في الساحة اللي بجانب بيت اهلها القديم |
| وقدام بيت لنا جنبه ويم اجهته |
| معها بنيه وانا اسحب سياراتي بسيم |
| وكلا مهيا من المعبود في فطرته |
| ياما طردونا ليا جاء عند اهلنا حريم |
| وياما ارسلونا على جار( ن) نعزم امرته |
| هيه وانا واخوهاالصغيٌر عبدالكريم |
| لاخرب العابنا صدناه من جرته |
| اطفال نصحك ونضحك لثراء والسديم |
| والطفل بين الثرياءوالثراء ضحكته |
| حتى وصل عمرنا ست اسنوات بتيم |
| ها السن كلُ يروح المدرسه حقته |
| مريولها لبسته وجتني سواة الظليم |
| تبغا توريني المريول لالبسته |
| فرحانة ابه ودفترها وشنطه يديم |
| والمرسم اللي شويه تظهره وبرته |
| تقول لي امها يا خالتك شوف ريم |
| ترى ان درس الحساب من امس ما حلته |
| وانا مسوي بكلش فيه جاي فهيم |
| صفر الشمال احسبه واقول ذي خانته |
| وبانت مفاتن جمال في وصوفه عديم |
| واهتز عصن الشباب لوردة هزته |
| لين البسوها العباة ولا بقالي نديم |
| مر تحط النقاب ومر عنها رمته |
| وكبرت ونا مثلها اكبر خطنا مستقيم |
| ماندري ان الزمن يكتب لنا قصته |
| لين زوجوها لائيم مثل ابوها الائيم |
| في ليلة واحدة زواجة ودخلته |
| ليلة فرحها وانا ملتاع مثل اليتيم |
| شاف الكفن فوق ابوه ولا حبس عبرته |
| وراحت معه مكرهه قلبا وجسما سقيم |
| ثم قطعة اخبارها واللي تبا ما لقته |
| ومرة وانا جالسً في السوق سوق النسيم |
| الا وطفلاً جلس قدمي على ركبته |
| ثم ابتسم ما اجمل البسمة بفم الفطيم |
| وشديت يده وقمت امسح على غرته |
| طالعت لطفل لن الطفل شكله وسيم |
| كأني بعرفه وكاني شايف صورته |
| واليا الملامح ملامح ماتغر الفهيم |
| الوجه ذا وجهها نظراتها نظرته |
| ولديت لامه ولا هيه بلاي المقيم |
| وجتني وهي مطرقه بدموعها وخذته |
| قالت تعال انتشلني من حياة الجحيم |
| ثم انحشر صوتها والحزن في نبرته |
| قلت انتي وانا تحت تدبير العزيز الكريم |
| وهاذي هي إرادت الباري وذي قسمته |
| انتي عفيفه وانا حبي عفيف حشيم |
| وايضا ولك زوج مازلتي على عصمته |
| وهلت دموع عزيزه كانها وبل ديم |
| احدن على مسفعه واحدن على غترته |
| ثم اكضمت غيضها وانا لغيضي كضيم |
| وخذت ولدها ونسيت كل شئ اشرته |
| وجلست بالسوق كأن السوق نار وهشيم |
| لو ان رجلي درت لسوق ما مرته |
قصة زمن 
رد : قصة زمن 
