ديوان ضيدان بن قضعان


	1


	ديوان ضيدان بن قضعان
	27/08/2008, 08:42 مساءً
	هزك الشوق هيه يالي اغراك الليل واغراك النديم = هيه يالي هزك الشوق والمسرى ضياع وقفي بين الخطأ والصراط المستقيم = وقفي بين التراحيب وكفوف الوداع سولفي مثل المشاريه في صوت الحشيم = واسكتي مثل الشفايف لاطاح القناع واضحكي مثل النواويير في روضة خريم = واغربي مثل المزاجات في غرب الرفاع وابعدي مثل المتاهات في حلم اليتيم = واقربي بين السوالف وكتفي والذراع وانظري لي نظرة الشوق للشي القديم = واغرقي بالدمع الازرق مضاليل وساع واصبري مثل المسافات في صبر الحليم = واسمعي صوت الهوى يوم فليت الشراع يوم صرتي عود ريحان ورضاي النسيم = واصبري يانجمة الصبح مال الصبح داع قد طلبت الله وانا بين زمزم والحطيم = شوفتك ياغلا سميه لاصرتي رباع العيون تجوع تجوع والله العظيم = والعشى في عيونك السود وعيوني جياع ان عطيتي مايرد الكريم الا الئيم = وان بخلتي قلت تكفيني والدنيا متاع اقبلي يامثل التباشير في وجه الكريم = وارحلي مثل التعازي على موت الشجاع رديـّة مع الشاعر سلطان بن وسـّام يامـرحـبـا عـــد مـــالاح بـارقـهـا = بالصاحـب اللـي تعنـى علشـانـي كانه رفيقـي علـى الليـن والشـده = كـلـه علـشـان لاحــي وليـحـانـي ياالـهـاجـري بـنـدقــك لاتعـلّـقـهـا = مـادام فـي ديـرة القـوم عرجانـي واللي مع الهاجري مايقف ضـده = كـلـه علـشـان لاحــي وليـحـانـي ياراعـي السـاعـة الـلـي دقايقـهـا = أطـول مـن أيـام غـره وشعبـانـي بالله لاتـحـسـب الـوقــت وتـعــدّه = كـلـه علـشـان لاحــي وليـحـانـي يـالـيـت لـــك حـلــة ماتـفـارقـهـا = مادام أنا وانت صربي وشيشاني والـحـلـف لابـــده يـــزول لابـــده = كـلـه علـشـان لاحــي وليـحـانـي أم الكبـائـر بـعـد شــاب مفـرقـهـا = طبـت علـى حيـد نـاري ودخانـي ضربـة بلنتـي وهجـمـات مـرتـده = كـلـه علـشـان لاحــي وليـحـانـي سلمـت لحيـتـك لأحـمـد وحلّقـهـا = الشغـل مجـان والمـوس مجـانـي لـكـن لاتـرخــي الـحـبـل واشـــده = كـلـه علـشـان لاحــي وليـحـانـي يـامـلـفـق الـسـالـفــة لاتـلـفـقـهـا = أرجــوك لاتِـزعـل قـبـور جـدانـي والوقت قاسي والأوضاع مشتـده = كـلـه علـشـان لاحــي وليـحـانـي وان شفت أنا القوم رزت بيارقها = وابي على نطحة القـوم وصانـي أُقــدم وكــلٍ يـوقـف عـلـى حـــده = كـلـه علـشـان لاحــي وليـحـانـي بنت الشيوخ بنت الشيـوخ اللـي يسمـون العنـود = مــن كثـرهـا يــا زيــن حـتـى قـلـهـا وان ذعذعت لي بالهوى مع كل نود = يــا مــل عيـنـي بالـهـوى يــا ملـهـا البارحـه هبـت علـى صـوت الرقـود = وأنــا عـلـى ميـعـادهـا شـفــقٍ لـهــا طـرقـا بهمستـهـا تعدّيـنـي الـحــدود = مــيــر أحــتــرم مـقـامـهـا وجـلـهــا مـا فـي مواريـث الفهـود إلا الفهـود = وأنــــا مــواريــد الــذيــاب أدلــهـــا أضحى الضحى أضحى الضحى وأنا على رجمٍ بديته من عصير = أدرى خـواطـر كـايـد العجـمـان مــن منـقـودهـا رجـمٍ جنوبـي طلعـة العشّـار شـرق أبـو ظهـيـر = غـربٍ مـن الصـرار والونـان أشــوف حـدودهـا ومحمد بن سعود بن حثليـن غيـر النـاس غيـر = إمّــيــزه ربــــي خـــــوال وقــدهـــا وقــدودهـــا حفيـد مـن جابـه مـعـزي كـنـه الــداب الضـريـر = مـع ابـن لامـي والدويـش اللـي يـقـود فهـودهـا عـمـود حـمـران النـواظـر كلـهـم قـايــد مـطـيـر = يـوم الفغـم والـسـور حــراس البـلـد وجنـودهـا النوخذه العذر لويحسب على الرجل تقصيـر = فـرضٍ ليـا اخطـا للرياجـيـل يبـديـه وبعض الخطايـا تحتملهـا المعاذيـر = وتدمح وتحسب شبه غلطه وتنبيـه وبعـض الخطايـا مالـهـا اي تبـريـر = ولاعــاد فيـهـا لا لـمــاذا ولا لـيــه؟ لكـن علـى شـان الرجـال المناعـيـر = يدمح خطا المخطي من الهيه للهيه الا ليـامـن عـادهــا عـقــب تـحـذيـر = واخطـا علـي بالعمـد مالله بحـاديـه واصبح بحلقي من حسـاب الزاريـر = وبـذ الخفـا واطغـى غـروره تماديـه آقـف واضيـع كـل حشـمـه وتقـديـر = ومـن قـال ياضيـدان؟ ماقلـت لبـيـه واجيـه لـو دونـه جمـوع وطوابـيـر = واســوي الـلـي ماتمنـيـت اسـويــه والـلــي يـصـيـر يـصـيـر ويـصـيــر = لابـــو ȵـبــيٍ مـايـعـادي مـعـاديــه واهـل النخـل لوحسبـوا للعصافيـر؟ = ماتهيـوا مـاء بيرهـم فــي سواقـيـه والنوخذه لو ما احتمل للاعصايـر؟ = امـداه لاقفـى يقطـع اليـاس راجـيـه الجادل حببتي والقلم يشره علـى أوراقـي = وأوراقي البيض للمشروه خضاعـه خذت القلم والعيـون تخيـل براقـي = وأمطر قصيدي على صيفه ومرباعه هلت سحايب قصيدي فايح اشواقـي = وانبت جمȧلك قصيدي باجمل انواعه يامن جماله تعـدا هقـوة الهاقـي = خلا قصيدي على النفنـوف دراعـه واقول للناس هـذي عـز ميثاقـي = اللي لها لين اموت السمع والطاعـه الجادل اللي من اهل المستوى الراقي = رفيعـة الـذوق للمعلـوق مزاعـه الله فرقها علـى زينـات الاخلاقـي = بيت الشرف بيتها وتعيـش برباعـه بنت الترف واسم ابيها درعها الواقي = والخال شيخ يحوش الطيب بذراعـه من ماكـر مالجابـه كـل نعاقـي = ماكر حرار تشوق العيـن طلاعـه ريحانة في ظـلال وتحتهـا ساقـي = من دونها الموت والسلال واتباعـه خذت من اوصاف يوسف كل ما لاقي = زعيمة الحسـن مياسـه وجزاعـه ان اقبلت قلت ماتت لوعـة افراقـي = وان دبرت قلت عاش البين واوجاعه وان وقفت وقفن تلعـات الاعناقـي = وان عرضت من لمحها دق باصباعه يخضع لها الراهب العاصي وينساقي = وقلوب الابطال منها شبـه مرتاعـه حبيبتـي والغـلا ماعـاد ينطاقـي = شرواي ماتدركـه فزعـاة فزاعـه انتي مدار الفلـك وعيونـك افاقـي = وانا الذي عاش حبك باربع ارباعـه لبيه...