مصافحه اولى للاب الروحي

فـي لحظـه فيهـا جفيـت وتغليـت=شفت الحبيبـه يـوم قفـى ضعنهـا
ماتـت وهـي مزعلتنـي ويالـيـت=ماكنـت انـا يانـاس زعـلان منهـا
جتني تقول اخطيت واخطيت واخطيت=جتني كماالمهـره وترخـي رسنهـا
جت تعتذرلي عـن خطاهـا وعيـت=وانـا احسبنـي بالغـلا ممتحنـهـا
اثر العمر لحظات لحظات مااوحيـت=غلطة عمـر راحـت وبدفـع ثمنهـا
ندمـان اي والله نـدمـت وتمنـيـت=مامرنـي يوم(ن)وانـا بعيـد عنهـا
ياليتنـي ياليتـنـي قبلـهـا مـيـت=ليت الزمن فيني وقـف مـع زمنهـا
ياليتنـي فـي ذالـغـلا ماتمـاديـت=ولاشفت يوم(ن)فيـه ذايـق حزنهـا
ولاشفت اخوهااللي تحبـه وصديـت=يبكـي ودمـع العيـن غـرق كفنهـا
ابكيتني ياغالـي(ن) عندهـا ابكيـت=عين(ن) تراعيها وعيـن(ن) وطنهـا
ياقبـرهـا ياليـتـنـي ماتعـنـيـت=صوبـك وشفتـك حفـرة ترتهنـهـا
ولا شفت ابيها بمنظر(ن)منه عانيـت=ما شفـت ابيهـا يـوم قـام ودفنهـا
يا قبرها وسط الثرى انـت واريـت=اجمـل بنـات الكـون لا تمتهنـهـا
ارفق بهـا تكفـى طلبتـك وناديـت=انـا دخيـلـك ياقـبـر لاتغبنـهـا
ماتت وانا عـن قبرهـا مـا تعديـت=باقـي عليهـا دام قلـبـي سكنـهـا
تسألني الذكـرى عسـى ماتناسيـت=وشلـون بأنسهـا وانـا محتضنـهـا