القاف وإن ما طاعني طاع معسـوف=نـوادره وسـط الضميـر إمعسوفـه
لو أكتب الأشعـار بأنقـاط وحـروف=ما أوفت نقطها لي ولا أوفت حروفـه
لو كان نظـم أبيوتهـا در مصفـوف=در(ن)يشـوق الناظريـن بصفـوفـه
ولو القريحه هاضت أمداح وأوصـوف=ما جادت بمدحـه ولا فـي وصوفـه
في مدح أبو فهد لو الشيـخ معـروف=شيخ(ن) فعولـه للنشامـا أمعروفـه
حكيم زلـة صاحبـه عنـده أتطـوف=وزلـة عـدوه دائـم مـا تطـوفـه
هيهات يدخل قلبـه الـذل والخـوف=ومن جاه خايف يمن الشيـخ خوفـه
له فزعة(ن) تشهد لها الناس وأتشوف=اللي سمـع بالفعـل واللـي يشوفـه
يليـن للأقـراب ويحـن ويــروف=فيـه الشهامـه والكـرم والمروفـه
مؤمن وثلث الليل يرفع لـه كفـوف=خاشع ودمع العيـن غـرق كفوفـه
كريم لـو يملـك ملاييـن وأولـوف=ينفـق ملايينـه وينـفـق أولـوفـه
كفه كما سيل(ن) مع الـواد جـاروف=شال الهيال وما زمـا مـن جروفـه
اللي لوجـه الله يـا نـاس مخلـوف=وما تنفقـه يمنـاه جـات أمخلوفـه
يجود من ماله بـلا مـن وحسـوف=ولا يلحق النفـس العزيـزه حسوفـه
للبر والإحسـان والصـدق مشغـوف=نفسه علي فعـل االجمائـل شغوفـه
جالس بديوانه ولـو عنـده إظـروف=من شان فعل الطيب يتـرك ظروفـه
في مجلسه دائـم مساييـر وضيـوف=يكـرم مساييـره ويكـرم ضيـوفـه
يفداه لاش(ن)قـال مانيـب مكلـوف=أصـك بيبانـي ولامــن كلـوفـه
لو حط فالمجلس زوالي من الصـوف=لا صار ما يدهل كـلا العـث صوفـه
لو كان عنده مال عيشتـه بكسـوف=عايش علي الدنيا حيـاة الكسوفـه
يتبع ملذاتـه حريـص(ن) وملهـوف=وكبده علي هـرج النميمـه لهوفـه
مهذار فالمجلس وعـي(ن) وملقـوف=عي(ن) علي ربعـه ونفسـه لقوفـه
وأليا نهرته صاب به أخفاف وإرجوف=قلبه من الروعـه تصيبـه رجوفـه
خطرن عليه يطير من داخل الجـوف=ولا تمسكه الأضلاع في وسط جوفـه
أنا أشهد إنه ناقص العقـل مهروف=ونفسه علي الدنيا تجيـك أمهروفـه
والله من هم(ن) يلوف الفكـر لـوف=خمسة عشر ليلـه همومـه تلوفـه
زورق ويومي به علي اليم عاصـوف=موج(ن) وظلماء والهبوب أمعصوفـه
يوم أرتكي له طور والهـم محـذوف=بأمر الولي كـل الهمـوم أمحذوفـه
كساني المعروف في بطـن معروفـ=أموت وأحيـا مـا نسيـت أمعروفـه
يا الله عساه أمجار من كل صـادوف=تكفيه مـن شـر الزمـان وصدوفـه
صلات ربي عـد مـا هلـت أقنـوف=علي النبـي وإعـداد بـارق قنوفـه
للشاعر منصور بن محمد بن منيخر
آخر المواضيع
قصيدة في الشيخ محمد بن منصور بن منيخر أمير هيت 