لبيـه يافـيـي ومشـراقـي = ياغلا غلا في حياتي يااثمن بضاعه يالذ من فرحتي بك لحظـة عناقـي = قلب وهبته عيونك ترفض ارجاعـه مدامني لك مليك وترفـض اعتاقـي = قلب يكسب الكنز عاش ومات ماباعه حبيبتي والقلم يشرب مـن اعماقـي = عساي بينك وبين الشـر واطماعـه لا يابعد عمري اللـي راح والباقـي = ياجعل يومي قبل يومك لو بساعـه العمر مشوار يا لله ياللي اليا ضاقت تفرجها = يا فارج الهم والضيقات والكربه يامخرج العبد لا ضاقت مخارجها = عن موقفٍ يطحن السربه ورا السربه افرج لمن كايد الطرقات ينهجها = لو ماش بكره ولا مزهب ولا قربه بمرك يهوم الدروب ايلين يسهجها = ولولا الرجابك قصر ممشاه عن دربه ثم الرجا في رجالٍ ما يخالجها = في نفوسها شك والطيب تفاخربه شرواك ياللي اليا صكت نعرجها = صوبك شمال الشموخ وشرقه وغربه ننصاك نرثعبها ولا ندرجها = ومن شاف وجهك نسى الهم وتباشربه يامن تسر النظر والنفس تبهجها = أنا أشهد ان العيون لشوفتك طربه لو حدها عنك شيءٍ قام يحرجها = من علةٍ جات والاوضاع مضطربه والعله اللي نحولي من نتايجها = ليه أتعبر بها يالهرجه الذربه لا صار صبري عليها ما يعالجها = ماعاد لي عذر وش عاد أتعذربه هب الهوى والسفينة قام يدرجها = موج يهول العقل في جمبها ضربه اما نطحها الهوى ولا تولجها = ولا كل من غربوا عادوا من الغربه البحر غدار وامواجه تموجها = يخفي المنايا وصوت الموت يجهربه الاقدار تخفى نجومٍ في توهجها = ويموت ميعادها اللي كان تظهربه قلته والايام مدخلها ومخرجها = ماهوب مثل الجمال اللي تظاهربه عادات الايام لو يغري تغنجها = لا بد بين الضلوع تمكن الحربه ومن لا يشد الرسن بيده ويسرجها = ويضرب بها كل ربعٍ كايدٍ ضربه يموت من ونةٍ ماأحتال يزعجها = وحسبه على اللي عن اليمه تياسربه وكثر القنوات ومتابع برامجها = ما تلحق الرجل مقصودٍ يفكربه والايام كثر الترف فيها يسمجها = والعمر مشوار والرجل إيتعبر به سديري وطاقية كفى يا الأمير أرجوك يكفي كفا يا أمير = ترى الخال مايسمع نصيحـة بناخيَـه وترى يا طويل العمر ما عادني بصغير = كبـرت ودريـت بمـا عليَه..وماليَـه وترى يا طويل العمر ما ينفع التفكيـر = على واحد ٍ ماله عن اللي يبـي نيَـه أقوله وأنا يامير مـا عادنـي ببخيـر = على بنت ٍ شيخ فـي عبايـه ملوكيـه طموح ٍ على شاني وأنا شايم ٍ عن غير = هواها..ولا فكـرت فـي ذي ولا ذيَـه وإلى هب نسناس الهوى للحزين عصير = وربط غترته من تحت حلقـه بأياديَـه ويم بوجهه للهوا وقم حومـة الطيـر = وتنهد..وون..وحـط ايديـه بمخابيَـه تذكر ذعاذيع الهوا يـوم كـان صغيـر = يوم ان أكبر احلامه سديـري وطاقيـه وقفَا وهو مابين واقف وبيـن يسيـر = ووقف..من جديد وحط ايدينـه فأذانَيـه ياباشة الروم يا باشة الروم لا تطلع علـى متنـي=اطلع على متون رومك وانت شرواها انا مسيـر فقـط والرجـل جابتنـي=من دار حكام نجد اللي انت بحماهـا يما اكرم الضيف باول فوح لا يثنـي=والا اترك الداب وشجرته ودعواهـا لـو ادرى مجلسـك والبـرد بيتنـي=ماني من ربعك اللـي تفهـم لغاهـا جعلك فدا وقفتي لو جلستـي حتنـي=وحبة خشم وانت قاعد جعلك فداهـا مابيع نفسـي لـو الايـام باعتنـي=ولا جيـت ادور الإهانـه واتمناهـا الحاجه اللي على شـرواك حدتنـي=والا انت مانت بقد النفس ورضاهـا ياللي علـى دارة الأقـدار ساقتنـي=ميز هدير الجمـال وميـز رغاهـا بداية الـدرب عـن تاليـه كفتنـي=بشعب ذلولي عشاه يطيب مسراهـا من يوم شفتك الامام وتشرب التتنـي=حرمة اصلي ورا اللي تجلـد لحاهـا يامرحبا يامرحبـا ترحيـبـةٍ كلـهـا لــش=تكسيش من راسش ليا حـد ماطـاش من قلب مهيـومٍ بحبـه صفـا لـش=يلعب به الغربي ليـا سمـع طريـاش يفرح ليا مـن قالـش كيـف حالـش=ولولا غلاش وحشمتش كان ما جاش وان قلتي انه غايتـش شـف بالـش=كأنه ملك يعرب من الطـاش للطـاش يابري حالـي كيـف مالـي ومالـش=لا والله الا لي ولـش لعنبـا الـلاش من هامتي لي محزمي لـش حلالـش=بيتش فديتش واسكني وسـط الجـاش اما ابتلشتي بـي وانـا فيـش بالـش=غديت كأني من شـرى علتـه كـاش انا في وجه امش وابيـش وخوالـش=ما اجيش لي حاجه واعود على ماش ! لي على الدنيا30وكفاني الله الــــواحـــــد ولا الله ثـــــانـــــي=وحــده عـبــد سـجــد قـلــب وعـقــيــده مـومــن يـصـبــر لـيــا جــار الـزمـانــي=فـي رجـا الـلـي مـدتــه تـغـنــي عـبـيــده وان تـحــدانــي زمــانـــي و احــتــدانــي=لـلــدروب الـعــوج والــكــف الـزهــيــده شـمـت عـن بـاقـي حـيـاتــي فــي ثـوانــي=والـجـســد لابــد مــا لـلـدنـيــا تـبـيــده مـا خـلـقـت اعـيـشـهـا عـيـشــة هـوانــي=يــا عـســى روحــي وروح ابــي شـهـيــده ولا يــامـــا روح الــلــيــل وســرانـــي=و كـم سـريـتـه غــي و احـلامــي سـعـيــده و كـم خـذا مـنـي الـزمــان و كــم عـطـانــي=و كـم قـصــر يـمـنــاي عــن شــي اريــده مـا سـألـتــه لــو بـعــد جــار و iiخـذانــي=الا عــن عـمــر غــدا وشــلــون اعــيــده لـي عـلــى الـدنـيــا ثـلاثـيــن وكـفـانــي=مـنـهــا الـعـشــر الاخـيــرات الـشــديــده عـلـمـتـنــي كـيــف اوقــف ولا دهــانــي=مـا دهــى سـعــدون فـعـقــاب وعـضـيــده عـلـمـتـنـنـي كـيــف لا مـاتــوا اخـوانــي=و مـات ابـي و الـكـف مـا تـصـفــق وحـيــده كـيــف اوقــف و اتـشـهــد فــي مـكـانــي=و اثـبــت بـيــوم عـســى الله مــا يـعـيــده يــوم لـحــق الـعـلــم الاول عـلــم ثـانــي=والـحـق والـحـظ...