أنـهـان شـأن الـكــريـم وعــز قــدر الــذلــيــل

عروق نبض الحياه بروح حيٍ قتيل =في مــوقــفٍ يسأل الهقـــوه وهي تسأله
لا الصدق ينجي الصدوق ولا الجميل الجميل= ولا الجد يفرض قوانينه على المـهــزله
بالواقع اللي سنينه للتناقض عميل =يشري بها منـتهاي وهي تبيع أولـه
والذكريات الهزيله ماتــّـزبن دخيل = الوقت يعرف ملامحها وهي تجهله
دام الجبال الشوامخ مابها من مقيل = تصرخ بها أرياح وقتٍ قاحله ممحله
أنهان شأن الكريم وعــز قدر الذليل= أصعب من الصعب كان وصار يامسهله
أي شيء يمكن يصير ولا بقى مستحيل = وقد قيل للشي لامن زاد عن حده مله
ماعاد به فرق يذكر ؟ من قصير ومن طويل = ولا عاد يسئل عن القادم ومنهم هله
ماعاد يعرف غروب الشمس وقت الاصيل = ولا عاد باقي أجابه مقنعه وأسئله ؟
وعــّزمت اللملم جروحي وأتجه للرحيل = رحال دربي طويل وتوني بأوله
وعروق نبض الحياه بروح حيٍ قتيل =في مــوقــفٍ يسأل الهقـــوه وهي تسأله