الشاعـر/ مـحمـد الفيحانــي

من عقب ما صـك الحلـق بالمجاديـب=عمـن تذخرتـه لصفـق المصـايـب
توخروا لو دونهـم لـي عـوى الذيـب=فـي نـازح منـه تـروب الـروايـب
لا عاش من هو في حلـول المواجيـب=مـا هـوب للدانـي معيـنٍ وثـايـب
كبـه وذبـه مـن علـو المراقـيـب=لا زال به سهـم مـن الدهـر صايـب
العيب فـي ذا يـا حذيـرٍ مـن العيـب=يـدراه مثلـك مـن يشـوف المعايـب
خطيت يـوم استشعـر الثـور والبيـب=قافـات فـي ساحـة زمانـي غرايـب
اقول في عـادة هـل الخبـث والطيـب=قولٍ على شـرّب هـل الخبـث رايـب
فصـلٍ يفصـم موثـقـات الكلالـيـب=من واحـدٍ فـي القيـل حاكـم ونايـب
تعنـي مـن العالـم قـورم مـذاريـب=ماهي بمـن بعـض الخمـام الخوايـب
اقـول مـا لا قيـل بالفكـر واجـيـب=قـول علـى معنـاه مـحـدٍ بجـايـب
يا حميد اصغ السمع لي كـودك تجيـب=خيـرٍ وتسمـع فـي جوابـي عجايـب
ليـاك لـي ثـارت عليـك الحباحيـب=فـي غـارة الدنيـا وجاتـك صبايـب
تغشاك مـن صـك البلايـا ضباضيـب=وهموم تفتـك مـن عزومـك قطايـب
اصبـر علـى ضـرٍ بهـا والشواذيـب=داو الـبـلا بالصـبـر لا بالعصـايـب
واخش الشمت حيثه كما ضربة الهيـب=يمـك عيـونٍ مـا تـونـي رقـايـب
وانف الظلايـم لـي تلاقـت غرابيـب=رن البعـيـد ولا تـحـن الـقـرايـب
لا ترحـم الدانـي شوتـه اللواهـيـب=اللـي عليـك يــدور دوم السبـايـب
وانشـع لحمـران النواظـر مجاذيـب=لي جت بهـم بقعـا شبـوب الحرايـب
ثـم اسعروهـا بالنمـش والحواريـب=سـوقٍ غـدت فيـه الغلايـا جلايـب
ارخص بسوم الـروح دون الرعابيـب=فـي ساحـةٍ فيهـا الحنايـا حطايـب
وايش تعتذر بـه دون دلاعـة الجيـب=لي فرعت من عقـب ستـر الحقايـب
واضحت تلـوح بالكفـوف المخاضيـب=تنخـاك يـا سـور البنـات الربـايـب
لا عشت في خيرٍ ولا عاش لـك صيـب=ان جيـت قبـل الفـوز نايـر وهايـب
وافزع قصيـرك والخـوي والمعازيـب=عديـت لـومٍ فـي شـروع العرايـب
دارت رحى جسـاس للحـرب وكليـب=قـدر اربعيـن وعـام كلـه عطايـب
كله على شـان البسـوس النشاشيـب=شليـت ودامـت فـي سناهـا نشايـب
فاحـذر تحـل بـدار غيـر المراهيـب=قـومٍ وسيدهـم عطـيـب الضـرايـب
ينحـون مـن دونـك نحـور التلاليـب=وتعيـش فيهـم مـا تشـوف النكايـب
وامرح ولا تمـرح بمـرح المجاريـب=صبـح ولا تصـبـح ردي الصـلايـب
وإيـاك للصاحـب تـديـم التعاقـيـب=بـالـك لـزلاتـه تـعـد الحسـايـب
خـص الـذي لـه طيبـات المنابيـب=بالعـون مالـه غيـر طيـب النبايـب
وإيـاك لا تنـدم علـى فايـتٍ غـيـب=لو شفـت فـي فرقـاه لـز الكرايـب
وإيـاك لا تحفـل بنـوح النحاحـيـب=لي عـاد مـا تنفعـك كثـر النحايـب
وإيـاك لا تهفـي زنــودك بتثلـيـب=وإيـاك مـن ربعـك تـدور العزايـب
وإياك تكسـر مـن شـدادك مصاليـب=مايستقيـم الكـور مـابـه صـلايـب
وإيـاك تكـرع بالصـري والمغاريـب=وإياك مـن زادٍ مـن المطـل صايـب
وإياك تكـرم خمـة النـاس وصليـب=واحذر تهين اهـل السخـا والوهايـب
