بعض من ديــــــوان الشاعر : بدر بن عواد الحويفي الحربي

ياللي طلبتم نبـذة مـن قصيـدي = عن واقع المفعول لا أنقص ولا ازيد
انا غرامـي وانبساطـي وعيـدي = تفريعة القرناس بأرض بهـا صيـد
لا شطب الصيحان روس الزبيـدي = والعشب جالـه بالمثانـي عناقيـد
والبـدو مايبـدي لهـم بالشديـدي = تسعين ليلـة ماحكـوا بالمواريـد
ضيق بهـم در الغنـم والجميـدي = مايشربـون إلا حليـب المجاديـد
والبل وبرها طار وأبـدل جديـدي = وردوم على الفاطر سوات المجاليد
من فضل ربي كـل يـوم تزيـدي = قامت عشايرهـا تسـن المفاريـد
والفجر تسمع للطيـور اتغريـدي = ليل الشتاء طوله عليهـن سراميـد
هذيـك والله منوتـي ياعضـيـدي = لا جابها الله من صدوق المواعيـد
ماكفـه الديـر لرجـم المفـيـدي = وذوب على خشم الخدار ومشاحيـد
مجهود من نـو الجبـه السديـدي = وحصل لها قبل العقـارب تماديـد
غثوه على روس الشجر والهضيدي = وساق وتساقـي للنفـود وتخاديـد
وفيض على فيحان ريف البعيـدي = نبي لنـا بشعـاف لوقـه مطاريـد
علـى اسـوق مقربـات البعـيـد = من فوقهن يازين مـزح الأواليـد
لا فرع النـادر وطلعـه وكيـدي = وحول على جول الحبارى تقل حيد
وسلط على الخرب النشيط العنيدي = حاسه وداسـه والحبـاري ملابيـد
يقضي بها الصقـار يـوم جديـدي= في ساعـة مابـه وجيـه مقاريـد
هذا هوى بالـي وهـذا رصيـدي = سوق النظر بين السهال الجراهيـد
لوكان من طرد الولـع مستفيـدي = فتق بقلبي واعذروا يـا الأجاويـد
نومي تحت طل النجـوم الجليـدي = عـن كنـب ومنجـد زل تنجيـد
لو لامني خطوا الغشيـم البليـدي = طرد الولـع مابـه عليـه مناقيـد
وشف الفياض المخضره يالحميدي = وشمة ذعاذيع الهوى عندنـا عيـد
وللكيف ذوق ولاستمـاع النشيـدي = لا قلطـوا رسـلان والا بغـاديـد
ثنتيـن هيـل وثالثتهـن عويـدي = وكل على ماتطلب النفـس وتريـد
وقدوعهن من طلع هدب الجريـدي = احسن نمونه من نما شـرع الغيـد
وسوالـف ماقيـل فيهـا جحيـدي = بالصيد لا نمـة ولا هـي هرابيـد
ساعات نقضيهـا ويـوم سعيـدي = ولادامت الدنيا لعامـر وابـا زيـد
الـدايـم الله والفـنـا للعبـيـدي = والرزق عند منـزل الـدر بالديـد
محي الهشيم اللي عروقه هميـدي = رزاق ماتحت الصخور الجلاميـد
والله يدبرنـا عـلـى مايـريـدي = وصلوا على اللي وحد الدين توحيد

الـلــي فـقـدنــا مــن نــبــات ونــواويــر=مـاهـو عـلـى الـمـولـى صـعـيــب رجـوعــه
الله مـــن قــلــب هـجــوســه طـوابــيــر=مـيـعـادهــن بـيــن الـعـتـيــم وهـجـوعــه
قـالـوا تـفـكــر قـلــت عـنــدي تـفـاكـيــر=أشــوف شـــئ مـــن خـطــانــا وقــوعــه
قـلـت الـحـقـيـقـة يـالـوجـيـه الـمـسـافـيـر=قـلـبــي لـيــان وشـــاف شـــئ يــروعــه
شـفـت الـجـفـاف مـكـسـر الـقـشـع تـكـسـيـر=والـنـفـس مـاهـي مــن قـضــاء الله جـزوعــه
وادي الـرمــة جــوه عـجــاج ومـعـاصــيــر=يـبـســت جـراجـيـبــه ومـاتــت قـشـوعــه
