خطـــلان الايـــــــدي
دواسر أل زايـد
سلام الله على رمـز الشهامـه = على أميـرٍ نوقـف لاحترامـه
أمير نفتخر بـه ونقتـدي بـه= سديد الشور شـوره استقامـه
حمود ابن حقطان ابن آل وثيله = أميـر لا آل رجبـان النشامـه
يعز الشايقي طاريـك ياحمـود= لأنـك تـاج للجـود ووسامـه
و انا يوم اتذكـر آل رجبـان = لوصلك يوصل الخافق هيامـه
ويزيد هيام شاعر يـوم يذكـر= هل الطاله خواله هـم عمامـه
دواسـر لابــةٍ والله لابــه = بها التاريخ يفخر كـل عامـه
لنا الالقاب مـن ربـي خلقنـا= إلى ذا اليـوم وتبقـى للقيامـه
مقيدة الجمـل قيـد الحديـدي = في ساحات الوغى يرهب سنامه
جريد ارماحنا تزرق كما البرق= إلى رميت تقل نبـل السهامـه
لقبنا من الكرم خطلان الأيـدي= ومن يدخل علينـا مـا يظامـه
من اسماء الأسد لقبنـا دوسـر= ولا فينـا ابـد رجـلٍ هلامـه
بـدا مـن لاء تنفـذ ماتثنـى= بهـا الرجـال ياقـو اللتزامـه
وعمر ابن عامر ابـن ملطـوم= لآل زايد جد والتاريـخ شامـه
مباري الريح و القمقـام عمـرُ = مزيقياء جابرٍ كسـر العظامـه
وجدُنـا عامـرٍ مـاء السمـاءُ = كفوفه بالكـرم غيـث الغمامـه
يكفينا فخر مدح اشرف الخلـق = عليه افضل صلاة الله وسلامـه
وخص الازد بأوصافٍ جميلـه = امانه وجـود وللقـوة علامـه
ومن لا له أصل فليلحـق الازد = فهم اصل العرب اهل الزعامـه
يموت الرجل حاجاته بصـدره = حفظها لم يفضها فـي كلامـه
وعلي ابن طالب قـال عنهـم = رجالٍ مابهم جبـن و رخامـه
وجدنا الأزد اكرمكـم جـوارا = جرير قالها و طـب السقامـه
ومعلقـةٍ لعمـرٍ ابـن كلثـوم = بها العزه و بها علـو المقامـه
ولنا تاريخ مع صقر الجزيـرة = ابوتركي اللي انـور باليمامـه
موحدهـا بشـرع الله وحـنـا = سيوف لله مـا نخشـا ملامـه
ومن صقر لصقر والمملكة فوق = لها صيتٍ لهـا بالديـن قامـه
قبايل اصبحت بأسم السعـودي = قبيلة وهذه مـن ربـي كرامـه
عسى الله يحفظ بلاد الشريعـة = من الإرهاب و أفكار الظلامـه
ويحفظ صقرنا صقر العروبـه = ملك عز الوطن همه ومرامـه
ويحفظ عضده سلطان ويمينـه = وكفـه للوطـن درع وحزامـه
وعلى خير البشر اختم كلامـي = عليه افضل صلاة الله وسلامـه
الشـــاعر: مشعل بن راشد الشايقي (مخايل)
آخر المواضيع
قصيدة خطلان الايدي دواسر ال زايد 
