بسم الله الرحمن الرحيم
السلام عليكم ورحمة الله وبركاته
قصيـــدة من أجمل وأنقى ما قرأت في الشعر النبطي
حبيت أن أطلعكم عليها .. وأتمنى ان تنال على استحسانكم
قصيـــدة للشاعر / مـحـمـد الـيـتـيـم الـسـلـولــي
يقول اليتيم الـروح ذاقـت صوابهـا=من اللي نوى بالقتل حزة غزى بهـا
مهاة لها في العشـق شـارات بينـه=تليعـاب حاجبهـا وسطـوة حرابهـا
غزتنـي مهـاة ميزتـنـي بعينـهـا=وأنا واقفٍ بـرّا وهـي عنـد بابهـا
وأنا قد سليت ورجعتني لمـا مضـى=وأنا محتفظ بأسرار ماينصخـى بهـا
وأنا أدري إن وقفتها على الباب عامده=تبي تسحب المهجة وتحـرق لبابهـا
وأنـا مسلـم أمـري لربـي وربهـا=إلـه العبـاد اللـي منحهـا شبابهـا
أسأله يسهـل همـزة الوصـل بيننـا=وهو عيدي الثالث نهـار اللقـا بهـا
منهـا شفـا قلبـي ومنهـا منيـتـي=حياة القلوب اللي يموت الهـوا بهـا
ألا ياطيور العـرش مـري وسلمـي=على الديرة اللي نور عينـي ربابهـا
وقولي ترى نفسي على الوصل هايمه=مواصيل عـز مايـدور الـردى بهـا
عطيها السلام ورجعـي لـي سلامهـا=عليها تعاتبنـي وأنـا أقبـل عتابهـا
كـم ليلـة جانـي بنومـي خيالـهـا=يجيني بها وإن قمت أبيها غـدا بهـا
صحيح إن حلم الليل ماحقـق المنـى=مثل الفايفـي يـوم يبـرق سرابهـا
فأنا العاشق اللـي يعلـم الله حالتـي=ولي غاية كـل المـلا مـادرى بهـا
أقولـه بعـد ماشفـت شـي يهمنـي=في وقفـة لا تستـوي بـي ولا بهـا
فـي وقفـة تصعـب لمثلـي ومثلهـا=حـارت ركايبنـا وحـارت ركابـهـا
حـارت ركايبنـا لنظـرات عينـهـا=وحـارت ركايبهـا تدقـق حسابـهـا
وقالـت بأمـان الله وبـلا مـواخـذه=وقفيت بطعونـي وهـي عنـد بابهـا
فـالـكـم الـطـيـب
مغليكم
راعـي الرايــ ( فراج بن عون ) ــــه
آخر المواضيع
مهاة لها في العشـق شـارات بينـه#تليعـاب حاجبهـا وسطـوة حرابهـا 
رد : مهاة لها في العشـق شـارات بينـه#تليعـاب حاجبهـا وسطـوة حرابهـا 
