لما بتمشى مطاطى يا وشى
أما قانونك كوسه ومحشى
وللا طابورك واكل دورك
بتناجى البخت ولا تنولشى
وتعاتب زمنك وزمانك
لو عاتبك بالعدل هتبكى
عم عصام بعد ما صام
زى وحوش الغابه تمام
قال لك حقى غيره ماعرفشى
وفلان عنده المال السايب
قال لى أنافقه أصيد النايب
شاف العز معاه فى زكايب
حاول يكبش منه ماطلشى
أصبح ليله كله خضوع
حتى نهاره بقى فى خنوع
بيدور على العزه فى خلقه
وبغير الخالق ماتجوزشى
اتمسك بالدين ماتخفشى
ربك سترك ولا تسترشى
العزه لله ورسوله
ولمؤمن دايمه فى أصوله
ولعاصى أبدا ماتروحشى