السلام عليكم ورحمة الله وبركاته
اليوم وديت جدي للمزرعه قلت اروح اتمشى على الفرس واركضها شوي رحت وبعد مسافه
من المزارع لقيت ضب مربوط بخشبه من اسفل الظهر يقوه وممكن له اكثر من يومين حالته تعبان
اشوف شي اسود داخل فمه نزلت من الفرس وقربت منه لقيت قطعة خام لونها اسود مالأه فمه
والفم مخيط بخيط اخضر
فكيت الحبل المربوط في الخشبه منه وعذبته على ما فتحت الخيوط الي بفمه وطلعت الخام الاسود
لقيته مخيط وداخله شي كسرت من الخشبه وشقيت الخام لقيت ورقه فيها كلام ما ينفه واظافر وشعر الورقه شكلها بني قديمه وعليها شي مكتوت شققتها وقطيت الاظافر والشعر
الضب شكله تعوق من الحبل
رجعت وقلت لجدي قال توكل على الله هذا سحر والحمد لله انك ابطلته
الي بالمزرعه الي جنبنا يقول لو مات الضب يموت المسحور قلت له انه مريض ورجلينه الي ورا ما يحركهم
قال روح جيبه قلت شتبي فيه قال ابخليه عندي لين يتعافا علشان يتعافا المسحور رحت جبته له
واخذه معه
هذا خوفني قالي لا تنام لحالك اليوم انا متوكل على الله وحده لكن خفت من كلامه
آخر المواضيع
سحر داخل فم ضب 
