صحيح قبل شارع ترابي بلا رصيف والصريفه البيهه جالس تمطر المي علكيف=
لكن احسن لاكوى التبليط رجلي ولا نمت فوق الرصيف=
قبل حمام بصريفه ردى وبرد وشتا وباب ستاره واحنا ما خذنا الرجيف =
هسه سخان حار ودوش عدنا والف واحد مريض=
قبل تنور اهلي طين والصديق يصير اخوي لو مره عليه يظيف =
هسه من صار الخبز على الكهرباء ظل يحط عينه على اختي وهو ياكل بالرغيف=
انا ضد هذا التطور انا ضد هذا التطور المو شريف=
لا تقلي انسان رجعي الناس صعدت للقمر انا ارفض اصعد حتى لا اصبح خبيث=
قبل خبز شعير ناكل ولو شبع واحد يصدق على الفقير حتى عن ذنبه يكفر =
هسه احسن اكل ناكل ولو طلب خبزه الفير نضربه على كصته ونكفر =
قبل فانوس عدنا والمغرب نولعه وعلى النبي نصلي ونكبر =
هسه اذا ولعوا علينا الكهرباء حتى شايبنا يصفر =
انا ضد هذا التطور انا ضد هذا التطور =
قبل كان الخص قصب وما تزل على الجاره عين كانت القصبات تستر =
هسه طابوق السياج اشويه ناصي بصفه كرسي بس ااشر هي تطفر =
انا ضد هذا التطفر انا ضد هذا التطور بالحياة =
انا ضد هذ التطور ياطغاة صنعو تلفاز ريمونت كونترول دوسه وحده بوقت الصلاة الوحد ه يبدل القناة=
ما رضوعلى التفرقه بزي النسا صمموا بورده حديثه بزي الامريكان =
وحده متقبعه بحرير وحده نص ردن ورتاد وحققو بيها التساوي وهن كلهن عاريات =
ما اريد الناطحه توصل للسحاب حتى لا تعلى العبيد عندك ايد وعندي ايد =
قبل طب اعشاب كان يعني لوقلبك وقف تموت كلك =
هسه لو قلبك يموت الطب يقلك ما تموت قلب اي تمساح نزرعلك تريد=
ولذلك ما اريد ما اريد شما اكص ايد الحرامي يروح يزرع كف جديد=
ما اريد تنغرز نطفه برحم حتى لاولد الزنى بوقتك تزيد=
ما اريد امريكا تستنسخ بشر حتى لا كل يوم تستنسخ خسيس =
انا ضد هذا التطور انا ضد هذا التطور وما اريد=
سحبو بليزو رصاصه يعني نقذو روح واحد بالسويد =
وضربو بليزر الف ملجا عراقي وذابت اعظام البشر وي الحديد=
انا مو ضد التطور انا مو ضد التطور انا من هذا التطور ما اريد=
تحياتي اليكم وعذرا هذه من الواقع المؤلم=
اخوكم ابو احمد=
آخر المواضيع
انا ضد هذا التطور 