حـمـضـه عـلـيـه مـن الـسـوافـي عـثـامـيــر=يــا بـعــث الأمــوات تـبــعــث جــذوعــه
مـدهــل مـجـاهـيــم تـــلاد ومـغـاتــيــر=وحـمــر مـرابـيــهــا هــدايــد افــروعــه
يــوم الـوســوم تـنـثــر الـوســم تـنـثـيــر=والـعـشـب يـنـبــت مـاتـكـامــل اسـبـوعــه
ويـوم الـقـلـوب نـظــاف مـايـقــف الـخـيــر=يـطــيــح وســـم ولا تـقــطــع تـبــوعــه
والـيـوم وبـل الـغـيـث مـثــل الـطـبـاشـيــر=قـامــت تـلــوث بـالـمـنـاقــع انـقــوعــه
الـشـكـوى لـلـه صــار بـالـجــو تـغـيـيــر=دايــم كــتــام وغــيــر الــجــو نــوعــه
واصـل الـخـطـا مـنــا تـهــاون وتـقـصـيــر=قـلـيــل مــن يـحـســن لـربــه ركــوعــه
نـشـقـى ورى الـدنـيـا وهـي مـابـهــا خـيــر=والـمــوت يـدنــي لـلـنـفــوس الـبـشـوعــه
وعـنـد الـمـحـاسـب مـاتـفـيــد الـمـعـاذيــر=يـنـشـف جـمـا الـعـاصـي وتـطـفـي شـمـوعـه
والـلــي غـنـاتــه سـحــت ومــوال تـزويــر=لــه ســاعــة مـــاذاق حــلــوه يــزوعــه
يـــدري بــهــا لــودعــوه الـحـفـافــيــر=والـقـبـر ضـكـه مــع مـحـانــي ضـلـوعــه
فــي سـاعــة مــابــه تــقــدم وتـأخــيــر=يـفـقـد بـهــا الـرحــال مـجـالــس ربـوعــه
وعـن مـاعـمــل مـالــه مـفــر ومـعـابـيــر=مـا يـنـفـعـه جـمـعــه وهـيـبــة جـمـوعــه
قـدامــه الـجــنــة وقــدمــه زمـهــريــر=والله يـعـلــم ويـــن يـكــتــب نـجــوعــه
يــارب تـهـديـنــا عـلــى حـســن تـدبـيــر=نـطـلـب عـظـيـم الـشــان خـوفــه وطـوعــه
يالله يــــارازق عـــــوج الـمــنــاقــيــر=يـاكــافــل رزق الـنــفــوس الـقــنــوعــه
يـامــن بـتـقـديــره تــكــون الـمـقــاديــر=يـاسـمــع الـداعــي وخــالــق سـمــوعــه
تـزيــل شــدات الـسـنـيــن الـمـعـاســيــر=يـامـن لــك الـمـسـلــم يـوجــه خـشـوعــه
تـمــدنــا يـــارب رحــمــه وتـيـســيــر=غـيـث يـعــم الـمـمـلـكــة فــي نـفـوعــه
يـارب مـن قـل الـمـطــر نـشـفــت الـبـيــر=نـشــف الـثــرى والــدرع مـاتــت زروعـــه
ومـات الـخـشـاش وضـاق فـي عـشـه الـطـيــر=يـشـكــي عـلــى رب الـسـمــوات جــوعــه
والـبــل مـصـارفـهــا نـخـالــه وشـعـيــر=واحـوارهــا بـالـشـبــك تـــذرف دمــوعــه
مـثـل الـسـجـيـن يـلـوح بـيـن الـمـواصـيــر=والا الـبـهــايــم لـلـمــقــدر خـضــوعــه
حـاطـت عـلـيــه اذنــوب نــاس مـبـاصـيــر=حـالــه صـخـيــف وحـنــة أمــه تـلـوعــه
ذنـــب الأوادم لـــه عــواقــب وتــأثــيــر=والـعـمــر فـتــرة والـحـيــاة مـخــدوعــه
وحـنــا بـشــر مالله خـلـقــنــا تـصــاويــر=والـلــي يــخــاف الله يـطــبــق شــروعــه
والله مـحـذرنــا عـــن الــكــذب تـحــذيــر=والـحـســد والـغـيـبــة وكـبــر ومـيـوعــه

بأسم الأله اللي على العرش معبـود = اللـي رفـع سبـع وسبـع تحتـنـا
اللي سجـد لـه بأخـر الليـل داؤد = ونـزل كتـاب مـن حروفـه لغتنـا
