السلام عليكم ورحمة الله وبركاتة
يا راعي الغر العذاب المباهيش =رش الكبود اليابسة عن عطشها
دنق علي و طمن الراس بشويش =واحي العروق الذابله وانتعشها
حبك ينهش ثومة القلب تنهيش =نهش الحنيش لعرش رجل نهشها
واهل الهوى في سجن غيك دراويش =وقلوبهم وجلانه من دهشها
من ذاق من جمر السوالف بخاشيش =يبطي وروحه معتقلها بلشها
لا تستمع في هل الحكا والوشاويش =ناس انقيلي النمايم دبشها
يا خشف ريم ذار واوحي شوابيش =بدوا طلوع الشمس ذاره وغشها
والعين عين اللي جسر عقب توحيش=امير بيتي الحرار ووحشها
طرح الشبك ما قلبوه الطواريش =ولا قرنسوه اهل العشش في اعششها
وحش وجاي من بعيد المناطيش =عوق الخريش اللي طياره خرشها
جابوه من عين الشمال الهماميش =ابرك الهادي طرشة قد طرشها
جابوه لمثمن طويل المطاريش =شيخ قوانين العرب ما دغشها
محمد عشير منقضات العكاريش =نجل العيون اللي ملامح بهشها
ومهدي للي براسه نغاميش =لا شوشت حياة الارض وحنشها
محمد مقابل قاصده بالتباهيش =وملفى الرجال اللي جميلة غطشها
ودايم وبيته مدهل للمداغيش=وكم روح مسعورٍ بجوده نعشها
لا يا بعد ناس تكبر على ويش =لا شافت الناصي تلوت اخششها
لو يملكون ارقام الاموال حتى ايش =در الحمارة دوب يروي جحشها
وروس الظبا ما ذكر فيها عراميش =لو هي على الزيلة كبار اشوشها
الشاعر عبدالله بن عون
آخر المواضيع
يا راعي الغر العذاب المباهيش 
رد : يا راعي الغر العذاب المباهيش 
