يـا لـيـتـني هـوّهـ ؛؛

دخيل الله يا ليلي الحالك لا ينطفي ضوّه=حلحيل قومه ؛؛ مطنوخ دمه و صار سكران
أمس يتناغى معي ؛؛ و يا زين جوّه=و اليوم من غيبته حتى البيت بردان
ما تستحي يا مرض ؛؛ لا يا قليل المروّه=خليت كل البرايا و سكنته كحيلان
من طيبته يعشقه حتى عدوّه=و من قسوته لا مشا تتراعد الحيطان
يا معشقني فشي اسمه أخوّه=أصوغ من دمي لحم لا صرت نحلان
يا اهتمامات الأمومه ؛؛ يا حنان الأبوّه=يا مرّقص وتر فرحي على روس الأحزان
تنهي متاهات العمر من قصاه إليا دنوّه=و تصير لي هاوي ليا باروا الخلان
نجمه اللي دلّني يالله لا تدنو سموّه=و لا تعيشني بيوم فيه سندي ما بان
زيزوم و أدري تعب ؛؛ بس ما عمره تأوّه=يكوي معاليقه بجمر ؛؛ ولا يبين أنه تعبان
صنديد راسه ما وطا إلا لفرض أو سنة نبوّه=و ربه محبب به عباده من حبه الإيمان
مسطور حكيه لا حكى ؛؛ ما شابته يمكن و لوّه=منظوم من ربي كذا ؛؛ و منّظم القيفان
يا وجودي يوم كلمته و البنج بعده ما بطل توّه=يوم نادى " تعالي ابشبع من شوفتج من أمس جوعان "
و يا وجودي على من يشبّعني قبل يملي طرف فوّه=و آه يا مرار الزاد من دونه و لو كان حليان
يا ليتني عمّيا لين يتخطاه سوّه=و لا أشوف غصة ألم يخنقها بالكتمان
يا شيب عيني يوم مدها يده و يتلوّه=على فراشٍ أبيض تبغضه للعدوان
يا ليتني بحشاه ؛؛ أو ليتني هوّه=و أرقد مكانه ابن أبوي و أبدّل العنوان
يفداه عمري ؛؛ و كلي لا بغا دوّه=بس يتشافى و يرجع ؛؛ و أشوفه مجلسه زان