الله يجنبنـا عمـل كــل منـقـود = يـارب تجعـل بالهـدى خاتمتـنـا
هذ وابقطف مع هل الشعـر عنقـود = بأبيـات أركزهـا حسـب معرفتنـا
مني هديـه لأهـل المجـد والجـود = للأسـرة اللـي حاكمـه مملكتـنـا
انجال ليـث خلـف أشبـال وفهـود = قيادنـا الـلـي وجـهـوا قافلتـنـا
اللي وفاهـم لـه براهيـن وشهـود = بجهودهـم كـل الـدول صالحتنـا
نصارة المسلـم علـى كـل نمـرود = أفعالـهـم بالمجتـمـع شجعتـنـا
حكام ياصل وصلهـم كـل مضهـود = هم درعنـا الضافـي وفيهـم ثقتنـا
وحنا لهم ذرعان وأكتـاف وعضـود = وافينـلامـن الـدواعـي دعتـنـا
معهـم لناوقفـات بالهـون والكـود = شـوايـب الافـكـار ماغيـرتـنـا
شبابنـا واللـي بالأحضـان ممهـود = مـع رايـة التوحـيـد لاعمدتـنـا
والرايه الخضراء لها العـز موعـود = باسـم الجلالـه صوتنـا ولهجتـنـا
اسـلام مايدخـل بناشـك وصـدود = عشنـا علـى الملـه وفيهـا نبتنـا
ملة رسول جاهـد الشـرك بجهـود = اللي علـى هديـه تسيـر أنظمتنـا
وان كان به ناس لنـا ضـد وحسـود = نـار الحسـود بخافقـه ماحرقتـنـا
حنا العرب وأهل الحسب ساس وجدود = بمقدمـة مجـد العـرب مرحلتـنـا
مانال منـا ساعـي الشـر مقصـود = ودعـايـة الاحـقـاد مازعزعتـنـا

والله يالولا غايتي ما انقـل الطيـر = مانقل على كفي خفـوق الجناحـي
أبي اليا فزت تقل شعـف معصيـر = وقفت تعقـد مـع سهـال فياحـي
ليا تلني واقفى يخطرف لـه السيـر = جايع وحاديه والزعل من صياحـي
لا طقهـا بالصايديـن المواخـيـر = طاحت تدوس ونجم الطير صاحـي
وليا حصل جول رتـوع ومخاميـر = في ماقع عن نشر الأدبـاش زاحـي
وتركزن لـه تقـل شـول معاشيـر = وغزن غلبهن عقب ماهن مطاحـي
منهن علق باللي مثل بكـرة الظيـر = ونكد عليهن عقب ماهـن ضواحـي
وجيته يمزرها على القـاع تمزيـر = يشلـق معلـق ثديهـا بالجنـاحـي
هذيـك والله منوتـي يالمناعـيـر = ان كان انا مجنون وان كنت صاحي
وكل برايـه لـه تصـرف وتدبيـر = ولأحد على الدنيا جلس واستراحـي
وأرزاق خلق الله وهايـب وتقديـر = ورزقي على مجرري هبوب الرياحي
ولا ينقص الرجال كثـر المخاسيـر = لصار دون الوجه ماهـي سفاحـي
والقل ماعذرب رجـال بهـم خيـر = والمال ماعـز الرجـال الشحاحـي
مار اتركونـي يالوجيـه المسافيـر = هذا الذي وافـق عليـه اقتراحـي

ارسلتلـي خـط كتبتـه بيمنـاي = سلام وجه من من صديق لصديقه
ملفاه نايف طيب العرف والـراي = اللي هناديـب الشكالـه طريقـة
عد الروا ماهو ضحاضيـح رواي = شط الفرات اللي اغروقه عميقـه
ليا قرأ خطـي وبـرق بدعـواي = ملزوم يرقـا بالطويـل ويويقـه
حيث أن قلبه بالمراقيـب شقـاي = نايـف ولـه بالنايفـات اتعليقـه
ياللي لصلفـات المعاشيرحمـاي = لانشف من بين الشفاتيـن ريقـه
أنا صويب وناقـل داي بـرداي = قلبي غداء من مابجاشي حريقـه
واللي ذبحني واحد مـن دنايـاي = والصبر والله يابن عايـد ماطيقـه
