أي نعم رديت لكن ما هو بـ لجل المحبة = بس لجل إني بشر في موقفـــي دايم شجاع
والزمان اللي غدا حبي وحبك فيه كذبة= لجل نسيانه وقفت أدوس قلبـــــي لين طـــاع
إيه أحبك بس يومٍ كان عندي فيك رغبة =يوم كان الوصل يسعــــــــــــدك ويكدرك الوداع
كنت أحبك حب صعبٍ أوصفه لو أعترف به= كنت موت أشتاق شوف عيونك السود الوسـاع
وش يفيد إن جيت لك بالحب يا بنت أتشبّه= دام دورك مع مرور الوقت في دنياي ضـــاع
إيه دنيا جاتني بالضبط عكس اللـــي أحبه= كثر ما عطي من وفاء وإخلاص حصلت الضـياع
ليه جيتي كنك اللي يلهم اللي تاب ذنبه= كنك اللي يرشد المسكين لأنياب السبــــــــــــاع
لو فرضنا إن الهوى لعبه أنا ما ني بلعبه= والله إلا فارسٍ ما يقهـــــــــــره لوي الذراع
إيه شاطر من فعايل صاحبه يكفيه ضـربه= والشمل دام أنكسر ما يجبره كثر الصـــراع
ما ظلمتك غير زودتي علي الكيل حبــــة= لين صرت أصيح في صبري يطول وما ستطاع
آخر المواضيع
مااااظلمتك ...... 