الـفـقـيــده بـالـفـقـيــده آه مــن شــي عـلــى قـلــبــي كــوانــي=لـيــن وقــف دم قـلــبــي فـــي وريـــده والـشـجــاع الــي وطــاه الـلــي وطــانــي=عـزتـي لــه لــو بـنــي عـمــي عـبـيــده يـابـنـي عـمــي عـريـبـيــن الـمـجـانــي=يـاهــل الـوقـفــات والاريـــاء الـســديــدة يــا سـلايــل مــن يـــروون الـسـنــانــي=لا قـــدح حـــد الـحــديــدة فـالـحــديــده عـلـمـوا الـسـبـع عـن سـهـيـل الـيـمـانـي=الـفـريــد الـلــي مـطـالـيـعــه فــريــده وعـلـمـو الـلـي يـحـسـبـن ضـيــدان وانــي=يــا عـويـنــه كـــان ذا حـــده وجــيــده وقـولـوا انـي فـالـرفــاع مــن الـطـمـانــي=وكــل درس مــن حـيـاتــي مـسـتـفــيــده ان ثـقـل حـمـلـه فـانـا الـهـرش الـعـمـانـي=وان تــربــق فـالـقــيــود افـــك قــيــده و عـلـمـوا الـلــي لاصـفــت الايــام جـانــي=وفـالـرخــا يـســوى ثـلاثـمـيــه بــديــده وان قـســت الايــام شـفـتــه مــا يــدانــي=مـتـرف مـالـه عـلـى الـرمـضـا كـبـبـيــده وعـلـمـوا الـلـي يـوم زانــت لــه نـسـانــي=لا يـحـسـب انـي لـيـا مــن صـحــت مـيــده يـوم اصـيـح ...اصـيــح لـلــي لا غـشـانــي=نـفـحــه مــنــه تــذكــرت الـقـصــيــده وان تـنـاوشــت الـقـلــم والـلـيــل دانـــي=مـاغــدا لــي مــن شـرايـدهــا شــريــده والله ان اغـلــى الـقـصـايــد فــي كـيـانــي=فـالـمـلـك عـبـدالـعـزيـز ...وفـي حـفـيــده الـكـريــم اكــرم كـريـمـيــن الـيـمـانــي=الـشـجــاع الـلــي لــه امـجــاد تـلـيــده الـفـعــل هــو عـنـتــره والـغـيـهـبـانــي=والـكــرم هــو حـاتـمــه وابــن مـهـيــده ابـلــج مـــن دون ســيــاه الـحـســانــي=رايـتــه عـلــيــا ونـظــراتــه بـعــيــده أذكـــره لا لـفــنــي الــوقــت وطــوانــي=واعـتـزيــت وكــل قـلــب صــار حــيــده واتـذكــر لا قــســى الــوقــت و رمــانــي=فــي دروب الـتـهـلـكــه والــدرب ســيــده اتـذكــر بـسـمـتــه و الـعــمــر فــانــي=وجـود كـفـيــه ومـسـاعـيــه الـحـمـيــده ذاك ابــو عـبـدالـعـزيــز الـلــي كـسـانــي=بـالـجـمـايــل مــن قـديـمــات و جــديــده أشـهــد انــه قـصـرنــا زيــن الـمـبـانــي=مـن حــداه الـوقــت شـوفــه يــوم عـيــده درعـنـا الـلـي فــوق الامـتــان امـتـحـانــي=ضـافــي هـجــل مـقـاضـيـبــه جــويــده وسـبـفـنـا الـلــي لا تـولــى الـضــد لانــي=فــي نـهــار يـاقــف الـضــد لـضــديــده عـدنــا هـــداج لا اجـــدب كـــل ســانــي=كــن مـورادنــا عـلــى جــالــه تــزيــده الـفـخـر لـلـفـيـصـلــي ريــف الـعـوانــي=خـالــد الـلــي يـكـســب الـطــالات بـيــده يـاهــل الـتـاريــخ جـزلـيــن الـمـعـانــي=يـالـرجــال الـلــي مـصــادركــم وكــيــده انـشـدوا مـنـهـو الـحـصـان ابـن الـحـصـانـي=ومـن زعـيــم الـطـيــب ولا مــن عـمـيــده عــن حـفـيــد مـوحــد الـدولــه وبــانــي=مـجـدنـا الـلـي بـاربـعـيـنـه مـسـتـعـيــده اشـهــد ان الـجــد شــرف يـــوم بــانــي=واشـهــد ان الـعــود عـقــب لــه ولــيــده يـاطـويــل الـعـمــر وقــف لــي تــرانــي=كـان مـا وقـفـت لــي طـحــت الـنـضـيــده مـوقـفــك مــا هــوب لـفــلان الـفـلانــي=وعـن مـقـام الـذيــب مــا يـغـنــي ولـيــده بـيــض الله وجــه مــن وقــف عـشــانــي=سـاعــه كــل طــرف بـشـتــه قـعــيــده والا انــا لــلــه شــكــري وامـتـنــانــي=ثـم مـلـكـنـا ثـم حـكـومـتـنــا الـرشـيــده سـيــدي يــا سـيــدي لــو كــان اعـانــي=مـــا درت الاذن الـقـريــبــه والـبـعــيــده وان وصــل صـوتــي لـصـقـهــان الاذانـــي=كـيـف اصـب الـعـلـم فـقـلــوب بـلـيــده ؟؟؟ فــي كـتــاب الاصـفـهــانــي لـلاغــانــي=خـيـر مـمــا فــي الـمـجـلــة والـجـريــده و الـشـعـر لـو مـا تـحـاكـيـتــه حـكـانــي=مـوهـبــه مــن واحــد يـصــدق وعــيــده ان بـغـيــت ادلــعــه قــمــت و زهــانــي=و ان بـغـيــت أطـوعــه عـمــه و ســيــده وان بـغـيــت يـقــال : صــح الله لـســانــي=سـعـد مـن خـالـد عـلـى الـدنـيــا رصـيــده خطر غصن القنا أنا .. أنا وأعوذ بك يـارب مـن كلمـة أنـا=عبد وهبته من بديعـات المواهـب ماوهبـت آمنت بك وأسلمت لك أمـري وأناوأنـا وأنـا=المنتهي كل أربعاء والمبتدي في كـل سبـت أخاطب عقول الرجـال الفاهمـه وانـا هنـا=وان شاء ربي ثم أمرني ماتحاكيـت وكذبـت أجمل نساء الارض غنت لي بصوت ((الله لنا))=وأنا الفقير اللي رزقه الله بمرعى كـل نبـت طرقا عرض فستانها الازرق خطر غصن القنا=نازل على الوادي بنا يشرب وانا قبله شربـت حبيتها ليـن انفـرط سلسالهـا بعـد وعنـا=وأبعدت عنها في حياتي كثر ماعنهـا قربـت قولوا لها يا أجمل نساء الارض ((أما آن لنا))=أن ننهي الحلم القديم ونكبـت الغايـات كبـت لبّا عيونك لبّـا عيونـك ولبّـا خـدّك وخـالـه = ولبّا المحيّـا ولبّـا الليـل والشّفّـه فديـت عمـرك بتجريحـه وغربالـه = لو تشربه لارض غيره والبحر جفّـه هلّي كما البدر غيضـي كـل حفّالـه = وسجّي عن الليل لا يلهيك في صفّـه وهزّي على صوت رجف القلب وهباله = الطـار قلبـي وكـفٍ توجعـه شفّـه يا شفّة العيـن قبـل تجيـن جمّالـه = وجيتي ولا شفت غيرك لو رفع كفّـه كنّك لحالك حضرتي الحفـل فالصالـه = ولا شفت غيرك بشر يا قمّـة العفّـه أنتـي زعيـمٍ رفـع للقـوم فنجالـه = وكـلٍ تعـذّر شروبـه ليلـة الزّفـه وانتي بيمنى الحلا والنـاس بشمالـه = ثقيلة العقـل فيـك الـدم يـا خفّـه احيي قصيدٍ بغيت ابكي على اطلالـه = في غيرك يموت لو أحييـه وازفّـه وان عـوّدت للغـلا غـلاك بلحالـه = أنتي بكفّه باقـي النـاس فـي كفّـه يا وجودي ياوجودي كل ماهب نسناس الشمال =وجد من حدّه زمانه على اللي ما يبيه وياوجودي كل مااغفيت ثم مال الظلال =لاغفت عيني ولاذقت شيٍ مشتهيه وجد من قفّى وهو في رجا كلمة تعال =والتفت من عقب مااقفى ولحدن لدّ فيه وياعذابي لادنا الليل من روس الجبال =وانتهى يومٍ من العمر ماعاد ارتجيه وانتي ابعد من سما