حوار مع رئيس جهاز المخابرات

سالونى وقالولى بعد التحية والصراحة كلة كان مية مية
واوراقى سليمة وزى الفل مع ان فى الاساس
مفيش اوراق اول سؤال كان عندك عيال؟
قولتهم عندى اتنين ومستنى التالت
قالولى كمان مش عامل تحديد النسل؟
انت عايز نربوك ونربوا العيال كمان مش تخلى عندك اصل
قالتهم اصل انا لية فى الحكاية دية راى
سيادتة رد وقال وكمان ليك راى
قولتهم هية الخلفة سياتك حرام
رد سيادتة وكمان اتتكلم فى الحلال والحرام
انت شكلك كدة ارهابى
قولتهم لا واللة انا بس بقو ل اسبابى
رد سيادتة هو احنا علشان سمعنا ليك كلمتين
علشان تعرف ان احنا ديمقرطيين
اتقول اى كلام وتعمل معانا حوار
انت دلوقتى فى قلب جهنم يعنى تخيل نفسك فى وسط النار
اتعمل اية قولتهم ادعى واقول استر يا ستار
قالة سيادتة اية رايك بالنسبة للمولود الجديد
بدل ما انت مستنية نخلية هو اللى يستناك
قولتهم وعلى اية وقالى بالمنسبة اذا ربنا حياك
انت ناوى تسمية اية قولتهم الاسم اللى انتم تختاروة
رد سيادتة وبصلى من تحت لفوق وقلى انت لابس كدا لية
قو لتلهم قميص وبنطلون هوسيادتك فية اية؟
رد وقلى هو انت اللى هاتسألنا والا اية قلت فى سرى لية؟
نطق سعادتة وقلى القميص بيكم وقولتلة هو دة حاجة تهم؟
رد سيادتة وقلى هو انت كمان اتدخل فى شغلنا اتلم!
وبعد احلى تحية جانى كذا قلم هدية بصلى وقلى انت شكلك كدا بتشم
قولتلة سيادتك انا عندى اللحمية قالولى تصدق ان دمك خفيف شوية
وعلشان كدا احنا هانتوصوا بيك
بس انا مش عجبانى حاجة قولتلة سيادتك ربنا يخليك
قالى القميص..، قولتلة المربعات اللى فية مش متظبطة
قالى سيادتة لاالكمام اية رايك لما يبقى بنص؟
قولتلة على طول قص سيادتك بتاخد رايى
قالى علشان تعرف ان احنا بنحبوا الحوار
شوفت ازى قولتلة سيادتك صاحب القرار
قالى طب والبنطلون اية رايك لما يتعمل شورط؟
دى سيادتك كدا انت بتدلعنى احلى دلع،
تصدق انك بقيت جدع وبدءت تفهمنى
قولتلة انا فى الخدمة وتحت امر الامن العام والامن الخاص
وامن البدنجان واى حاجة فى مصلحة النظام انا خدام
قلى بس فية حاجة قولتلة اية واللي تأمر بية؟
قلى احنا لما بنقطعوا مابنقطعوش قماش
قلت ازى ياافندم سيادتك
قلى احنا بنقطعوا ايادى ورجول
وصوبعك اللى كلها فن فى اكل العدس والفول
واللى نازل بيها كتابة زى ما تقول قول
وقاعد تقول اشعار ضد الحكومة وضد النظام
وناسى انك محكوم من يوم ما اتولدت لحد اليوم المعلوم
اية رايك فى عملية تفصيل من جديد
تستقبل بية المولود الجديد بالعربى هانعملولك عملية قص
وبدل ماانت واحد صحيح هانعملوك نص
اية رايك لما نحطوك تحت المقص
قولتلهم ان كان البنطلون والقميص معلش
انما موضوع ايدى ورجلى ميحكمش
قولتهم انا طول عمرى بحب البلد وتراب البلد
رد سيادتة وقالى ما احنا البلد
وواجب علينا نعلموك تحبنا ازاى
علشان مبيقاش الموضوع جهجهونى
رديت قولتهم واللة العظيم عندكم حق
انا طول عمرى بشكر فى جهاز الامن
وبقول هو اللى مستحمل بلاوى البلد
قالى سيادتة وقلى مش قولتلك احنا البلد
قولتلة قصدى الشعب
قلى ما احنا برضة الشعب
قولتلة انتم البلد والشعب وامال السبعين مليون دول مين
دول اللى شيلين الطين وشربين المر
قالى دول بيتسموا ....... المرة دى شدة ودن
المرة اللى جاية اتبقى فية ايدين ورجل
علشان تعرف ان احنا عندنا صبر
قولتلهم واللة العظيم انتم خيركم على الكل
والبلد زى الفل وانا قلبى من نحيتكم طارح جانيين تل
وطارح ياسمين وفل
انا مش عارف الناس دى عايزة اية الناس دى خلتها خل
ربنا يخلينا الحكومة وياخد الشعب ما بيجيش من وراه اللى تعب القلب
ويخلينا رجال المخابرات ورجال الامن
وقمت من النوم زى المجنون احسس على ايدى ورجلى
واخد عيالى فى خضنى وابص فى صوابعى وادور على دفترى وقلمى

من مواضيع عبد الحميد بدوي
0 انا المتنبى لهذا الزمن
0 ضد النظام
0 كلمينى على الاميل
0 يعنى اية رئيس جمهورية
0 ضد النظام

توقيع عبد الحميد بدوي

الكلام فيه مستوى فلسفي و أدبي عالي ، بس اللغة العاميّة المصريّة مش مفهومة قوي في معظم المنتديات ، فياريت تكتب لنا بالقلم الفصيح ...

صحيح كلامك ممكن يخلينا نضحك ، لكن لمّا نقارنه بالواقع بنبكي ..

بس كلامك مبالغ فبه شويه ، و في بعض العبارات ما كان ليها أي داعي ، لما كنت بتتكلّم عن الشعب ....
و أنا ممكن أكون معنديش ( ما عندي ) أي وزن أو خبره ، بس على كل حال ، أنا بنصحك و بنصح الجميل بعدم التكلّم في السّياسة ، لسببين :
أولاً الكلام الكثير لن يغير الواقع ، و ثانياً يمكن أن يجلب لك المتاعب ( يودّيك في دهيه )

من مواضيع أحمد محمد فايز
0 قصة حبّي
0 قصيدة نداء لفلسطين
0 إذا مشت الحبيبة من أمامي
0 كيف تكتب شعراً فصيحاً موزوناً ( أرجو التثبيت )
0 خيانة

توقيع أحمد محمد فايز

شعري إذا ألقـيـتـهُ سَــــمِعَ الدّجــى
و الصّبح و الغبرا و أعنان السّــما

من هو الشاعر اذا لم يغير وما الشعر ان لم يتغير ان صوت الناس انا كلمة الحق
ونفسى حال البلد يكون احسن والوض

من مواضيع عبد الحميد بدوي
0 مشتاق لعينكى
0 ساحرة المساء
0 بغداد
0 عشرين الف مرة اسمك نطقت
0 انا المتنبى لهذا الزمن

اشكرك يا استاذ احمد وياريت اطمن على اخبارك

من مواضيع عبد الحميد بدوي
0 مشتاق لعينكى
0 شوفوا حواديت الميكروباص فى مصر
0 كلمينى على الاميل
0 صنية كيكة
0 بغداد