رغم مـا قلتـه ورغـم اللـي بقـا عنـك بقولـه= والله إن المدح مهما كان في حقـك قليـل
بين مـا طلتـه وذاك اللـي حلمـت إنـي أطولـه= وحدك اللي شفت تحقيقي لقربك مستحيـل
كنت أقول الحـب قبـل يصيبنـي يسـر وسهولـة= لين حققني وعشت بقبضته عمري ذليـل
مـا يفيـد نعيـش دام إن حلمنـا صعـبٍ حلولـه=ويش تساوي عيشةٍ فيها الفرح ماله دليـل
صعب نحيـا ولأمـل غايـب ولا يمكـن وصولـه= وإن بكينا من متى صار البكاء يشفي العليل
آه.. ويلي لـو غزيـر الدمـع يسعدنـي هطولـه= كان صرت اسعد بشر من كثر ما دمعي يسيل
المحبـة بحـر وأنتـي عـز ياقـوتـه ولـولـه= واعتبرتك من يدين الحظ لي أعظـم جميـل
والغرام اللي فتـق ظهـري وأنـا شايـل حمولـه=ما لفاني بالهناء حتـى ولـو عابـر سبيـل
والبلاء قلبين صارت فـي بعـض حيـل مهبولـه=ما تبالي بالحزن عنها يميل أو مـا يميـل
إن سكتْ أو عـاد فـي بالـي حكـي ودي أقولـه= قلت (أحبك) وأدري إن الحب في حقك قليل
آخر المواضيع
لعيونكم وانشاء الله الردود اكثر 