الحلم ووصالك محال =يابعد من هلّ دمعي ضحى الفرقا عليه ياغناتي لاتحسبين دمعي يوم سال =ضعف والاّ خوف والاّ كذا والاّ كذيه والله اني من رجالٍ يضدون الرجال =لكن الحظ الردي ساق دمعي كلبيه ووالله اني كل مادار حوليك الجدال =قمت كن الموت يشر على قبري يإيديه ووالله ان قد لي وانا اصد لاجالك مجال =صدّت اللي لاتضايق تذّكر قبر اخيه ومن سألني قلت مدري واذا عاد السؤال =قلتله تكفى سؤالك ترى ماهو وجيه وش تبيني اقول عماََ ترى ذبحي حلال =والخطا منها علي صرت احبه واهويه عذرها لو ماتعذر مثل واضرب مثال =واحدن مايعرف الحر الأشقر يشتويه وان رجعنا للتواصيف لله الكمال =لا انتهى ليل المزايين جاتك تبتديه كنها غفلٍ مع البدو طاويها الحيال =ما يميز وصفها الاّ نبيهٍ من نبيه واهني اللي وصلها وذاق امن الزلال =رشفةٍ مع غفلة الناس من فيها لفيه واعزتي للي سواتي عشق ما لا يطال =ويوم طاله ضيع الحلم بين أمه و ابيه يااول احلام الطفوله على حد الخيال =الرجا بللي حمى البيت من حملة بريه حال دونك سيف عنتر وتاسع حول حال =باثر حولٍ حال دونك وانا ادعي هيه هيه هيه يللي غرك الحسن واطغاك الجمال =والله ان اموت ماشفت لاوصافك شبيه لو يسام الحسن والتيه بجنيه وريال =مابقى في سوق غيرك لا ريال ولاجنيه كيف اهدك للمقابيل وانتي راس مال =راس مال ومال والماال مايعطى السفيه حافظك حفظي لعيني ورمشي لك جلال =وانتي تشحّين بالما وانا شفّي مويه شايفن ظلمك وساكت وطال الليل طال =لاتركتي طعن قلبي وانا ماقلت ليه ؟ لو بقا للهيل صبرن على فوح الدلال =مابقى للقلب صبرن على شيٍ يجيه كنت احسب ان الغلا زال واثره لايزال =في الحشا ماكنه الا دخيلٍ في وجيه ساقني حبك على الموت وسنيني هزال =والظروف اقسى من الظلم للعرض النزيه وانتي تسوقين عقلي على حد الهبال =تحسبين ان من بغى شي يقدر يشتريه والاّ انا ياوجد حالي وجودن مايقال =وجد من ضحى بغاليه لرضا والديه وياوجودي يااول العمر قبل ألبس عقال =وجد من باع آآخر العمر في رغبة ذويه وياوجودي كل ماهب صوتش من شمال =وجد من حدّه زمانه على اللي مايبيه بـرج الـعاج الدلو والميـزان والقـوس والحـوت = ماغير برج العـاج تغـري وصوفـه وبرج بقلبـي بـرج لولـو وياقـوت = لا يـا بعـد بـرج الحمـام ورفوفـه ما يسكنه غيرك من السيـف للكـوت = لو ينتحـي راس الولـد عـن كتوفـه علـم وكيـد بالمواثـيـق مثـبـوت = ما هـو عـذر اللـي يفـرك كفوفـه والله لا سافر لك لـو ارجـع بتابـوت = وانا من اللي ما ربـوا فـي مروفـه على الشقا لاع الهوى كـل شفلـوت = وانتـي تلوعيـن الحشـا بالطروفـه والوقـت للجاحـظ والايـام هـاروت = والقلب حاتم وانتـي اغلـى ضيوفـه يا مرحبا ترحيبـة عقـاب يـا نـوت = والحـي يلحـق لـو تحـده ظروفـه صوتك يكفيني عن الشـرب والقـوت = وشوفـك غناتـي والحيـاه مخلوفـه يااقوى من اللوعات واسخف من التوت = وابلغ مـن البيـت الاخيـر وحروفـه رجـل تنادينـه ولا يسمـع الصـوت = خسـارة سمعـه وصوتـه وشوفـه ورجل يضمك بيـن اياديـه ويمـوت = والله مـا يلحـق حياتـه حسـوفـه المصرعيه يقول من وقع علـى تنـدت الجيـب = عصر الخميس بفيضـة المصرعيـه عزي لمن جاففوه روس المعازيـب = واضحت يدينه مـن حزامـه خليـه ياوجد حالي وجد شالح علـى ذيـب = على طويـق اللـي ركونـه ذريـه وين أنت ياريف الخوي منبع الطيـب = يـوم ولـد الـلاش يضهـد خويـه ياعين لاتبكيـن تـرا البكـا عيـب = حتـى ولـو صكـات بقعـاء قويـه ويارجـل لـو جبارتـك للعراقـيـب = ابدايـة المشـراف حقـك علـيـه لابد ماتجبر اكسـورك وأنـا أطيـب = بـإذن الله الرحـمـن رب البـريـه وأبدي عصيـر بنايفـات المراقيـب = وأجر صوتي عادها الشمـس حيـه وأن كان ماهيضت غيـري فلانيـب = كفـوا تلاحـي صوتـي الراعبـيـه من طلعتي لين أمتلا عارضي شيـب = وأنـا ورا الهقـوات عينـي شقيـه أرقى بلعبي فـوق لعـب اللواعيـب = ومـن المطالـع طلعتـي عالمـيـه أغوص غبات البحر نكـس وأجيـب = غنـاة نفـس مـن صباهـا غنيـه مانيب من يقنـع بهـزل المكاسيـب = ولانيب من يجزي الحسانـي بسيـه القلب غير الحب مرتـاع أصاحيـب = والنفس غيـر العـز ماهـي دنيـه والكف غير الجـود تنـدا مواجيـب = والراس غير الشعـر يقـدح حميـه عادة هل السمراء هل الشيخ وعضيب = لادخنـت يـردون حـوض المنيـه وإن ساقت الدنيا السرايـا مراكيـب = تنطـح سراياهـا سريـه سـريـه علـم لمرواسـه تسـاق المناديـب = ولا تجـيـه الصـبـح وإلا قفـيـه وأنا ولد منصور عطـب المضاريـب = اللـي كفوفـه فـي الشدايـد نديـه لويالـدن مـع الخشـوم الرعابيـب = ماجابـن اللـي جابـت الجابـريـه سكر الخط سكـر الخـط صبـري وصـل حــده = او تراجـع لــو الخـاطـر كسـرتـه صـرت تلعـب بقلـب مـنـت قــده = غربلتـه الليـالـي وانــت بـورتـه عقـب ذيـك المـوده صـرت ضــده = ولـو تجاهـلـت حـبـك مانصـرتـه بيـن مـزح الزمـان وبـيـن جــده = لا قبـلـت الـغــرام ولا نـفـرتـه كنـت اقــدر غــلاك وكـنـت اوده = قـبـل سـاعـات لكـنـي خسـرتـه حتمـا انسـى الغـلا لـو بعـد مــده = وان ذكـرتـه نسيـتـه مـاذكـرتـه شـي عـادي وسـد الـخـط ســده = يلعـن الليـل كـان أنــي سهـرتـه ويلعـن الحـب ويلعـن جــد جــده = انتهيـنـا وسـعـيـك ماشـكـرتـه يمر القلب يمر القلب مـن دار وراء الخفجـي طريـق ودرب = وامرك يالطريـق اللـي لـك اقدامـي مصخرهـا واذا مريت مع ذاك الطريق اللي يجي مـن غـرب = ذكـرت أحلـى ليالينـا مـن اولـهـا لآخـرهـا ومريت الحشـى بالونـه اللـي ماجذبهـا طـرب = ومريـت العيـون بعبرتـن لـلـدرب ذاخـرهـا وشفتك في خيالي بيـن طيـات الدفـى والقـرب = وناديتـك فديتـك خــل ايديـنـك لا توخـرهـا عفى الله من ظميان حصل الماء في الطريق وشرب = وعفى الله عـن ليالـي ماجهلنـا