يوم استتم وجاء على الكيف ومناي = صالف ولاوافق طريقـي طريقـه
ارهيت به واقبل على الجم مدلاي = وتقطعت منـه الحبـال الوثيقـه
يوم اقتعدت وللهدف زان مرماي = عودت يانايـف خفيـف العليقـه
واليوم وش رايك لياصرت شكاي = عطني مسانـدة الرفيـق لرفيقـه
ودي تباصرني وقل لابت غـزاي = بالليل تنحاني عن النـوم ضيقـه
اما عذلوني وقنع النفس بغضـاي = والاترجا والطلـب فـي لحيقـه
شكيت يوم الغلاء جـاب قصـاي = ماخـوذ مالـي منيفـك الوسيقـه

جاني جوابك ياعضيـدي بدنيـاي = وفزيـت بـه فـزت شقيق لشقيـقـه
وغيبت مضمونه وعززت مبـداي = بعدعرفت مـن الجـواب الحقيقـه
اللي مضـى ماللمجانيـن قـراي = واليـوم يابـدر المجنـن انفيـقـه
قدمك كف حوضي بجيت ظمايـاي = سودالضمايروالوجـيـه الخليـقـه
وحليت بالحكمة شرابيـك بلـواي = حليـت بالحكمـات ضبـه غليقـه
واسمع يابو سلمان طيـب هدايـاي = ماباس ياللـي علتـه مـن فريقـه
ماسوقكم ساقـه مدبـوح وحبـاي = وألابقـوه وانـت حالـك رقيـقـه
ابشر يبي يقبل لكم عقـب الاقفـاي = بالحـرب والابالظـروف الدقيقـه
وانا لابـو سلمـان مركزوضـواي = ان كـان ماستعبـد عبيـد عتيقـه
والله ماذخر عنـك مالـي ومبنـاي = ويمنا على لطمت غريمـك شفيقـه
واعرف ترى ماني بالاقوال رهـاي = وانتم صداقتكـم صداقـه عريقـه
وان كان مقصودك تعين عن اقصاي = تـرى بحرنـا ماينـادي غريـقـه

سمعت لي كلمه وانـا رجـل حسـاس = كلمة شجيـع لسـان فـارس حكايـا
ووجهت له كلمـه بهـا سـم نـداس = اشتالهـا بيـن الضـلـوع الحنـايـا
عـن لابةبأفعالهـا ترفـع الــراس = دنيـا وديـن ومعجـزات ومـزايـا
حربي ولي من فهرس المجد نبـراس = وسلـوم مـن خيـرة سلـوم النحايـا
رغمن على اللي مايبينا مـن النـاس = ضعاف العقول اللـي جداهـم زرايـا
كذبـان خلـق الله بلاعيـم الانجـاس = اللـي بهـم تحـت الملابـس كوايـا
مامجدنـا حبـر مزيـف بقـرطـاس = تمليـه رغبـات النـفـوس الغبـايـا
يوم اليديـن تمـد وتحـد الاضـراس = نـرد مــردود الـبـراء للبـرايـا
تشهد لنا عوص النجايـب والافـراس = وشلـف تعلـق بالخصيـم الهـوايـا
مانرمي الا لابـس الـدرع والطـاس = اللـي تـذرى بـه خـدور الشوايـا
وحزنا مناهل نجـد بالعـزم والبـاس = ماجاتنـا بعـروض مـال وهـدايـا
سقنا الشيوخ اللي على الخيـل فـراس = اللـي يعشـون السـبـاع القـوايـا
زحول الرجال اللي لهم بالفخر سـاس = حمايـة الساقـه سـهـوم المنـايـا
على النقـا يـوم ان الاريـاق يبـاس = علـى ظهـور معـربـات السبـايـا
ماهي سوالف كـل مبغـض وهـلاس = على صحـون مـن الفواكـه ملايـا
اليا شبع راد البخـت طـب ماقـاس = سيفـه لسانـه والغـمـاد الشفـايـا
ما اوجس سموم ولا شكى ضيم الاتعاس = بظـلال حكـم محكميـن القضـايـا
اللي تفـوق مجدهـم كـل الاجنـاس = بالسيف الاحـدب رادعيـن الخطايـا
سواعـد الاسـلام قـاده وحــراس = ويخشىمهابتهـم غشـيـش النـوايـا
سـادوا بحكـم الله وقطـاع الانفـاس = اللي يخلـي عظـم الاعـوج شظايـا
