه
و طاحت القرعه على اللي ذابح امّه مـا تتنّـى ** ثم رموا بـه فـي ظلمـات البحـور المستكنّـه
و ادبحوا عنّه وهـو فـي غبّـة المـوج يتثنّـى ** ثم عرض له من وحوش القرش جرجورٍ و صنّه
عضّ جرجور البحر ساقه و صايـح و استجنّـا ** ابك لولا الله كـلاه القـرش مـا يسلـم مطنّـه
وفي ديارٍ من بـلاد الهنـد بيـن انـسٍ و جنّـا ** من فضل ربي عليه اطراف الامـواج احذفنّـه
ومثل ما قبل امس متهـومٍ بذبـح امّـه معنّـى ** اتهمـوه بذبـح سلطـان الـبـلاد المطمئـنّـه
و في السجون المظلمه خمسة عشر عامٍ قضنّـا ** مع ثلاث مـا قضـنّ الا عقـب حالـه قضنّـه
لا سمع ورقـاً تغنّـي جـرّ مسحوبـه و غنّـى ** وكلّ مغنىً يزعجه غصـبٍ يجـي تاليـه ونّـه
ولا طرته بْيـوت قـومٍ فـي الخلايـا يرفعنّـا ** دار دولاب الدبـا الدالـوب دولابـه و زنّــه
وكل ما برقٍ سرى شرقٍ صـدوق الغيـث شنّـا ** كـن قلبـه فـوق سبـق طيـور بـرٍّ شطرنّـه
عقـب مـدّه جـاه مـن داره نذيـرٍ مرثعـنّـا ** قـال انـا جيتـك بعلـمٍ والله انّـه والله انّــه
حرمتك ماتت لها عشـر سنـواتٍ قـد مضنّـا ** والبنيّـه معمـسٍ تقـرع عليـك قـراع شنّـه
عمّها عزّر بهـا فـي وسـط بيتـه مـا تهنّـى ** خادمـة نسوانـه الثنتيـن و الـلـي ضيفـنّـه
ثـم زوّجهـا لبـو سبعيـن عـامٍ مـا انقصنّـا ** شايبٍ يطرب خفوقـه لا سمـع للقـرش رنّـه
يوم سمْع هْروجهم فاضـت عيونـه و ازحرنّـا ** وسط سجنه كنّه اللي ساكـنٍ لـه فـي مجنّـه
قال يا ربعي افزعوا لي مـن سجـونٍ غيضنّـا ** و قبر قلبـي الدمـدم آغـادي يديكـم يظهرنّـه
قالوا انّـا وش لنـا انّـا والله انّـا مـا شحنّـا ** غير بنتك والاّ مثلـك مـا قربـه بقـرب جنّـه
وانتحـوا وعيـون قايدهـم جـنـوبٍ خايلـنّـا ** وهـو ورا سجنـه عيونـه كـلّ نجـمٍ خايلنّـه
وعقب عامٍ من مجيْ ربعه و سـنٍّ عـضّ سنّـا ** اعفوا الكفّـار عنّـه مـن عقـب سـودٍ دهنّـه
يوم فكّوا قيـد رجلـه وانطلـق خاطـرْه منّـا ** و انفلت يبغـى ديـارٍ مـن ورا نجـد اشحننّـه
حثّ ساقـه مـا يشـوف الا بنيتـه يـوم قنّـا ** من عقب عشرين عامٍ في وطـن قـومٍ مصنّـه
ومن ردى حظه نهار اغضنْ عيونـه و ارقدنّـا ** فزّ من نومه عقـب عضّـه حنـش دابٍ بسنّـه
ومن اثر سم الحنش يونـس ضلوعـه يطبخنّـا ** وطاح عزّي لواحـدٍ سـود الافاعـي طيحنّـه
يـوم هـو فكّـر والـى فوقـه نجـومٍ يبرقنّـا ** وشـاف بكيـة بنتـه اللـي جـا يبيهـا بينهنّـه
قال يا نجوم السما تكفين روحي صـوب اهلنـا ** علّمي بنتي عن اللي صـاب ابوهـا واستسنّـه
اشهد انّا مـا بحلنـا فـي الليالـي اشهـد انّـا ** مير حظي خانني ثمْ مـات مـا بـه مـن يقنّـه
ذاك وجده وجد حالي فـي وطنّـا مـن عطنّـا ** من هنـوفٍ خدرهـا بيـض الهنـادي يحتمنّـه



أتمنى أن تنال إعجابكم

من مواضيع فارس تغلب
0 رواية الرد على رواية( بنات الرياض )يوجد نُسخة لجوالك
0 الشيخ الفوزان (فتنة المسعى والرد على شبهات المجيزين لها )
0 الشيخ شالح بن هدلان قصة وفاء ومحبة وشجاعة
0 مـدمن يرثي نفسه . . .( مقطع صوتي )
0 توبة الصحابي الجليل (أبو محجن) في معركةا لقادسية..

توقيع فارس تغلب

لا هنت يا فارس تغلب بيض الله وجهك

موضوع وافي وانت وافي الله يعطيك العافيه

من مواضيع عنيد
0 مساجله
0 أنا من نجد يكفيني هواها
0 رسالة إلى أبي
0 دعوة لحضور حفل زواج
0 يا يمه انا مقصر بحقك

توقيع عنيد

من مواضيع ضميرك الحي
0 خبر عاجل ** ترقب لإنفجار بركان بالعيص **
0 طالب يتحدث عن معلمه الذي علمه القرآن
0 ماذا تعرف عن هؤلاء؟
0 ياشينها
0 علوش بن ظويهر ينقد فنجان القهوه في مجلس ابن الرشيد

توقيع ضميرك الحي

بالغياب فقط

يمكننا أن نلفق نسيانًا محترمًا

لأشخاصٍ فقدوا قدرتهم على تذكِّرنا!

من مواضيع الساهرة
0 مكتبة الشاعر محمد بن الذيب
0 قلـــــــــوب مــــريضـــــــــة
0 أغلى السيارات لعام 2008 - وكالة
0 هـــل يــاتــرى أشتقــت لــي ؟
0 مــا عقـب العـــود,, قعــــــود

توقيع الساهرة

أخوي عنيد

أخوي ضميرك الحي

أختي الساهرة

حياكم الله يالغاليين وشاكر لكم مروركم الكريم يالأجواد

من مواضيع فارس تغلب
0 فلاش صفة تغسيل وتكفين الميت و صلاة الجنازة
0 نـبذه عن الشيخ عبدالرحمن البراك حـفظه الله
0 البرتقال: رمز السعادة ومكمن الفوائد .
0 خطأ الشاعر الكبير خلف بن هذال ورد الدوسري عليه
0 إعجاز القرآن في قوله تعالى " سيماهم في وجوههم " .

من مواضيع السردي
0 رابط اللعبة الجميلة ( ترفيـــــــــان)
0 نشيد جميل لحــــــــــــــامد الضبعان
0 وسع صدرك بهذه الصور
0 (فــــــــــــــــــــــــــــــــــــارس الأحلام)
0 نشيدة (( يانديمي))

توقيع السردي