بسم الله الرحمن الرحيم
السلام عليكم ورحمة الله وبركاته
أســعــد الله جميــع أوقاتـكـم بـكـل خـيـر
مقبل بن حربان
شاعر مبدع ومتمكـن
ولكن للأســـف . لم يـنـصـفـه الإعـــــلأم
~~ ديـــوان متواضع يضم بعضاً من قصـآئـد هذا العلم ~~
،،،، ديوان الشاعر/ مقبل بن فهد بن حربان الحليسي الشهراني ،،،،
ون ابن حربان في مرقبه ونة يتيـم=عصبته نسوان وامه خذت ذباح ابوه
عبرته قبل يتكلم يفيض ابها الكضيم=ينفض السانه بهرج حنوكه قطبـوه
راحت ضنونه كما ضن طراد الظليم=فوق ركبي من الابل تـو عسفـوه
لا بكى مقبل حرام تلومـه ياغشيـم=من بعد خبيت واللي تبي قبلك خذوه
دار جفتني في شباب الربيعـي=ماليبها في القيض لوهي بخيـره
حلفت ماجي للمقفـي مطيعـي=مثل البعير الي يقـوده مريـره
وممساي لوفي جنب حيد مجيعي=ولا كرمة فيها يمينـي قصيـره
وان ضحك شماتي بشدق وسيعي=كيد الملا ماكلف الذيـب جيـره
مايطرح الخيال غير المشيعـي=والضلع ماهزه مناظـر جديـره
فكري معي ينـدل ولايضيعـي=والحر يجعل من عياته بصيـره
ياهل النفاق مطوليـن القزيعـي=سرت سواة اهل السواة النكيـره
ذباحة الغايب بسيـف وذريعـي=وليا حضر هقواتكـم مستديـره
ياللي على النمات دايم سريعـي=يمدور عار العرب فيك عيـره
قبل امس مامثلت قـدر رفيعـي=واليوم عند مقنع الوجـه غيـره
الا ياعذابي يوم عديت في المبـدا=مع العصر يوم ان العشي مقبل وقته
تذكرت خـلٍ واتوجـده بالوجـدا=الا ياغبونـي فارقوبـه وفارقتـه
انا دمع عيني كل ماجفّ جا سجدا=تزاعج به العبرات والخد حرّقتـه
على صاحب فرقاه عندي من الفقدا=تشوفه معي وانا على العزّ رافقتـه
يا تلتـي علـى شبـا حـد مفتـوق=و يا شلع قلبي شلعة الرمح كونـه
عليك يا حايس غلا كـل معشـوق=الحب لك مصيون ماحـد ٍ يخونـه
يا حيف يا خلي تطاوع هل البـوق=راعي النمايم كـل علـم ٍ يهونـه
ما شفت دمع العين لرضاك مدفوق=و هرجي وقف ورى لساني و دونه
مُري علـي والله لـو ماتمريـن=ان يعترف بي كرسي الشر بشهار
انتي خذيتي مني القلـب والعيـن=بقيت انا في تالي الجسـم محتـار
اما اقتلي واقول عبدا قضـا ديـن=والا ارحمي واشيل قسمك من النار
سلامي للي ماخـذا رايـه الدجـل=شرود من اهل الغي وخليف هايبهـا
حبيب يصارحني ولاهوب يتخجـل=يخفي عجب روحي ويظهر عجايبها
حديثه على كبدي حلى من لبن هجل=تناحت على المطهور والروث غايبها
انـا حالـف عقـب فرقـاه لوجـل=كما وجلت غبرا خذا الموت شايبهـا
ياليتني يازيـن ماجيتكـم ضيـف=ماشافتك عيني ولا اشغلـت بالـي
كلفتنـي ياسيـد البيـض تكليـف=تكليـف ماسـول بـرد السوالـي
وان جيت انا باجيك دونك ملاقيف=غدوا علي وانا اختلع من ضلالـي
واحترت في الدنيا ولاطاب لي كيف=اجنب الضولات وامشـي لحالـي
امشـي وآردد ويلتـي والتلاهيـف=مثل الخريش اللي من العقل خالـي
ايضا ودمع العين يذرف تذاريـف=دمع على شرواك ماهـوب غالـي
اطلبك ياكامل جميـع التواصيـف=اقشع ستـار المرهفـات السلالـي
يمكن ليا شفت الثمـان المراهيـف=امـوت ولاّ احيـا حيـاة عدالـي
ترجع علي طيور قلبـي مناكيـف=وارتد قلبي وانتهـي مـن اهبالـي
قولـة بامـان الله سبـة صداعـي=حلت علي يـوم الفـراق القيامـه
قالـوا بامـان الله يـوم الوداعـي=ومع السلامه قلت ويـن السلامـه!؟
عواصف الفرقـا تشقـق شراعـي=واشوف فيهـا حسرتـي وندامـه
اعوي كما يعوي مجيـع السباعـي=ليت الضماير عقب خلـي هدامـه
يازين قلبي فـي محبتـك ضاعـي=كما يضيـع المـاء راس العدامـه
بين وبين الحب طـال الصراعـي=حتى خذوا من كبريائـي العمامـه
بعد المدينه صرت في الريف راعي=بين الحجاز وبيـن ساحـل تهامـه
يبلاك ياللي صعتني في منامي=بلواي في حبك وقَطَعَتَ رجايه
لاذقت ما ذقنا عداك الملامـي=خلك تجرب مافعلـت بغلايـه
كم مرةٍ جيتك مجيعٍ وضامـي=وأن جيت باقلك ترادف حكايه
وتسابقت عبرات عيني كلامي=وغصب علي أرد وجهي ورايه
خوفي تشاهد عبرتي وإنحطامي=وأحط كمي فوق خدي حمايـه
أنا عارف ما نته بلي مير أنا الملقـوف=أعـاف السعـادة والعـذاب أتلقفـلـه
ياخلي زعيم الخوذ لو تعمل المعـروف=عـذب محبـك لا تحنـه وتصخفـلـه
جزٍلَه وردع معاشق أهل القلوب اللوف=عيون الحَول من يعرف أنهـا تشوفلـه
محبك يطيعك طاعة الشوف راع الخوف=يرد النظـر لحـدود سمعـه يوصفلـه
وقلبه عمى ومرايته ما تحقـق شـوف=يحسب الليديـن اللـي تدفـه تعطفلـه
الزرع زرعـك يارهيـف الثمانـي=والغرس غرسك بس انا عامـل فيـه
حلفـت مـارد الغنـم لـو تطانـي=وماغاب من طرشك لزوم (ن) نضويه
بنيتلـك بيـن الضمـايـر مكـانـي=وعودان بيتك نـد والـورد غاشيـه
تقبلوا خالص تحياتي وتقديري
محبكم
راعي الرايــ ( فراج بن عون ) ــــه
آخر المواضيع
ديوان الشاعر / مقبل ابن حربان 
رد : ديوان الشاعر / مقبل ابن حربان 