ملـوك يفـوق قياسهـم كـل مقيـاس = وعمـت مكارمهـم شعـوب ورعايـا
ال السعود اللي بهم عطف واحسـاس = ومن محكم الفرقـان معهـم وصايـا
تخضع لهم روس بهـا زوم وعطـاس = ونفوس مـن وضـع العدالـه طنايـا
ولولا العداله تـردع العـي بركـاس = تجـاوز المغـرور سـور الحجـايـا
الله يعـز اللـي للاسـلام حــراس = اللـي علـى التوحيـد فيهـم حمايـا
اللي لهم فـي قمـة المجـد مجـلاس = ورفرف علمهم فـوق مـدن وقرايـا
راياتهم تلفـح علـى روس الاقـواس = رمـز الجلالـه فـوق عـال البنايـا
قيادنـا لاصـار للحـبـل مـسـاس = وحنـا بخدمتهـم جـنـود وسـرايـا

يالله انك ترحم اللي يشتكي لـك حالـه = وادعه سن الشبـاب وعـاش شايـب
عايش(ن) في مجتمع جيله وتقل لحالـه = الهدف غير الهدف والكيف ماهو طايب
والبشر كل(ن) على طبعه يحب أمثالـه = سنة الدنيا وأهلها المعتـدل والعايـب
والنهايه كل شخص(ن) مرتهن بعمالـه = الله أعلم في عباده والخطاء والصايـب
وكل شخص (ن)لآخر الدنيا يشد ارحاله = الحكيم اللي يفكـر بانتظـار الغايـب
لوتفاخر صاحب الدنيا بكثـر أموالـه = ماعلى الدنيا قرار وما عليهـا ذايـب
ماعلى الدنيا يزول ولا يـدوم ظلالـه = الحظيظ اللي عن الزلـه لربـه تايـب
كل عبد (ن) لاتوفى له حسيـب يسالـه = الجزاءنوع العمل مقبـول ولا خايـب
هايم العقل الضعيف بغفلتـه واهمالـه = والعمل دقه وجله لـه رقيـب ونايـب
كم فقيد(ن) فارق الدنيا وشوف عيالـه = فارق الدنيا وأهلها واحترامـه سايـب
وين سكان الكيـان وجولتـه وأجيالـه = هادم اللذات مزعهم شبـاب وشايـب
تضحك الدنيا لأهلها واسمهـا الختالـه = الحلاوه ضدها ذوق المـرار الرايـب
في طريق اللي تغره تنصب المحبالـه = ويسلم اللي من عواقبها مخيف وهايـب
غرت اللي في مكاسبها عرف مدخالـه = متعته مرت وراحت مازهرهـا دايـب
كان مكسبها حرام احسابهـا غربالـه = السوال اللي يوجه بانتظـار الجايـب
والسوال احساب عن دق العمل واجلاله = وخاسر اللي باع بالدنيا ثواب(ن) ثايـب

ياالمنتقد مالك على النـاس مدخـال = شوري توقع واقصر الحبـل للعـوج
راجع ضميرك قبل احطك على البال = إن كان ما راسك عن الشور مصنوج
ما دام مكنونـي ورا عجـم الاقفـال = ترى الهروج الفاضيه ما لهـا حـوج
حنا عرب مـا همنـا نقـد الانـذال = نحمـى كرامتنـا ولا نقبـل العـوج
اجواد ما ننقـص للاجـواد مكيـال = اهل النقاء ماهي سواليـف وهـروج
ياللي تحيّـل والدهـر فيـك محتـال = هاك الزمان اللي به الوجه مسهـوج
ايام فيها عشـت فـي خـوف واذل = المثل المريعي يسبر الحـوم ويلـوج
واليوم ما مثلـك ولا صـار رجـال = وعندك لتحريف السواليـف كتلـوج
عن جيلنا الحاضر وعن ماض الاجيال = تخفاك عادات العرب وانت مرجـوج
و ان طعتني تعرض عن القيل والقال = تراك مهمـا غـرك الـزود مفلـوج
انعم بظل اللـي لنـا درع واظـلال = اللي يقـودون السفينـه مـع المـوج
قيّـاد رايتنـا صنـاديـد الابـطـال = اهل السيوف اللي بها السم ممـزوج
