السلام عليكم
تكفووون محتاجه مساعده
عندي قصيده واموت اعرف هي لمن من صاحب القصيده
ماخليت مكان مادورتها فيه وسألت قلت مالها غير منتديات البدوو
ان شاء الله الاقي اي شي عن القصيده عندكم
القصيده تقوول فيها
انا ماشفت نفسي يوم لاني منخلق من طين
ولو اسمي وصل عالي بظل الي عرفتيني
ولكن للاسف هانت ليالينا بغمضة عين
وعلى الفرقا اسبابك نعم انتي جبرتيني
توصيتي بطعناتي وبعد ما تنزف السكين
وقبل لا الفظ انفاسي على نفسي توصيني!!
دخيلك قلبي الوافي لاتخلينه ولا تطرين
وراس الي تحبينه تصدي عن مدى عيني
وصلتي حق نهاياتي وشاللي بس بقا تنهين
على ما اظن ماباقي ولا حاجه تحس فيني
مدام انك تحبيني وبنفس الوقت ماتوفين
ومدام انك وفيتي له وبنفس الوقت خنتيني
وشاللي بس تحسينه اذا انتي كنتي تحسين
تحبيني وتحبينه ..تحبينه وتحبيني
حضنتي قلبي ونمتي وعلى صوتي انا تصحين
وإلا منك تمللتي تحضنينه وتمسيني
محال تصير في الدنيا بشر في داخله قلبين
تبينه بقلب وفي قلبك بعد قلبٍ يناديني
انا مابيك لو انك على الفرقا دهر تبكين
صعب ارضى بنزواتك ولوحتى بغيتيني
ثلاث سنين أو أربـع وكاد انها كثير سنين
بعد هذا العمر كله على ايامي صدمتيني
بعد لاتنطقي بكلمه رجيتك اسكتي تكفين
اخاف انك ان تكلمتي خطأ باسمه تسميني
واذا مره ذكرتيني مع الايام ابتنسين
ويبقى لك مثل ذكرى جميله لا ذكرتيني
كثير الي يتمنونك واكيد انك تبين تلقين
وانسي يوم ما انتي تمنيتي ولقيتيني
انا وش جابني لدربك انا وين وغرامك وين
انا اكبر من عيوبك وعيب انك عرفتييني
وانسى انك ذبحتيني وامانه ادفني السكين
وعلى قبري بدال اسمي ابي كلمة خسرتيني
هذي هي القصيده ابي اعرف من صاحب القصيده تكفوووووووون
تحياتي/ شوق الحربي
آخر المواضيع
محتاجه مساااعده تكفووون 