فـي اواخرهـا عقلنا وألتطـم حـب المواجـه يالعفيـف الـذرب = كما مـوج لطـم فـي غبـة واغـرق بواخرهـا وسقت الرجل صوبـك ياحبيبـي والليالـي جـرب = ولا اهتميـت فـي نـاس تبـي ترفـع مناخرهـا حبيبك ياحبيبي مـن سلالـة اهـل دروع وحـرب = ولايعشق من اصنـاف الجواهـر كـود فاخرهـا تفاخـر يابعـد مـن حطلـه بيـن الحنايـا درب = تفاخر وأفتخر واغلـى القصايـد فيـك اصخرهـا واذا مريت مع ذاك الطريق اللي يجي مـن غـرب = تذكـرت احلـى ليالينـا مـن اولهـا لآخـرهـا هبايب نجد ذعذعي يا هبايب نجد لاطاب نوم السالـي = وانعشيني بريح من رضى نجد للشرقيـه رحمة الله نسناسك على غترتي وعقالـي = كأنه الوصل والبيد شهباء والدير محميـه مرحبا يا هبايب ياهلا وان خطر في بالـي = صاحبن مانساني مرحبا به علـى طاريـه يحسب اني نسيته وانجلا همي وغربالـي = واثرني مانسيت اللي سبا بالهوى عانيـه وكل ماهب نسناس الغلا من ديار الغالـي = هب في القلب من ريح الصبا عبرتن نجديه وان جحدت الدموع من الملا آه واعزالـي = وان غشتني دموعي لعنبا الحب والحنيـه والله اني صبور والبـلا ياصرايـم حالـي = لاتذكرت دمع ماغبى لـو جحـد راعيـه واحدن ماجحد حبـه ولا شمـت العذالـي = جاهر بالغلا حلو النبا من صفـات النيـه كان ماله سوا تاج الحلا واسم جد وخالي = وصار بلقيس وفؤادي سبأ والحشا واديـه وله جموع تنادي بالولاء منتخبته الوالـي = في خفوق حماه من الظبا واحرمه وسميه ولي عيون تحدى وتخلى من كراه الحالـي = كأنها تقول للنوم تهبى منـت بكفـو ليـه الشرفه البارحه يوم شمس الشعر تسطـع بـي = وانا أتحرى لشمـس الله مـن الشرفـه ولعي علـى واحـد قبلـي تولـع بـي = مايوم غنى ولا أسهـر للهـوى طرفـه اليـن حتـى تولـع بـي وولـع بـي = نار من الشوق صاليهـا لحـق طرفـه من بعدها ياشقـى حالـي ويـا تعبـي = نفسي عن الشعر واهل الشعر منصرفـه مانيب يـم الشعـر يالشاعـر الشعبـي = يا بتوع مش عارف !! وشي ما أعرفـه تبـي تهـز الجبـل بمسـدس لعـبـي = والناس مـن وارد المنصـور منجرفـه لاتستفـز القصيـد ولا تـرفـع بــي = الشعر ماهـوب مهنـه لأجـل تحترفـه وأن كان يا محترف تقدر علـى لعبـي = خلك على جنب لين اشوف لـك صرفـه ما أحد عبالـك ولا لـك عندنـا معبـي = يا كود باب مـداه أكبـر مـن الغرفـه وأنا من الناس ياسهلـي ويـا صعبـي = بحـر تشوفـه ولاتقـدر علـى غرفـه مسكون بالشعر من راسي ليـا كعبـي = والشعر ملكـي وكـل النـاس معترفـه أنا (ملك) مير يوم أصبحت مـن شعبـي = حذفت تـاج القصيـد وصابنـي قرفـه انعست عين الغلا انعسـت عيـن الغـلا والهـوى هـدا = خانـت الايـام والمـلـح والعـشـره وابتديـت تشـوف نفـسـك وتتـحـدا = وأنـت ماكنـت تتغـلـى ولا تـشـره كنت مجروحـي وصـرت الـدوا والـدا = كنـت آآه صـرت آآهــات منتـشـره غلطـة اللـي بالمحـبـه أخــذ وأدا = واعترف لك بالغـلا وابصمـت عشـره الهـوى جـاب الـغـلا والـهـوى ودا = وأنت وجروح الزمـن بالحشـا خشـره يابعـد مـن مابعـد جـا ومـن هـدا = ويابعد من ساج روض الحشـا نشـره يـوم صـار الحـب جزيـه ولـك تـدا = والقصيـد اسهـل مـن كتابتـه نشـره خـذ قصيـدي ياشـذا الـورد لانــدا = وأنتبه لـي واستمـع موجـز النشـره والله أنــك بالـغـلا فــارق جــدا = مثل فـرق الابتسامـه عـن الكشـره العيون يا مرحباً ترحيبةٍ تجـرح الـروح = لا ني بقايلهـا ولا نـي بساكـت تقولها عيني وأنا اصد ما بـوح = من الزعل وورود الاحباب شاكت باللي لفت عقب البطا تلعن النوح = بعيونها لو كان هي مـا تحاكـت عينٍ لعيني تشكي البعد وتفـوح = بدموعها والعين الأخرى تراكـت على الجفون وما لها أي مصلـوح = سوى رضى اللي في لقاها تشاكت كنت أحسب اللقيا مسرات وفروح = واثر العيون ليـا تلاقـت تباكـت حي الله اللي حي الله اللي ليا ابطى واق له ويقه = حيى بها اللي من الوحده نفد صبره البارحه ليلٍ اغفي منـه وافيقـه = كني عليل يوايق به علـى قبـره واخوي سلطان مثلي ناشفٍ ريقه = جاني كتابه وزود عبرتـي عبـره يالله يا كافـلٍ عيشـة مخاليقـه = عليك ياللي عليك الحـل والدبـره والشمل يابو محمـد لـم تفريقـه = للمعتبر يا رفيع المنزلـه عبـره وان كان ما الله وفقنـا بتوفيقـه = لو نشبر ايامنا ما هـي بمنشبـره صفحات الشقاء يلي على وجهي قريتي كل صفحات الشقى = اقري وأنا باكتب قصيدة واشعل الساحة حريق باقي كثر ما راح واللي راح نصف اللي بقى = وان ماوصلت لغايتي باموت في نصف الطريق يابنت يوم امطر غلاك بقلب ضيدان وسقى = تدرين وش سبة شقاه وسبة الجرح العميق ؟ شقاه من يمناه واسم الشيخ والنفس امحقى = والجرح منك ياأعذب العذبات يالموت الرقيق يا بنت ما دام البدو تخلف هقاوي من هقى = وانا بدوي مني يشيل من الزمن ما لا يطيق ابفتخر حنا بدو نعشق على وضح النقا = حنا بدو فينا الولد للقمة العليا عشيق حنا بدو فينا الولد لو شاف موته ماأتقى = حنا بدو فينا الولد يرقا ولو ماله رفيق حنا بدو فينا الولد لا من رقا رقا رقا = الين يوصل غايته لو كان في قمة طويق يابنت جيتك والثمن عمري ابي ليلةٍ لقا = يما كذا والا بلاش من الصداقة والصديق وساعة تبسمتي وشفت الجمر والثلج اصدقا = قلت أشهد أن الموت حق وصحت لك صيحة غريق واعتقت دمعي والزعل والحزن لرضاك أعتقا = وأغفت عيوني في عيونك ياعساها ما تفيق وامنت باللي سخرك تقرين صفحات الشقا = واشعلت بردي في دفاك وشبت الساحة حريق يالشاعر الشعبي البارحة يوم شمس الشعر تسطع بـي = وأنا أتحرى لشمس الله مـن الشرفـه وألعي على واحـد قبلـي تولـع بـي = مايوم غنى ولا أسهر للهـوى طرفـه الين حتـى تولـع بـي وولـع بـي = نار من الشوق صاليها لحـق طرفـه من بعدهـا ياشقـى حالـي وياتعبـي = نفسي عن الشعر وأهل الشعر منصرفه مانيب يم الشعـر يالشاعـر الشعبـي = يابتوع مش عارف!!