وإياك من لقـف العجـر والمشاعيـب=وإيـاك تدخـل بيـن عـوج الطلايـب
وإيـاك تكثـر لعبـتـك بالملاعـيـب=وإيـاك تكسـر هيبـتـك باللعـايـب
وإيـاك مـن قـول يقـص العراقيـب=كـم كلمـةٍ بالخيـر تذهـب سـلايـب
وإيـاك مـن بـوّ ٍ حسـاب المدابيـب=يعميـك مـن رايـه عديـم السبايـب
وإياك لا تشره على مـن غـدا سيـب=عقلـه ولا تكثـر علـيـه العتـايـب
وإيـاك سلفـة مـن يحـدك لتصليـب=لـحٍ علـى ردود السلـف بالشوايـب
وإياك تحسـب فـي كتـاب الكواذيـب=امـح التسمـي بـه بتـرك الكـذايـب
وإيـاك تفخـر لـو رقيـت المقاهيـب=خاو التواضـع وانـت فـوق القتايـب
وإياك تشكـي حـادث الدهـر والنيـب=للنـاس حتـى مـن تراهـم قـرايـب
وإيـاك منـزوع الحـيـا والتلابـيـب=من لا يخاف لحـوق عرضـة سهايـب
وإيـاك للقـالات تسمـع ضـراريـب=تطمـع بقلبـك للكهـانـه ضـرايـب
وإياك تشرب مـن كفـوف الخراعيـب=خمـر وتبقـى مذهـل العقـل غايـب
وإيـاك تقضـي مـدتـك بالتعـازيـب=تخفـي مخاسيـرك بـدور الرقـايـب
تلبس مـن المعـروف منهـم جلابيـب=ما تنفسـخ شـرواة فسـخ السلايـب
خـص التعـزب جاهليـن العـذاريـب=اصعـب صـواب مـن تعـزب لخايـب
واحذر تحكم بهاجـس الظـن والغيـب=راقـب رصـودٍ مـن شديـد العقايـب
واحذر تجي من شاطريـن القصاصيـب=في عرض من هو عنك غافل وغايـب
واحـذر مظالـيـم جبـاهـا تتابـيـب=مـن حيثهـا تدعـي القرايـا خرايـب
واحـذر تحـط بشانعـات الصلالـيـب=نفسـك ولا تبحـث جحـور السبايـب
واحـذر تـودي مقحمـات المكاتـيـب=وتطيـح منهـا فـي حفـور الرهايـب
واحذر من اللي لـك يجيـب التسابيـب=لا بـد مـا منـك يشـيـل السبـايـب
واحذر تهـاون مـن حقيـرٍ بتخريـب=عليـك يفتـح معـضـلات الطـلايـب
واحذر كلامٍ لـي سمعتـه الحساسيـب=تنـدم وعـن كتبـه تـدور المنـايـب
واحـذر يغـرك مـن عـدوك تلابيـب=لو حط فـي المجلـس لدوسـك لبايـب
هيهـات يصفـي خاطـره للتحابـيـب=إلا ان يجـي للثـور حكـم الطبـايـب
وأوصيـك لا تنقـل حمـول متاعـيـب=تبرك متـى مـا ذقـت مـس التعايـب
وأوصيك لا تمضي على الشك والريـب=تنـدم ولا تـدري لـفـك الرهـايـب
وأوصيـك لا تدفـق ملـي المزاهيـب=عند الضحـى غـرك لويـح السرايـب
وأوصيك لا تظهر على السـر وتخيـب=وتسيـر للعـالـم بـسـرك نـدايـب
وأوصيـك لا تاخـذ فـتـاة ولا ثـيـب=ما هي بمن نسـل الفحـول الضرايـب
وأوصيك جود وتخضع النـاس تغليـب=من جاد سـاد وشـب فـوق الشبايـب
وابخـل وتاتيـك الذمايـم مزاهـيـب=توطا عريـن اللـوم وطـي الزرايـب
وأوصيـك بالفرصـة نفـوذ المخاليـب=وخضـع وللحاجـات سـو الخـلايـب
واخفض جنـاح مساعـف للمناصيـب=وخلد متـى مـا ساعفتـك القضايـب
لا تنقـش الشوكـات بالشـوك تنقيـب=لا تستعيـن الضـد للـضـد جـايـب
وأوصيـك لا تعمـل بجوفـك نحاحيـب=عند العسـر وتضيـق منـك الرحايـب
راقب متـى اليسريـن والدهـر تقليـب=دولات وايــام الليـالـي قـلايــب