عيال الحرار اللي بها تضرب امثالوال = ا انت لو يضرب بك الوصف فـروج

يارجل ياللـي فـي غيابـي تكلمـت = علمك علـي بالـي ورزمـك فهمتـه
ياللـي بحجـه مستحيلـه توهـمـت = حولت حظـك وسـط بيـر وهدمتـه
سيلك تدفـق مـن شفـاك وتخرمـت = ليتك عن اللـي مـا استحقـه ردمتـه
وأن كان هادف لك هدف يوم هاجمـت = العقـل شـوري والتزامـك بصمتـه
وكان الجهل سيطـر عليـك وتقدمـت = ماظـن يثبـت قولـك اللـي زعمتـه
وأن ضعت مع طيش الطواري وهايمت = بركـت للحـق المصيـب وغرمتـه
غادي وخيّـل لـك خيالـك ورهمـت = وسم الحنيش لـو تلحسـه ماجغمتـه
غروك نـاسٍ مـن نسمهـم تسممـت = واللي عطى الله لـو تبـي ماحرمتـه
انصحـك وإلا ماعلـي لوتقحـمـت = دام أحتمـل زلـت رفيقـي حشمتـه
ونصيحتي وجهة نظـر مـا تغيشمـت = شبحي بعيـد ومـن غـدا ماغشمتـه
شبحـي بعيـد ولاأستعديـت نظمـت = والشوك لاجاء فـي طريقـي دقمتـه
وليا بغيـت أهـدي هديـه وقسمـت = ماهـس بالميـزان قـسـمٍ قسمـتـه
أنـا ليـا منـي بالأوضـاع ساهمـت = أصـوّر الواقـع نـظـر لارسمـتـه
ماني غشيم مـن التجـارب تعلمـت = وأن مـال ميـزان القريحـه حكمتـه
لامعنت بأسلوب المعانـي وخاصمـت = خصمي بجـزلات المعانـي خصمتـه
بلحـام سكـرت الملاحـم ولحمـت = وعلـي منافيـذ المـلاحـم برمـتـه
لاسقت طـاروق القريحـه وصممـت = حذفي علـي اللـي يستحقـه رجمتـه
وبعض الكلام أخيرمـن رده الصمـت = وأن جاء من الجاهل غلـط ماجرمتـه
وعن بعض مانسمع ويهـرج تشيمـت = وسلم الرجال أهل السلـوم احترمتـه
ولوكل ماثـارت عجاجـه تحيزمـت = تهت الطريق وكـل عايـر صدمتـه
مهما حصل بأسلوب عقلـي تحكمـت = ورأي الحكيـم المعتـدل مالطمـتـه
لوكان به نـاسٍ توجـه لـي الشمـت = مهمـا يقـال بغيبـتـي ماحلمـتـه
بعض الكـلام اليـا سمعتـه تلطمـت = وفيض المجالس ماأزعجتنـي نغمتـه
طبعي علي تأديب الأخـلاق داومـت = ومن ضاع عن درب السنع مادعمتـه
لابس حرامي من شفا السيل وأحرمـت = والعلـم بالقلـب المفـتـح حزمـتـه
وحقيقـة الواقـع بـهـا ماتحلـمـت = مـن مصـدرٍ ماثـوق سـر وكتمتـه
ان شافهـا وإلا نصيـتـه وسلـمـت = وحددت لـه مرسـام حـد ووسمتـه
ودليـتـه اليـمّـه وبالله تعصـمـت = الا أن تراجع صاحبـي عـن وهمتـه
ظنه ظنيـن اليـا قريتـه وترجمـت = بالحـق وأسنـاد الوثايـق هزمـتـه
وأن ضاق صدره من كلامي تبسمـت = وأن مد لـي كـف الرضـا ماشتمتـه
ماني سفيه اليا أحترك عـود برعمـت = واللـي مجنـب سيرتـي ماعزمـتـه
وان دار دولاب الهواجيـس وأبرمـت = معناي عن نقـد العـوارف عصمتـه
مابعت في سوق الضغايـن ولاسمـت = ماأخطي ومـن ميّـل عليّـه خزمتـه
ماأفطر علي تشويه الأوضاع لاصمـت = وراس الصديع اليا أعترضني حجمتـه
وبسلوم لزمـات الرجاجيـل لازمـت = أسيرمـع سلـم الرجـال ولزمـتـه
وليـا سفهـت التافـهـه ماتنـدمـت = وماعـون خـلاق المشاكـل خدمتـه
وأنـا مـع اللـي يفتهمهـا تفاهمـت = ومـن لاتطـرق منهجـي مازهمتـه