وشي ما أعرفه تبـي تهـز الجبـل بمسـدس لعبـي = والناس من وارد المنصـور منجرفـه لاتستفـز القصيـد ولا ترفـع بــي = الشعر ماهوب مهنة لأجـل تحترفـه وان كان يامحترف تقدر علـى لعبـي = خلك على جنب لين أشوف لك صرفـه ما أحد عبالك ولا لـك عندنـا معبـي = ياكود باب مـداه اكبـر مـن الغرفـه وأنا من النـاس ياسهلـي وياصعبـي = بحر تشوفه ولا تقـدر علـى غرفـه مسكون بالشعر من راسي ليا كعبـي = والشعر ملكي وكـل النـاس معترفـه أنا(...) مير يوم أصبحت مـن شعبـي = حذفت تاج القصيـد وصابنـي قرفـه الغرام انواع أه ياغـفـوت الاسـحـار مـاقـبـل الـطـلـوع = وأه يـاشـي ذكــرت وعـلـى بـالـي طــرى العيون ليا ضمت شـوف تسقيهـا الدمـوع = وان روت من دمعها العذب يظماها الكرى والقلوب تذوب بصـدور صلفيـن الطبـوع = والغلا يذكر على الما مـن البـدو اقصـرى والهـوى لاهـب فـي قلـب رجــال جــزوع = والله ان يصبـر بـرى الجـرح ولا مابـرى والحيـاة افــراح وأهــات والفـرقـا تـلـوع = والمحـبـة لاسرتـنـي ســرى لـيـل ســرى ليـن اغنـي للفراشـات فـي عيـد الشمـوع = وتهتـف لـي كـل شمعـة ورى ورى ورى واذكـر انـي مانسيتـك ويغرينـي الرجـوع = يـاغـرام تنـشـد الـنــاس ويـنــه يـاتــرى والغـرام انـواع والقلـب مدهـل كـل نــوع = والله اعلم منهو اللـي مـن الحـدب وورى وانت ياللي منزلك مـاورا حـدب الضلـوع = تـدري انـك مـن وراهـا وغيـرك مــادرى تمتلكني يا اطرق العود مـن عـادك فـروع = قـبـل تغـريـك المديـنـه ويطغـيـك الـثــرى يوم عـادك تكـره السبـت وتحـب الربـوع = والمواجه كان مسموح والوصـل اجهـرى جعل تسقـي ذيـك الأيـام سجـدات وركـوع = رحـمـة مــن رب طيـبـة ورب ام الـقـرى رحمة تغفـر خطـا الفجـر مـا قبـل الطلـوع = يالزمـان اللـي ذكـرت وعلـى بالـي طـرى نجوم الصبح بانت نجوم الصبح واللي في عيوني مـن عصـر= مـاهـوب دمــع لا تضـايـقـت آتـنـهـت واسـكـبـه لا والله الا حلـم شيـخ عـن طمـوحـه مــا قـصـر= لـو قصـرت سـود الليـالـي مــن يميـنـه وشنـبـه وانــا لــو انــي ماتعـلـمـت الهـزيـمـه والـنـصـر= مـاكــان ذقـــت فـــي الـهــوى مـــره واعــذبــه شاعر وعصري فاتني واعيش في أغرب عصر= لا الوقـت وقتـي والزمـن مابيـنـي وبيـنـه شـبـه لـكـن هـنـوف مثـلـت دور العـزيـزه فــي مـصـر= قـدت قميصـي واسرفـت فـي وصلهـا قبـل انتبـه يوم انتبهـت استشهـدت ضـدي بحـراس وقصـر= قلـت ارحـمـي عـزيـز قــوم ذل وارخــى منكـبـه مانـي نبـي الله اقـاوم حسـن خصـرك لا انصهـر= أنــا بشر..عـبـد ضعـيـف وكــل بـــرق يـجـذبـه قـالـت وهــي تــوي تثـنـى كــن مافيـهـا خـصـر= الشعـر يــا ضـيـدان ورث جــدود ولا موهـبـه؟! قلت الشعر سحـر يسخـر لـي القلـوب ويختصـر=عـمـر المسـافـات الطويـلـه والسنـيـن المجـدبـه والحب شي لو حصرته في ضلوعي مـا انحصـر= يطغـى علـى حـدب المحانـي ليـن ابيحـه واكتبـه وان علمتنـي الفاتنـه وشلـون اسيـر بـلا بـصـر=علمتـهـا الفنـجـال وشـلـون اتـحــدى واشـربــه وعلمتـهـا إنــي كــذا طـــال الـزمــن ولا قـصــر= وان اعذب الحب اصدقه وان اعذب الشعر اكذبه موجز النشره إنعسـت عيـن الغـلا والـهـوى هــدا = خـانـت الأيــام والـمـلـح والـعـشـره وابتديـت تـشـوف نفـسـك وتتـحـدا = وأنـت مــا كـنـت تغـلـى ولا تـشـره كنت مجروحي وصرت الـدوا والـدا = كـنـت أه وصــرت أهــات منتـشـره غلـطـة الـلــي بالمـحـبـه أخـــذ وأدا = واعترف لك بالغلا وأبصمت عشره الهـوى جــاب الـغـلا والـهـوى ودا = وأنت وجروح الزمن بالحشا خشره يابـعـد مــن بـعـد جــا ومـــن هـــدا = ويابعد من ساج روض الحشا نشره يـوم صـار الحـب جزيـه ولــك تــدا = والقصيـد أسهـل مـن كتابتـه نشـره خـذ قصـيـدي يـاشـذا الــورد لانــدا = وانتبه لـي واستمـع موجـز النشـره والله انـــك بـالـغـلا فــــارق جــــدا = مثـل فـرق الابتسامـه عـن الكشـره معلوق معلوق طلي علي من شرفه القصر من فوق = وتبسمي لـي واضحكـي فـي وداعـي أومي بكفين الغلا ؛واشعلـي الشـوق = في قلب شيخ جاك فـي ثـوب راعـي حـده غـلاك يجيـك ياشيـخـة الــذوق = لـو كـان مـا للحـب والـذوق داعــي! واقفـى يتـل القلـب معـلـوق معـلـوق = فـي درب فرقـا مـا وراهـا اجتماعـي مايتـبـع المقفـيـن يـاكــود مـطـفـوق = وانــا رصـيـدي ماتحـوشـه ذراعــي لو كنت ضايع..كـل مطـرود ملحـوق = يكفينـي انــك كـنـت سـبـة ضيـاعـي ضيدان بن راكان سـلام الله مـن ضيـدان ابـن منصـور ابـن قضـعـان =على ضيـدان ابـن راكـان ابـن ضيـدان ابـن حثليـن ســـلام الله ســـلام مـايـسـاق إلا عــلــى ضــيــدان = يـلـيـق بهيـبـتـه وجـــدوده الاقـصـيــن والادنــيــن ســــلام مـايـســاق إلا لـبـيــت امــــارة الـعـجـمـان = لبيـت ثايـت سـاسـه وســوره مـثـل ســور الصـيـن ســلام عـطـره الـكـادي وريــح المـسـك والريـحـان = تسوقـه مـن هبايـب خاطـري يمـنـى وقـلـب وعـيـن سـلام احلـى مـن المـا لا تدفـق فــي ظـمـا الظمـيـان = واغـر مـن الخزامـى لا انثنـت عقـب اليسار..يميـن وارق مــن النسـايـم فــي عتـيـم الـلـيـل للـسـهـران = والـذ مــن المـواصـل واللـقـا مــع هجـعـة السالـيـن عـلـى ذاك الامـيـر الشـامـخ الـلـي للـزعـامـة بـــان = ســــلام الله مـابـانــت نــجــوم الـلـيــل لـلـسـاريـن ســلام ذعـذعـت بـــه لـلــولا والـشـكـر والـعـرفـان = ذعاذيـع القصيـد اللـي تـذعـذع بـيـن حـيـن وحـيـن وانـا شاعـر ليـا جــات الحقـايـق واسـخـر القيـفـان = على صفحات ابو الطيـب دروس أقـلام طـه حسيـن وابذكـر فـي قصيـدي للفخـر ضـيـدان ابــن راكــان = وابكتـب لـه حـروف مـن ذهـب تبقـى لـيـوم الـديـن ابــو خـالـد وريــث الـمـجـد والـتـاريـخ والـصـمـان = وريـث اهـل الشدايـد اللـي عليـه العلـم الـى ذالحيـن ابـو خالـد ذرانـا لا اختـلـف وجــه الـزمـان وشــان = لـنــا ذخـــر وذرى فالنايبات..