تاتـي بــدوراتٍ لـهـا بالدوالـيـب=وللـدهـر دولاب بالاحـكـام لايــب
من شفت دامت لـه وجاتـه سلاسيـب=دومٍ ودامـت لــه ليـالـه عـذايـب
وأوصيك مـن دار المحـول المجاديـب=عرّض وتلقـى فـي النحايـا خصايـب
يا ما مـن الريضـان تبقـى معاشيـب=ويا مـا مـن الهـزلان تبقـى جدايـب
فاشتـال مـن دار الهضـم والتعاذيـب=حتيـش لـو تبلـي بفرقـا الحبـايـب
ما الـدار تنسـب لـك بعـد التناسيـب=ولا غـذتـك الــدار در الـحـلايـب
تلقـى بـدال الـدار ديـران وتصيـب=حاشا ولا انت بغيـر ذا الـروح صايـب
واقطع من الخـلان ومـن الاصاحيـب=ليمـا مشـوا تمشـاك كـل السبايـب
جاز الغنـي بالصـد والوصـل تقريـب=من نازحيـن الـدار ومـن العصايـب
ما كـل مـن تذخـر لحاجاتـك يثيـب=لي لولحـت بالحـال سمـت الحقايـب
وارتع بـروض العلـم وارع التآديـب=حتـى تـنـال العالـيـات الرتـايـب
واصمت ولا تكثـر هـروج التجاويـب=ايــاك تـاتـي بالحكـايـا هـذايـب
إعسف هوى نفسك عساف المصاعيـب=وإياك مـن فعلـة تشـوف الصعايـب
اختـر معـزة يـوم عـن ذل تعقيـب=وسنيـن فيـهـا بالمـذلـة هـزايـب
سير الصباح ان خفت جـد السباسيـب=عند الضحـى يحمـد مسيـر السرايـب
للطيـب لا تسـوي بغيـر الطلالـيـب=حـذر اللئـام تنـال منـك شخـايـب
ايـاك لـو تلقـى العواسـج مراحيـب=زرع السبـخ مـا ينسقـي بالسحايـب
اعـرف بمـا سويـت تلقـى تقاريـب=كـل يجـازي بفعلـتـه والوهـايـب
شـاور ورد الشـور بالشـور تهذيـب=تلقـى ببعـض النـاس رد الطـلايـب
اركب على مـا شفـت درب التجاريـب=وافكـر بكيـف طلوعهـا والمغـايـب
ان كان ما فهمك مـن الطبـع تلبيـب=ما تنفعك الافهـام لـو جـت سرايـب
وان كان ما نصحك من النفـس تلبيـب=مـا ينفعـك نصـحٍ تجيبـه سـوايـب
وان كان من وعظ الدهر ما شفت تعريب=مـا ينفعـك وعـظ العجـم والعرايـب
وان كـان مـا دورت بالجـد تكسيـب=ما ينفعـك مـا عنـد ربعـك كسايـب
والحـظ اسعـد مـا يجـي بالتناصيـب=ما اهبلك يا راجـي البخـت بالغصايـب
وإلا العمـر لـو طـال فيهـا بتطريـب=لا بـد مـا يكسـر كسـار القصايـب
والمـوت مـا ينـذاد لـك بالتقالـيـب=كــلا ولا دارت علـيـه الـغـلايـب
ان جاك مـا جـاك افزعـوا للطلاليـب=طـلاب مـا ينجيـك منهـا الهـرايـب
أخيـر انـك ثـاويٍ فــي سـراديـب=محطوط لك من فـوق قبـرك نصايـب

يا غير مسجل نرجو منك دخول هذا الموضوع

http://www.albdoo.com/vb/t30010.html

إقتباس   المشاركة الأصلية بواسطة البدو الله يرحمة ويسكنه الجنة ابيات رائعة اشكرك يالبراق على اختيارها

إقتباس   المشاركة الأصلية بواسطة الساهرة < من عقب ما صـك الحلـق بالمجاديـب عمـن تذخرتـه لصفـق المصـايـب توخروا لو دونهم لـي عـوى الذيـب فـي نـازح منـه تـروب الـروايـب لا عاش من هو في حلـول المواجيـب مـا هـوب للدانـي معيـنٍ وثـايـب الله يرحمه ويغفر له قصيده جزله من جزل تسلم ايدك يالبراق على هالاختيار الجميل الساهره