وأن حدني حـادي قوامـه وقاومـت = سبحت مع مـوج البحـر وأقتحمتـه
جهـزت نفـسـي للعبوروتولـمـت = عمق البحر لوهـاج موجـه دحمتـه
وجهتهـا بيضـا صريحـه وحكمـت = أحكمت مضمـون الجـواب ونظمتـه
تم الجـواب اللـي نضمتـه وتممـت = والوصل مـن راع البريـد استلمتـه
وصدرتها بأسلوب هـادي وترجمـت = ومن لاظلم نفسـه حشـا مـا ظلمتـه
أدخـل علـي الله بالخطـا ماتذممـت = وحـق العبـاد وقدرهـم ماهضمتـه
وجـو الصداقـه ماسجتـه ولغمـت = معرض عن الغايب ولا أكـل لحمتـه
ودام أمتلك نفسي عن الظلـم حرمـت = لوكـان تجذبنـي لشخـص أتهمـتـه
لبستهـا ثـوب المناعـه وسجـمـت = وأرجي عسى الجاهل يوطي رضمتـه

تمرنـا الايـام مـانـدري بـهـا = لوكان هي تطـوي لنـا الاعمـار
تمضي دقايـق بيـن يـوم وليلـه = وبنودهـا للغافلـيـن اقـصـار
تحكم بنـا الغفلـه وبعـد امالنـا = ماكـن بـه جنـه ولابـه نــار
تغرنـا الدنيـا وهــي غــداره = تسقي عسـل لكـن وراه أمـرار
تضحك وخافـي غيبهـا ياساتـر = تسقي من الحنظـل نكـد واكـدار
نقراء ونسمـع والخطـاء ندريبـه = لكـن نحـط الواجبـات ايـسـار
لـو نعتبـر بجدودنـا واسلافـنـا = غابـو وغابـت عنهـم الانظـار
غابو وحنا مـع طريـق الغايـب = راح السلـف واللـي بقـا عبـار
حكمـة تصاريـف الالـه بخلقـه = وأمر (ن) نفذ بالرسـل والابـرار
لكـن ماكنـا نشـوف ونسـمـع = بالوعـظ والتحذيـر والتـذكـار
وهذا دليل من الضعـف بعقولنـا = وايامنـا تطـوي لنـا الاسـفـار
لوكـان نحسـب للحيـاه الزايلـه = كـان انتبهنـا والأجـل غــدار
نسمـع ولانعقـل كـلام الهـادي = ماتقـل نسمـع موعظـه وانـذار
وانا ماعـم النـاس والله رقيبهـم = واجـد وجيـه الخيـر ولاخيـار
لكن بعض الناس لوكـان مبصـر = يضيـع لوهـو بـأول النـهـار
الآخــره ماينتـبـه لحسابـهـا = يوم الجـوارح تنطـق الاسـرار
وكل (ن) يجازى حسب وزن اعماله = مافـيـه لاحـجـه ولامـعـذار
ماينفع الاهمال قلـب (ن) قاسـي = عند النهايـه تشخـص الابصـار
الله ايكافينـا حصـايـد اذنوبـنـا = وتعمـنـا بالسـتـر يـاسـتـار
يالله يارحمـن تـرحـم ضعفـنـا = وانـت الالـه الواحـد الغـفـار
هذا وابنصح كل عبـد(ن) مسلـم = في طاعـة اللـي سيـر الانهـار
والكذب والغيبـه وغـش المسلـم = والكبر لـه عنـد الالـه اصغـار
العز بالتقـوى وصـدق المنطـق = وتجنـب المنـقـود والاشــرار
ومن لـم مـال ولاوفـا بحقوقـه = عليه صـار المـال عـار ونـار
لاجـاه يومـه مايفـكـه مـالـه = يقـوم غيـره بـاجـرة القـبـار
ويحصى العمل لوكان مثقـال ذره = تدويـن كاتـب ماعليـه اغـبـار
وكل(ن) رصيده من حصيد أعماله = مابـه مجـال برغبتـه يخـتـار
جف القلم واللي حصل من حضـه = يالعبـد ماعقـب النذيـر أغـرار
طع مايقـول الله ووصابـه النبـي = عسـاك فـي الحسـاب امـجـار
تمت وصلى الله على سيـد البشـر = اعداد من فـوق البسيطـه سار

قال الذي جّرب وشاف وشاهـد = وقاسى من الدنيا فرح وأحـزان
