أنا في داخلي هما يوزن جيال ثكل بحور =
أصبر نفسي ولكن عيوني كيف اصبرها=
سهيرا وساهرت نجما الا يا هل ترى من نور=
طويل الليل كم هلت عيوني من عبايرها=ِ
يلوم المادرى عني وحكى ما درى معذور=
انا لو الخلي بروحي كان يعذرها=ِ
طموحي عكب ما كنت مثل ريم الفلا مذعور=
هلا الي كان ماضيها تعال وشوف حاضرها=
عكب ما تعبر الطسه بلا رجات أ و عثور=
صفت يا صاحبي خرده رمل ذرات عثرها=
عكب ما تكطع طوال الدروب وما بيها أي كصور =
صفت لوسابكتها السلحفاة اليوم تعبرها=
عكب ما كان لايتها يضوي ليلها بالنور =
عمت ما عاد ترشدني تعال الي يدبرها=
طلبو مني اوصفها شاوصغها وأنا المقهور =
يشوك دروبها الي ما نست عشرت توايرها =
ولكن راح أوصفها علاني وأكشف المستور=
وجثت ميت ما حست طعنت السيف ما ظرها=
على السبعين هم خمسه حسب موديلها المذكور=
سنة تصديرها كانت فريدا من نوادرها =
على بونيدها مجنزر كروان صبغها مكشور =
خبر جينها تكسي وضاع أبيضها وأحمرها =
محركها صرف مع كيرها الي دايمن محشور =
ستيرنها يعاندني يعجزني أن ردت أداورها=
كلاجها بريكها الي يا صحيبي من تدوسا ثور=
وأنا عارف عكس شايب طموحي بريك سيرها =
مؤشر كيجها عاطل عنيه وجامها مفطور =ِ
دخن بكزوزها أن ثارت شوارعها يعطرها=ِ
ثكل شايب كبير السن يتوجى من علا الباكور=
وبيدو سكاره ملفوفه دخنها يكف ناظرها=
رجعت ونا ظر بداخل لكيت الكشن هم مفعور=
خفس في مستوى الشاصي تجول في صراصرها=
مسجلها يوش عالي وهلا دشبولها منثور=
سلفها ما يدير الا أفزع من يكنطرها=
آسف يا حيف يا حسره طموحي راكده بالدور=
وشالوا ربعي وكالو لزوم الا تعمرها=
طعتهم ورحت عالموصل وما فاد وعلى مخمور=
صفن دحك لها الكاكه وبيها أحتار فيترها=
غدتلك جنها بعرور في بعرور في بعرور=
كسيره ما لكت فيتر يصلحها يجبرها=-
وفكرت آني أراوسها واقبل حتى لو ما طور =
لئن الفكترا غالي سعرها من دفاترها=
رحت عالمعرض ومحد نظرها وصرت أنا المجبور=ِ
آعاني منها وأصبر وفي جبدي سعايرها =
ومثل ما كالها ناصر غدت كالمنزل المهجور =
ولكن حلها عتدي أفخخها وأفجرها=
وتمر أجيال وصدر سواليف وتعيش عصور=
وتروي سالفة تكسي من أولها للأخرها =
آخر المواضيع
معانات مع سياره قديمه 
