كــبوة جـــواد

ياعين ظمي دمعة العز تكفين=جرحي عميق وطالبك تسترينه
بنشد والحنلك من القاف بيتين=وأداوي العلّات وأنسى الغبينه
كبوة جواد وكيد ناس(ن) عذولين=وفراق من ينزف حنيني لحنينه
ياعين رغم البين وجور القريبين=الحر يبقى حر عالي جبينه
وأنا ولد جدوع مرفوع الجبين=وإبن الذي فوق البشر حاجبينه
موسي سليم الحر نبع الأصيلين=قامت صروح العز من ساعدينه
نقدح شجاعه كعام غل المعادين=نخب الكرامه من الصغر شاربينه
والخال أبو منصور وناصر عزيزين=تفداهم حروف القوافي الحزينه
أولهم أقرب من مدا الشوف للعين=وتاليهم أكتب لجله وسامعينه
أهل الشهامه والأصاله كريمين=كيد العدا في نحورهم داحرينه
لزرع لهم شوقي ورود البساتين=وأدعس على كل الجروح الدفينه
مايكدر كحيلان فرقا : مزايين=حتى لو يبدل حرامه ,, سكينه
ويسلك طريق الحق والخير والدين=يبقا محرّم يخظع الراس دينه
مر(ن) شربته وأشرب اليوم كاسين=وكاس الخيانه مر ياصانعينه
ياعين لاتبكين ياعين ياعين=جرحي عميق وطالبك تسترينه