يامهرة تمرح ليا هب الهوى وشمس الاصيل..
..وتنفض ثليل من خيوط الضئ والشمس الثليل..
..إلها علامات الكرامة في نواصيها تسيل..
**********
..ماتعرف اطباع الخيول الا من اطباع امها..
..صنيعها بين الترايب والحوارك ضمها..
..من شافها وده تحت جفن العيون ايضمها..
***********
..ماحد عسفها لا ولاتنظر لااحد..
..واللي يبا ينظر لها تصد عنه وتبتعد..
..كأنه يجي من يمها برق ورعد..
..وكأن احمرار الجمر شكًل دائرة فوق البرد..
************
..وبين انعكاس الضؤ وجيوش الظلام الماردة..
..مصدرحياة وطاقة تحيي النفوس الباردة..
************
..انتي كذا كم حارسٍ دونك وكم حارس وراك..
..كل الاماني تنثني دونك ولا تصل مداك..
************
..ياصعب ترويضك على الفارس ولو يذبح جزور..
..ودعا لها العقبان في اكبر وليمه والنسور..
************
..ومرت عليها با اجنحتها الطائرة..
مثل الرياح العاتية والا الخيول الغايرة..
..وهي تدور بحبلها وتدور وسط الدائرة..
************
.. حاول يقصر حبلها قدر اصبعه ..
..وصفت حوافرها اربعة ثم اربعة..
..بين السنابك طاح ماحد يسمعه..
*************
..هي كذا والخيل من خيالها..
..وان شافت اللي ماهو كفوا زاد اجفاالها..
*************
..تضرب بحافرها على كبد الثرى تصهل صهيل..
..وتنفر مثل مينفر البارود من جمر الفتيل..
..ولاتخضع الا غير لا ريا لها صوت النبيل..
*************
..يا مهرة من مربط العز وشرف..
..من يخسرك ما عاد يلقى لك خلف..
*************
.. انا اعرف انه مايطولك من تقزم مذهبه..
..لو كان قال الصقر يبني عش من فوق اشنبه..
..ولو هو فرش كل الدروب بكل ماله وذهبه..
************
..عيشي كما انتي والله اعلم فارسك متى يجي..
..وانا بلعت الياس دونك من سبب حظٍ ردي..
..في سلسلة مرتبطة من مولدي لمرقدي..
........................
..
..
..
..
مع مودتي
..
..
آخر المواضيع
المهرة والبارود 