وفـالـقـسـى والـلـيــن ذرى كــل القبيـلـه فــي ذرى الله ثــم ذرى سلـمـان = ولـــد عبدالـعـزيـز الـلــي ذراه يـــذري الـقـاصـيـن ذرى نجد وذرى الشعب وذرى الدين وذرى ضيدان = عسـى عمـره طويـل ابـو فهـد يـا السامعيـن آمـيـن تـحـت ظـلـه وسيـفـه قالـهـا ضـيـدان بــن قضـعـان = سـلام الله علـى ضـيـدان بــن راكــان بــن حثلـيـن الدنيا حظوظ المـثـل حــده الأدنـــى بـعــوض = قــول رب لـمــا أنـــزل حـفـيـظ لـه سجـود النوافـل والـفـروض = وله دموعي من الخشية تفيـض احتمـى القيـظ والميـراد حـوض = والظوامـي تهيـض وتستهيـض مايـبـل الـظـمـا بـــرق يـنــوض = ولايسـد الرمـق ريـح النجـيـض والخطـا سـر والسـر مـعـروض = والـعـذر حــق والسفـهـه تغـيـظ وانت ياللـي لـك السـرامحفـوظ = عـاذرك مثـل عـذري للمـريـض لا لعـب فيـك تسـديـد الـقـروض = ولا لعب بك من الشرد غضيض يلـعـب الـحـظ والدنـيـا حـظــوظ = والحظيـظ انـت مانيـب الحظـيـظ انت ترعـى الربيـع بكـل روض = والا انـا مـن شتـاي الـعـز قـيـظ يقصر الهرج عن ظلم العروض = ويشهـد الله وجيـه القـوم بيـض والنهايـه ونــور الـبـدر يــوض = ودي أقــــول بـلـســان غـلـيــظ (ف)الكسير ترى الرده تعـوض = قلتـهـا كــاش بالـخـط العـريـض الحجاج السمح ياصاحبي غابت علي الشمس باطراف النخيل = وامسيت اشوف الباسقات اللي تميل عذوقها وانا علي بشتٍ حساوي لا قصير ولا طويل = والمزنه الغرّا على راسي تلـوح بروقهـا والعالم الله يدرك العطشان منهـا سلسبيـل = والا يوقّف يومه الموعـود قبـل يذوقهـا ياصاحبي ياناس ياللي فوق يالوزن الثقيـل = لـد النظـر للعالـم اللـي ماتبـل حلوقهـا والعمر مرّه والقلوب البيض ما تبغي دليـل = والناس اذا طابت نواياها..تطيـب وفوقهـا لو كل من سمّا نبيل يصير مثل اسمه نبيـل = سمّيتها ليلى علـى ليلـى وانـا معشوقهـا كذا..كذا ياحرفة التمويه في نعـش القتيـل = ياصاحبي غمّض عيونك وادفنه في موقهـا وانا تعبت من الحجاج السمح والكف البخيل = ولا عاد عندي حل اعالجها واخيط افتوقهـا صحيح انا ممكن أسوّيها واسوّي المستحيل = لكن رجلي في هوى نفسي ماعاد اسوقهـا وشلون ابرّر موقفي واجزا جميلك بالجميل = وانا يديني في فـم الحيّـه ورجلـي فوقهـا البتول يابسـم الله علـى قلـب البتـول وحسنهـا الفتـان = عليهـا ذكــر ربــي مــن قدمـهـا لـيـن هامتـهـا أسمـي كـل مامـرت عـلـي بـأسـم الله الرحـمـن = علـى مـن تجـمـع قـلـوب الأوادم فــي محبتـهـا لها القلب وغلاه ورحمتـه والشـوق والتحنـان = مـلاك أبـدع الرحـمـن فــي تركـيـب صورتـهـا وهبها الحسن من فضل ملايكته على الأنسـان = عـسـا ربــي يعديـهـا العـيـون وشــر نظرتـهـا عليها يشبهون أغلا الذهب واللـول والمرجـان = وهــي ماتشـبـه إلا ماتـشـوفـه فـــي مرايـتـهـا أنا لو شفتها مهـره لهـا فـوق السحـاب عنـان = مـتـى مـاهـب ذعــذاع النسـيـم تـفــل غـرتـهـا ماشافوا المترفات أحلى وصوف شافها ضيدان = مـن الغيـره عيـون غمضـت وعيـون شافتـهـا يحـق ألهـا التباهـا بالجـدود وعـودهـا الـريـان = وانــا مـالـي حـقـوق إلا محبـتـهـا وضحكـتـهـا محبتهـا حيـاة وبعدهـا عــن نـاظـري حـرمـان = وش أسـبـاب المحـبـه فالحـيـاة إلا ابتسامتـهـا يا ذكر الله على وجـه البتـول وحسنهـا الفتـان = يابـسـم الله عليـهـا مــن ذكـاهـا لــي براءتـهـا يا عظيمه ياعظيمه كل شئ له حدود وله نهايه = لكن انتي ماوقفتي عند حدك ياعظيمه استلذتي بطعناتي واخذتيها هوايه = كن مالك حرة توجع وطعنات ٍ اليمه آه ليتك ماتماديت بطعنات البدايه = لين صار لكل طعنه في الحشى معني وقيمه الله يبيحك ولكن كيف في اغرب روايه = تكتبين الحب كذبه والهوى دقه قديمه وانتي الي كل مالدة عيونك في المرايه = مالحمتي لليتم الي خذت قلبه يتيمه واليتيمه في اليتامي ماهل حق الوصايه = الوصيه عودها الغض وناياها السليمه لكن انتي صار لك حق الوصايه والولايه = واستبديتي واضحو البدو واضحيتي مقيمه مارحلتي لين حطمتي بمافيه الكفايه = عاقل حب الجنون وصوت ناره في هشيمه استبحتي حرمة المجنون بإدراك وعنايه = والتفيتي له بعقلك وارتكزتي في صميمه امتلكتي غايته لو ماكان لك غايه = وانتصرتي في عيونه واعترف لك بالهزيمه من كثر مايعشقك ماقال لك بالحب رايه = خايف الايام لاتطلع عواقبها وخيمه وكالة البيد ( قصيده في الجمس ) راكـب الـي ماتجيبـه وكالـة بالبيـد = ولايجيبه بهبهانـي ولا وضيحـي قطـر ادهم وسم الجميح علـى جنبـه جديـد = مهبل الي يوم عـرض يحسبنـه شفـر جمس شكمانيـن وملقبينـه بـا الوليـد = من سرابه ما يغبـط القصيبـي والجبـر كاتبين فـي ضمانـه حديـده مـا يبيـد = تمـرةٍ قـاري عليهـا حفيـد ابوبـكـر كن وجهه لانطحته تشعشـع يـوم عيـد = وانقفيتـه كنـه السيـل لاسـال وحـدر وان عرض لك في مزاياه من عنق الفريد = وان ركبته تحسب انك على سطح القمـر دقته نغمة عبـادي علـى سلـم فريـد = لا عـزف الاول وجـاوب عاشـر وتـر لاشتغل قالت شكامينه اركـد يـا حديـد = والقزوز تقـول للقـاع روح يـا فقـر كن في الشكمان الايمن صدا عبدالمجيد = وكن في الشكمان الايسر صدا نايف صقر والبلوف تقول للكهربه هل مـن مزيـد = والسيور تقـول للمروحـه ايـن المفـر كل اغانيهم علىدرب واصـل يـا عنيـد = لين تلفي قصر شيخ على العليـا شهـر سايقه من صلب ربعي وله باس شديـد = ما يخاف البعد والليل والمـوت الحمـر من صناديد ال عرجا هل العلـم الوكيـد = لابة من جن تمشي علـى هيئـة بشـر ديوان / ضيدان بن قضعان جمعته لكم / الســـــــاهره