خمسين عام اللي حواهـن فكـر = يمرن تقل ساعـه مـن الزمـان
لا رتحت فيهن يوم الاخرشطـه = واليا تريـح خاطـري كسبـان
اليا ذكرت أجيال ناسـن راحـو = اطوتهـم الأجــال بالأكـفـان
راحوا من الدنيـا ومـن لذتهـا = واللي بقي مع دربهـم عجـلان
هذا وأبا أبدى في نصيحة شايـب = تهدى من الشياب إلـى الشبـان
أخص من يدراء الشرف والسمعه = اللـي يجنـب سـرة السفهـان
اللي علي حفظ الشرف به غيـره = ويميز الصاحي مـن الخربـان
اللـي يعـز النفـس ويقدرهـا = مايندفع فـي منهـج الشيطـان
يد الفرايض والحقـوق الواجبـه = اللي فرض ربي علي الانسـان
ومن لاحفظ دينه ونـزه عرضـه = هذاك لـو انـه بشـر حيـوان
ومن احترم نفسه وضيـع دينـه = مسكين في طيش الجهل غرقـان
له ساعتن لابـد تدنـي رحيلـه = ماينفعـه مـالـه ولا الـخـلان
ماله من الدنيـا سـواء ماقـدم = في ساعتن ياقـف بهـا عريـان
ان كان قدم خيـر يلقـى ثوابـه = من قدم الحسنه جـزاه احسـان
وكلن رقيبـه مطلـع بأعمالـه = يبي يشـاف الربـح والخسـران
الله يهدينـا ويرحـم ضعفـنـا = في ساعتن ينصب بها الميـزان
يحصى العمل لوكان مثقـال ذره = ويسـلـم المـديـون للـديـان
وتشهد جوارحنا علـي مانعمـل = بأمرالالـه الخالـق الرحمـان
علام ماتخفي الصـدور وتبـدي = منـزل الـتـوراه والفـرقـان
الله خلقنـا لـه عبيـدن نعـبـد = اللي ذكر فـي محكـم القـرآن
ماهو بحاجتنـا وحنـا بحاجتـه = الله غني لاكـن بنـا لـه شـان
يالعبد دامـك بالسعـه متعافـي = حـاذورك التفريـط والعصيـان
لاتحسب أنـك بالكيـان مخلـد = الدايـم الله ومـن عليهـا فـان
مادامـت الدنيـا لحيـن قبلنـا = ويـن الأبـا والعـم والجـدان
مابقـي الا أثارهـم واذكارهـم =عبره لمن عنـده فكـر وايمـان
لكن وين اللـي يفكـر ويعتبـر = نشـوف مـار قلوبنـا عميـان
الإ بتجميـع الحطـام الفـانـي = مثـل الذيابـه نجلتـد وذهـان
وان كان ماندي زكـاة اموالنـا = بالاخـره تصـرف لنـا نيـران
وتدوسنـا بنحورهـا وأقدامهـا = وتعضنـا بالضـرس والنيبـان
ولايسلم الا من عـرف حـق الله = وأدى زكاته واطعـم الجيعـان
ماهو ريا يرجي ثـواب الهـادي = اللي فرض للدين خمس اركـان
وترى الربا لوشاف راعيـه زوده = من باع به من مكسبـه خسـران
لاجـا حسابـه مايسـره مالـه = لوهـو يسيّـل بالذهـب وديـان
لاصار بطنـه بالربـا متحمـل = السحت في بطنـه ربـا ديـدان
وايضا البخيل بحالتـن مذمومـه = ومخاشره في رزقـه الشيطـان
يلمهـا ولايـعـرف حقوقـهـا = ويموت منهـا مكسبـه حرمـان
يركض بها المسكين ناشف ريقه = وينعم بهـا غيـر وهـو تعبـان
وغير الكفن وش مكسبه من ماله = يمكن يموت من الرهق عطشـان
ولا لي بطول الشرح مع خلق الله = الله رقيب الكـون واللـي كـان
وأنا الحقيقه معتـرف بقصـوري = ماأرجي الله وأطلـب الغفـران
والله يهدينـا بهـدي الـهـادي = ويجعل لنا في طاعتـه عنـوان
تمت وصلى الله علي محمدالنبي = عداد ماهز الهـوى الاغصـان