إبـكـي يـا قـنـاديـلـه

فيني يصيح الشوق و أكتم دواعيه ؛؛=تسوقني الذكرى و أمد ممشاي
راعِ العذل لا شافني صاح وش فيه !!=ليه غابت البسمه ، كيف يبست شفاي
كيف المسا صاير و من غيره بيضويه=ليل و غايبٍ نوره عمرها ما صارت بدنياي
إبكي بُعده يا قناديله و أنا أبكيه=اقصري يا طول المسافه ظلامٍ موحش بمسراي
كلما جيت أبي أرجع ألقى نفسي ابتديه=و كلما جيت أبي أبدي ينتهي بي بمبداي
هذا القدر يحكم و مجبور ترضا فيه=الثلج لو هو تجمد أصله ترا ماي
و البخت لوه يباع كله أنا بأشريه=بس بيبان التعاسه شرعت لي اتلقاي
يا نجم .. جيت لك ناصي ودي بنومه تهنيه=مثل أم الولد لولش و أعزف له وتر ناي
يا شمس بهود طلي و يا عصافير غنيه=و يا سحايب هملي له ديمه تظله و هو سراي
أدري هيضه السؤال .. كيف حاله ؟ و من يسليه=و أدري لحظاته فبعادي فاقت كل دهر كواي
سحقا ً لكل سارق سلب شي من يديه=و سحقا ً لكل شي ما يقدر يعوض ولا يفداي