عوودة من جديد

سلامي يا لسحاب اللي على خبري كريم بماك=على حفنة شعوبٍ مـا تقـدر عـذب هتانـك
سلامي والنوايا صافية تسعى لكسـب رضـاك=ولا هو قصدها لو عاتبتك تحـط مـن شانـك
ترى ما ني بعاشق وأتغزّل بك وأقول أهـواك=ولاني شاعرٍ هزت شجونـه كحلـة أعيانـك
ولاني جاهلٍ يومي قلبتـك مـا عرفـت أقـراك=ولا لي عازةٍ بك لا أشـد ولا أرخـي عنانـك
ولا ماكـر ولا حتـى بقلبـي حيلـةٍ تخفـاك=ولا فاقد حنان وجيـت أدور عنـه بأحضانـك
أنا والله صديق ومنيتـي عزتـك فـي دنيـاك=وأخاف الطيش يجرح مع مرور الوقت وجدانك
وجيت أنبهك للبارق اللـي لاح لـك وأغـواك=وعن ليلٍ سراك وتجهل إنـه للأسـف خانـك
وأذكرك بطريقٍ عنه شيطان الغـرور أعمـاك=ألين أصبحت لعبة سهلـةٍ مـا بيـن عدوانـك
وأذكرك بسواياك وضياعك بيـن ذاك ..وذاك=قلـوبٍ كاذبـة مـا تستحـق تكـون خلانـك
وقصدي مصلحة نفسك وتوفيق بمسير خطـاك=ودنيا ما يسيل بعمرها دمعـك علـى أوجانـك
تعال اكشف لك الواقع وعقبه لك علي أنسـاك=وأقول براحتك خذ ما تبـي عقلـك أو جنانـك
وإذا ما شفت لك بارق ولا ذاقت عروقي ماك=أبي دايم تعرف إني غني عن شـرْب هتانـك

اشكر اختي صفوفوه
على هذا التوقيع الراائع