.
أليف 0 أقـدم واتشـرف وأنـادي=ناس لهم في مرتـع الذهـن نـادي
نقطف سوى سوسن معطر ونـادي=نهديـه للـي ع خيالـي يـمـرون
البـا 0 بدينـا باسـم ربـي بدينـا=برواحنـا همـه وقــوه بدينا
هـذا ورقنـا والمراسـم بريـنـا= مثلاتكم يوم ان قلبي تبـرون
التا 0 تناهيـد القلـوب الجريحـه=عنـد العـواذل للمعنـى فضيحـه
هنيـكـم بقلوبـهـم مستريـحـه=منتو سواتي من لضى الوجد تشكون
الثا0 ثلاث سنيـن واشهـر ثمانـي=عليك يا صافي الرهـاف الثمانـي
قضيتهـا بيـن الرجـا والامانـي=ولادري متى يمكن علـي تحنـون
الجيم 0 جرح الحب ما له مـداوي=وانا مريق في أربعينـي وحـاوي
الذهـن زل وذابـل الجسـم ذاوي=اذرف دموي بالخفا خوف يـدرون
الحا0حوى كل الخصـال الفريـده=تفـداه روحـي والمعاليـق بـيـده
سيد الجمـال وسيـد لسيـد سيـده=كنه مع يوسف من الطين معجـون
الخا0 خليقـة ربـي اللـي خلقهـا=لكـن ع كـل البـرايـا فرقـهـا
ريح القرنقـل والخزامـا عرقهـا=امره الانه راد با الكـاف والنـون
الـد 0دواي وداي منهـا وفيهـا=بالله يانجـوم السمـاء حلفيـهـا
تدري عن اللي حالتي حل فيهـا=ولا حياتي كلها غبون في غبـون
الذ0 ذهاب النفس دونـه شهـاده=شرهه عيون اللـي يـدور وداده
وان كان وده فـوق هـذا زيـاده=اهلا وسهلا ياخذ الروح عربـون
الر0 ربيع العمر والكـل فانـي=ساعه على غفلـه لونـه لفانـي
تكفـي لونـه منهـا مـا كفانـي=لاصارت أخر من عيوني يشوفون
الز0 زعيم القوم ياخـذ وصاتـه=منها وع تكريـم أهلهـا وصاتـه
كنه كلام وكـان هـذي حصاتـه=ان كان ماشارت عليهـا يـردون
السا0 سبايك في سكوته سبايـك=ولاهـرج كنـه يطـرز وحايـك
فوق الحرير اللي مننـم وشايـك=أغلا جواهر من لسانـه يشكـون
الشا0 شروق الشمس يشبه سناها=لاعانقة غيمـه لصافـي سماهـا
تنسل سـلات السوانـي لماهـا=صفر الذوايب ع الردايف يطوون
الصا0 صواديف الزمان العجايب=قبله أحسب اني عن الحب تايب
الشمس طلعت واصبح القلب ذايب=كني لك الله بأنعم الزبد مدهون
الضا0ضميت وظامرات جنوبي=جسمي نحل والحال دوبي ودوبي
اناشمال وشف بالي جنوبي=جدران من دونه مبناه وحصون
الطا0طويلات الرواسي رقينا=نفسي عن رماح المحبه رقينا
ماهي هقاوي والهوى ما هقينا=يالله عساها كل ما تكبر تهون
العين0 عافت نومها كيف أسوي=كني على جرف متهاير وهوي
ان قلت نامي قالت العين توي=يحرم عليكم ما تطبق لي جفون
الغا0 غناه وراس مال وغانيم=حضيض منبه داعج العين هايم
ان اشهد انه كامل الحض قايم =لونه عن العربان مجلي ومديون
الفا0 فقدة الصبر وأعز حالي=لاداله قلبي ولاني بسالي
من قبل اعرفه لا علي ولا لي =واليوم انا فيها متيم ومرهون
القا0 قسمت بواحد له نصلي=كني على حامي رماد متصلي
وان كان حبه في الهواء ماحصلي=مشكور لاني منه مبلي ومطعون
الكاف0 كسب الطيب عادة ذراعي=لووقتنا وقت القوي الشجاعي
والله لخلي من تعزواه راعي=سواتهم يوم الجميلات يسبون
الام0 ليت اللي بلاني بلاها=ولا لعل ليت يمكن عساها
معلوم ما تحرق سوا اللي وطاها=وما تفتح الا باب خاسي وملعون
الميم0 محتل وحلاله حسوسي=حتى لونه فوق قلبي يدوسي
بالله باالهون وتوقى وقوسي=ان هنت انا انته ياأريش العين متهون
النون ناديته ولازال انادي=زادي وداده يوم للناس زادي
حتى ولونه جورهم حيل زادي=زي العسل لونه من المر مشحون
الها0 هماليل السحاب ومطرها=تسقي ديارة بدوها مع حضرها
باني السموات العظام وفطرها=بلا عمد ولا سنايد ولا ركون
الواو0 وناتي تبكي الولايف=ولاني حالي كثير الحسايف
لامستحي منه ولاني بخايف=قبلي صناديد المحبين يبكون
اليا0 ياسي مكبره منك ياسي=يالله عساك تعيش وان عاش راسي
بكره لسوي في بحورك مراسي=واغوص واطلع منك خافي ومكنون
آخر المواضيع
تناهيد القلوب الجريحه 
