سبب تسمية شمر بالطنايا ؟

السلام عليكم ورحمت الله وبركاته اعضاء المنتدى والزوار الكرام :
احببت ان تكون هذه المشاركة عبارة عن توضيح لسبب تسمية شمر بالطنايا ,

في حدود 1680غزا الشريف محمد بن عون نجد وكان الهدف هو تمهيد الطريق امام قوات محمد علي باشا
فغزا عدة قبائل معروفة في نجد وقدر انه يكسر اغلب القبايل الموجوده ومنها الظفير في مناخ الضلفعه وغزا الدواسر والصقور ومطير وعتيبه حسب المذكور بالقصيده واخيرا علي شمر واستمر المناخ 90 ليله بين الشريف وعبده وكان الانتصار للشريف لولا فزعت بني عمهم من زوبع ودخول المعركه مباشره وهم طنايا (والطنيان لغير العالم بها من غير شمر هو الزعلان)
ذكرها الشريف في قصيدتة.

ويقال انة في هذة المعركة كان سبب تسمية شمر بالطنايا لانة اول ماوصلوا زوبع (سنجارة)الى مكان المعركة قدمولهم عبدة الطعام كأكرام لهم فكانوا متلطمين من "الطنا" والطنا بلهجة شمر هو الزعل بمعنى زعلانيين
وقال حديهم حنا ماجينا للطعام حنا جينا للشريف
فحصلت المعركة مع الشريف وانتهت بانتصار شمر انتصار ساحق
واشهر من قتل فيه "بيص" وهو كان من عبيد الشريف

"ونجد ياخوان ان الشريف وصف المعركة وصف عجيب اترك لكم قرائتها"






يامـل عـيـن للشــــــــــــريـف محـمـد *** دمعة تهلهل من شفـا الـراس حـادر
جرينا السبايا مـن الطايـف والحـرم *** وحلنـا وحلينـا بـديـار الـدواسـر
وصلنا على ابن حميـد وعنـا تنحـوا *** اقفـا وقفـا عـن لقـانـا مخـابـر
وخذينا بوادي النير للصقـور عزبـة *** صملان اهلها عقـب الابـلال غايـر
وجينا على بعـض القبايـل وادبحـوا *** وكفوا وعرفوبـة حمـران النواظـر
وغرنا على طرش للسويطات بالحفـر *** وخلينـا الحـوض المليـان خـايـر
وهزعنا باليسرى علـى ديـار شمـر *** مادبر المولـى علـى العبـد صايـر
ادلينـا بالديـرة اللـي اسمهـا باسـم *** اهلهااكرام اللحى بايام حـر المساعـر
مناخـنـا لعـبـدة تسعـيـن ليـلـة *** بالتلعـة اللـي حصـاهـا جـفـادر
سناعيـس مـن الـهـوش كمـلـوا *** كمـا دغلوبـن نـش عنـة المغـادر
اليامـا لفونـا زوبـع فـوق ضمـر *** قبن يـلاوي صرعهـن كـل نـادر
وجتنا الجحافل مـن متالـع والحفـر *** تسمـع زغاريـت البنـات الجواهـر
اليـا وردوهـن كالغـروب الــورد *** واليا صدروهـن كاللقـاح الصـوادر
حلـوا بتاليـنـا وانـقـاد جمعـنـا *** وايديـن "بيص"قطعـن بيـد شاطـر
صكـوا علينـا سربتـيـن تـذودنـا *** هـذا يوردهـا وهــذاك صــادر
زوبـع وعبـدة ياتصافـوا بينـهـم *** عدوهـم ضاقـت علـيـة المعـابـر
تشوف ضـرب سيوفهـم بضهورنـا *** تقل حشـاة مـزن مـن نـو ماطـر
وتشوف جـدع الخيـل منـا ومنهـم *** هشيـم طلـح جابـة السيـل حـادر
صاحوا علينـا صيحـة تنثـر الدمـا *** وخذوا نـوادر خيلنـا والعـج ثايـر
خـذوا نـوادر خيلـنـا واقـرشـوابنا *** وحنا على الطوعات والكون عامـر
الخيـل بالفرسـان قامـت تـذودنـا *** ومـن دور العيـلات هـذاك عاثـر
صاحوا علينا صيحـة ترمـل النسـا *** يشيب بـة المولـود وباقـي التذاكـر
علنـا عليهـم عيلـة مـن خطـانـا *** وانـا علـى مادبـر اللـة صـابـر
وتجاولنا بالجمـوع باطـراف موقـق *** وصارت علينا مـن كبـار الخسايـر
وجانـا صبـي لاطــال عـمـرة *** خلى عجـاج الخيـل عـدا الجواسـر
وقمنـا ننخـى كـل قـرم مـجـرب *** ياللـة ياقـادر علـى كــل قــادر
ونخينـا بيـص ويـن بـن عشـيـة *** ياما هفـا حـدر السيـوف الشواطـر
قلت يابيـص يابيـص انـح الخيـل *** عنا يابيص يافرز الوغى يابـو شاكـر
ورد عليهـم بيـص واحمـر السمـا *** وغدت سروج الخيـل مثـل البواخـر
وتلقـاه طيـر شـلـوى واعطـبـة *** بشلفا تلظـي بيـت الضلـوع شاطـر
وتركنـا بيـص بـريـع المغـنـى *** تمرة القطعـان اليـا لفـت صـوادر
اليا صدرت من جو العويجـرة *** تمـرةممشـاه ليلـة قـدرهـا بـالاقـادر
ووردنـا الحليفـة تاركيـن شيوخنـا *** عياض وحوشان ومحتمي الخيل ناصر
وخلينـا جبـار والزناتـي وعبداللـه *** غربـي بزاخـة لاسقتهـا القـواطـر
ضيمي ببنـي عمـي مكـارم لابتـي *** اركوا على كبدي حاميـات الخواطـر
تلفي لبني عمي هـل الجـود والسخـا *** اشـراف فـروع القبايـل مـصـادر
ان انشدوك عن حالنا عطهـم الخبـر *** تـرى حـلات العلـم ياتـي مبـادر
باسباب سرنا ثن غرنا وصارت كسيرة *** والراس من كثـر الهواجيـس سـادر
عزاللـة انـي مانتـويـت حربـهـم *** مير اللـة اللـي قـدر الامـر قـادر
حلفت ماتي ديارهـم عقـب مامضـى *** الا انتواجـة عـنـد رب المـقـادر
هـذ الـكـلام للشـريـف محـمـديذكر فعولـن ماضيـات لـه بـوادر
هـذا وصلينـا علـى سيـد البـشـر *** اعـداد ماكبـر بــروس المنـابـر

