أنا شخصٍ خذاه الحظ وأمطر به علـى كفيـك=غريب ويرتعش (بـرد) ويبـي يتلحـف أهدابـك
يهون أشب فيني لـو علـى بـردك تبيـن ادفيـك= يهون أقبّل جبـاه الجـروح اللـي مـن أسبابـك
وصلتك بسمةٍ ماتت ونفسٍ ناشفـة ترجيـك=تمص الرمل من حر الجفـاف ويابـس أعشابـك
وصبرٍ مل يأخذ من حياتي وقـت ثـم يعطيـك=ورغبـة يئسـت إنهـا توصلـك والصـد بوًّابـك
تسولفني لك عيوني قبل لا بـدأ الحكـي واحكيـك=وأجي يمك قبل حتى يطـول الوقـت مـا جابـك
دخيل النظرة اللي ذوبّت عمري ماا بيـن ايديـك=شبعت أجوًّعك وشبعت أعطشك وأرضيك واشقا بك
دخيل الرقة اللي تفرقك عن طبع ذيـك .. وذيـك=خذيني سائلٍ ما طاب لـه يطـرق سـوى بابـك
ولو إنـي عرفتـك للمنايـا درب جيـت أمشيـك= وبزرع بالزمن قلبـي وفـا وإخـلاص لحسابـك
ولـو إنـك ليالـي سرمديـة بسهـرك واسريـك=ولو الصبح عمره مـا يصافحنـي علـى أبوابـك
وتعبت أمر بك ذكرى وأضيق من الولـه وأبكيـك= تعبت أصيح لك حتـى فقدنـي الصـوت بغيابـك
ولولا الحظ هذا اللي هطلنـي حـب فـي كفيـك=تحملت الشتاء أهوّن مـن إنـي أشحـث اهدابـك
آخر المواضيع
مصافحة اخرى .. وما زلت عضوو جديد 
