عسى الخيال

عسى الخيال اللي تكاشف بروقـه=من قبلةٍ ومرتكيلة هـوى الشـرق
ريح المطر امسبـقٍ فـي سبوقـه=ورزم رعوده مع بعض مابها فرق
يسقي وطـنا من صدايـق حقوقـه= يسقيه حتى يرتوي يابـس العـرق
ويالله ياللي كـل شـيٍ تحوقـه=مافيه شي(ن) يدرق عنك بالـدرق
تخـارج الأمـة خـراجٍ أنتوقـه=من ظاهرة الحسد.!! والنـم.والسـرق
وتغسل دم المرضان داخل عروقه=امن الوباء المنتشر داخـل الشـرق
الناس للحسنات تجمـع شفوقـه=في لحظة(ن)تحرق مواثيقهـا حـرق
وترى المطر ما فيه عايق يعوقـه=الا الذنوب اللي تغطي على البـرق
وترى الغلاء ما فيه شيٍ يسوقـه=الا البذخ.والسرف.ومحارب العرق
والناس في حاجة.تأمـل وفوقـه=الظاهرأن الوضع في مفترق طرق
والواضح أن الكل يعجـز يطوقـه=اما رجعنا أو نبـي ندفـع الفـرق
والطلع لا ما جات حلـوه عذوقـه=اعرف ترى فيه الوباء مارق مرق

إقتباس   المشاركة الأصلية بواسطة ملاك البدو والطلع لا ما جات حلـوه عذوقـه اعرف ترى فيه الوباء مارق مرق قصيدة جميلة .. صح الله لسان الشاعر و تسلم يمينك أخوي محمد البراق

إقتباس   المشاركة الأصلية بواسطة الثغر الخجول تسلم يمناك على هذا النقل لاخلا ولا عدم