ناقتي يا ناقتي معليتس من الهروج

ناقـتـي ياناقـتـي مــا عـلـيـك مـــن الـهــروج=صيحتيـن فـي قـفـا الـذيـب يقفـاها العـجـاج
العـدل يبقـى عـدل والــدروب الـعـوج عــوج=والعمـى مـن لامعـاه مـن فـعـل كـفـه ســراج
يـا مكـثـرت الحـكـي والفعـايـل عــوج هــوج=ما يحذف النـاس مـن كـان بيتـه مـن زجـاج
يا حمد طير(ن) جناحـه ورا صـدري يـروج=وش اسوي كانـه أفلـت مـن ضلوعـي وراج
مولدي في أرض عبقـر مـن العـام محجـوج=انشـدوا عـن مولـدي ليلـة الحـج ألـف حـاج
المطالـب يـا حـمـد دونـهـا ضــرب الفـجـوج=دونـهـا شــرب قــراح مـثـل شــرب قـهـمـاج
ماثنـوا عـزم ابـن عبـاس أصحـاب الـبـروج=ليـن زوجهـا مـن أعـزب حـدب سيفـه زواج
والدهـر معنـى دخولـه مـن الـداخـل خــروج=والله لا زبــــن دخــيــلًَ ولا ســنــع خـــــراج
يا حمد لا تآمـن الجـدب فـي خضـر المـروج=مزنـة العـذب الفـرات أمـطـرت مـلـح آجــاج
ولـولا قولـة والنعـم معتلـوا فـوق الـسـروج=أمــةً قـبـلـك خـبــر حـيـهـا فـــي الارض داج
لا تـعـجـب مـــن عـلــوج تـوطـتـهـا عــلــوج=والله أن الــشــر لـلــشــر أحـيــانــاً عـــــلاج
في جنـوب أفريقيـا البيـض ياطـون الزنـوج=وفي شمـال أفريقيـا البيـض ماترفـع حجـاج
ابتـرفـع عــن رجــالاً عـــن الهـيـنـه تـــدوج=عالـمً رامــت مــرام الصـقـور وهــي دجــاج
قيصر من فـوق غـوج وكسـرى فـوق غـوج=والجمـاعـة بيـنـهـم راكـبـيـن فـــوق صـــاج
وش نبـي فـي هامـةٍ همهـا ضحـكـة غـنـوج=أو قـيـامــة قــامــةٍ مـاتـقــوم عــــود عــــاج
احمـد الله يـوم لـي مـن خيـال المـوج مــوج=اركبـه لا هـاج سيـف البـحـر تحـتـي ومــاج
ماتـصـفـحـت الـلـيـالـي تـصــفــح كـاتــلــوج=لين مع كل حادث(ن) ذي حدث عشته مزاج
العقيـلـه مـاتـبـي غـيــر ابـــن حـربــان زوج=يــوم حـاجـات الذيـابـه غــدت عـنـد النـعـاج
ساقـي النشـوه لهـا مـن خـروج فــي ولــوج=كــم انــا للصـحـو مـنـهـا شـديــد الإحـتـيـاج
يـا حـمـد مسـيـار ربـعـي عـلـي فــوج فــوج=غايـتـي يــوم الــردي غايـتـه نجـمـه وتـــاج
ناقـتـي ياناقـتـي مــا عـلـيـك مـــن الـهــروج=صيحتيـن فـي قـفـا الـذيـب يقفـاهـا العـجـاج

إقتباس   المشاركة الأصلية بواسطة الساهرة صح الله لسان الفراعنه وتسلم ايدك اخوي البراق على المشاركه الساهره

إقتباس   المشاركة الأصلية بواسطة البدو سلمت يمناك يالبراق