وتقبلوا تحياتي : فينوس

من مواضيع فينوس
0 ديون الامير عبدالله بن علي ال رشيد ؟ مهم!
0 سبب تسمية شمر بالطنايا ؟
0 بعض شهداء قبيلة شمر في حرب 1948 في فلسطين .
0 حديث عن المرأه في قبيلة شمر

لم ينتصر الشريف على عبده ولم تنتصر عبده على الشريف
ولكن كانت الحرب طاحنه ولم يستطيعو كل الطرفين من اختراق القبيله الاخرى
حتى وصلو الطنيايا اي سنجاره ورجحت كفت شمر وانهزم الشريف شر هزيمه
فينوس
كل الشكر على ايراد هذه القصه والابيات
اجمل المنى

توقيع شريفي وافتخر

شكرا اخي فينوس

من مواضيع ابو محمد السردي
0 قبلان الشراري وبدهان الشمري !
0 حديث قدسي عجيب
0 المسلمون.....وعلم الجغرافيا
0 الــطفــل الايراني ((المعجزه)) مسجون لرفضه مذهب التشيع
0 قصص من الباديه

توقيع ابو محمد السردي

ذا انتسبت إلى قوم فلي شرف = إني من القوم في أطراف حوران
أنســابهم يعربيات مسلسلة = من نسل عدنان كما من نسل قحطان
السردية = طوال الايمان

من مواضيع حفيدة السلف
0 من اقوال ذي النُّورَيْنِ عثمان بن عفان رضي الله عنه
0 طيران الإمارات يسمح باستخدام الهواتف المحمولة في الجو
0 الدعاء عند رؤية باكورة الثمر
0 تسارع شيخوخة الخلايا مرتبط بنقص المغنيسيوم
0 دعاء الهم والحزن

توقيع حفيدة السلف

«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•°®»

من مواضيع سردي حائل
0 رد من سردي حائل

توقيع سردي حائل

تسلم ايدك اخوي

ماقصرت الله يعطيك العافيه

تحياتي

من مواضيع بدوي فرنسي
0 صور مضحكة
0 صور للحباري
0 آآآه يادنيا
0 النجس
0 صور منوعه

توقيع بدوي فرنسي