مصافحة اولى .....

رضيت أنا حبك وبس ماعقب موت الروح روح= لي روح وحدة وإن قضت يعني وصلت نهايتي
أقول..يا حلو الغرام ليا جمع صدق ووضـوح=وأقول يا حلو التعب يـوم إن عيونـك غايتـي
إن قلت أحبك ..خافي إحساسي يفوق اللـي أبـوح= لاشك دام إنك علـى درب السـرور بدايتـي
والليل لو عاد بسمـاه المظلمـة قمـرا تلـوح=ما شفتها غيرك ولا به غير نـورك حاجتـي
والناس شفت وجوههم مابينهم وجـهٍ صبـوح=لكن وجهك صار عن باقي الوجوه كفايتـي
حبيبتي..أهلاً وسهـلاً بـك هنـا ولا جـروح=أهلا بحـبٍ غايتـة عـزي ورفعـة هامتـي
قلبي معك لو ساقت الدنيا لنـا حـظٍ شحـوح=أزحف لك ولو ما قوت تركز عظامي قامتـي
شيٍ يشرفني ونـا أضيـق لعيونـك وأنـوح=حتى قليـل إن الوفـا ويـاك يصبـح رايتـــــــي
أشتاق لك وأقول ليت ألقاك يالقلـب السمـوح= ودي بحبي لك أسولـف لـك بكـل حكايتـي
وأقول يفداك العمر لـو راح لعيونـك يـروح= يوم إني ألقـا فـوق كفينـك دفـاي وراحتـي
تأكـدي إنـي لحبـك يابعـد كلـي نصـوح=كلك على بعضك رضيت أو ما رضيت هوايتي
لا شك إنك روحي وما لي بعد مافقـدك روح= وليا حصل يوم وتركتينـي وصلـت نهايتـي