يامداهيل الغلا والجود وأسرار المعاني

يامداهيل الغلا والجود وأسرار المعاني = أرتوى نهر العذوبه .. فاح ريح الشاذليه
ماكتبتك من فراغ ولا قريتك من لساني = سافري بي سافري بي ياللحون السامريه
بارك الله في وفاه وبارك الله في زماني = الزمان اللي منحني من عطاه أغلا هديه
في عيونه زود شوق وثورة أحلام وأماني = وفي خفوقه حس مرهف بعثر الاحساس فيـّه
جيت لاهب النسيم العذب لو ماحدً دعاني = أسبق الخطوه وشوقي مستهيم الراعبيه
صوتها قبل أنتبه (ياهيه) بالغفله خذاني = والتفت مجنون ليلى ؟ وين ليلى العامريه
ساقني مع نبرة الصوت وترانيم الاغاني = واحتويته كلمتين .. ونبضتين .. وصدق نيه
ساقني عطر الشمال وصوت شيخً مرحباني = أعشق التاريخ من شأنه عسى أيامه مديه
له مع الموعد حضور وله مع الهاجس مكاني =كل ماشب الغرام وضاقت الدنيا الفضيه
أرتويته مثل ماهو في معانيه أحتراني = أكتبه صوتً يمثل ذات والنيه مطيه
أن قريته ماكتبته وان كتبني ماقراني = كن نبض قلوبنا خارج نطاق الجاذبيه
أذكره في كل لحظه مانسيته لو نساني = له من أشواقي سلام وله من أعماقي تحيه
دام علمني بوصله كيف ؟ وش معنى التفاني = والله أنه في عيوني ساكنً ذيه وذيه
الحبيب اللي عطاني نبض قلبه واحتواني = ماسمع مني ملام ولا حصل منـّه خطيه
يستحق أعطيه قلبي مثل ماقلبه عطاني = يستحق أعطيه كلي زود من فوق العطيه
هو حياتي في حياتي .. هو بعد عمري حناني = هو شروق الشمس والظلمأ بدنياي الشقيه
مالكٍ روحي وفكري مامعه بالقلب ثاني = عايشً داخل عروقي ولكثر أشعاري هويه
الله اللي لي هداه .. والله اللي له هداني = أيه أنا بالحب أناني كثر مابه نرجسيه
آه من ليلً سريته ؟ آه من ليلً سراني = هام بي صوب النجوم وصرت لنجومه ضحيه
يوم أفكر في زماني ؟ وش خذيته من زماني = آه ياكثر العذاب اللي عطاه الوقت لـّيه
الهوى يالعنبو حي الهوى همه طواني = لين شفت الموت ياردبي على حوض المنيه
يقطع الحظ التعيس اللي على مثله رماني = يوم سلمته مفاتيح الغرام السرمديه
ماشربت الصبر لو ماالشوق من كأسه سقاني = شربةٍ تقطع ضماي وتفرض الموعد علـّيه
يانسيم الشوق (وقف) طالبك لوهي ثواني = أنشد الرحال عن صمته وعشقه والقضيه
وكل شكري للحبيب وكل حبي وأمتناني = والقصيد أحساس صادق بالحروف الابجديه

أموت واقف مااعيش المذله = واغيب حاضر مثل كل النشاما

:":":
": "


ماجور ياللـي مـن فراقـك تعلمّـت // إن الزمـن يومـيـن طيّب..وخـيّـب

فاجئتنـي بمفارقـك مــا تولـمّـت // كـذا بـدون اسبـاب عنـي تغيّـب؟؟

مامـت مـن فرقـاك لكـن تألـمـت // وشيبت بي ياصاحبي قبل لا شيّـب
اضحك واسولف وان لحقني سهر نمت // لكـن قـسـم بالله مـانـي بطـيّـب


* ~ *<