	من مواضيع الساهرة 0 اسماء البنات التى وردت فى القرأن الكريم 0 ارجو الدعاء لوالد ورد قطـر 0 ســعودي يغمـــى عليــه بعــد فقــد جــوالـه المـــزود بكاميــرا 0 يــــوم الــرحـــــــــــيل 0 فـلســــــــــفه فــي الحـــــــب ؟!


	توقيع الساهرة

الساهرة

العلاقات العامة

"ٌ"ٌ أميـــرة البـــدو "ٌ"ٌ

الجنس :

الدولـة :

الاول: اعلى وسام في منتديات البدو - السبب: من القلب شكراً

أوسمة العضو: 1

رقم العضوية : 7

تاريخ التسجيل: يونيو 2005

الإقامة: قطـــــــر

المشاركات : 10,346

المواضيع : 937

عدد مشاركات اليوم :

نقد عربي: 3,616,847

المصرف: 0

المجموع نقد عربي: 3,616,847
تبرع

نقاط الترشيح : 645

المستوى : الساهرة ماسي

الـــهدايـا :

اعلانات خاصة في اعضاء منتديات البدو فقط


	2


	رد : ديوان ضيدان بن قضعان
	29/08/2008, 04:14 مساءً
	تسلم يمناك على ها الديوان وصح السان شاعرها الله يبارك بعمرك ياغلاي


	من مواضيع الثغر الخجول 0 سخرية الاقدار المبدع سعد علوش 0 هذي جروحي 0 ثلاث اسنين 0 القلوب الدافيه 0 في تذاكر اهل الجنه ماكان بينهم في دار الدنيا

الثغر الخجول

مشرفة الهواتف والإتصالات

الجنس :

الدولـة :

وسام العضو المميز: وسام العضو المميز - السبب: تواجد رائع نشكرك عليه

ميدلية تميز: تميز وشكر - السبب: حظور طيب نشكرك عليه

وسام دورة الكلك: . - السبب: مبروك عليج وسام دورة الكلك

أوسمة العضو: 3

رقم العضوية : 5518

تاريخ التسجيل: يوليو 2007

الإقامة: في دنيا مجهوله

المشاركات : 3,712

المواضيع : 237

عدد مشاركات اليوم : 5

نقد عربي: 869,432

المصرف: 0

المجموع نقد عربي: 869,432
تبرع

نقاط الترشيح : 245

المستوى : الثغر الخجول ماسي

الـــهدايـا :


	3


	رد : ديوان ضيدان بن قضعان
	29/08/2008, 04:19 مساءً
	الساهرة الله يعطيك العافيه جهد كبير ماقصرتي صح الله لسان الشاعر الكبير ضيدان بن قضان تقبلي مروري


	من مواضيع فراج بن عون 0 تعملت من عثرات وقت الرجاء والياس 0 والا انتظرها وردد (شلني شلي) 0 ملحمة الابــل 0 الاجواد وآجـد والمراجل لها كساب 0 عروق قلبي لك دلالٍ مباهير (صوتيه)


	توقيع فراج بن عون رفْقة رديّ المعْرفه بعْتها دَيـن=على زبونٍ ضَمّها واحتضَنهـا بغى يجيني بالثمن قلت : بعْدَين=أمسك فلوسك لين ننشدْك عَنْهـا ما بعْتك الاّ سلعةٍ يا احْمر العين=أبيعهـا وأبيـع حتـى ثمنهـا والله ما ابا فيها ثمن لوّ قرشين= بسّ المهم انِّي تخلّصْـت منهـا للشاعر/ رشـيـد الـزلامــي

فراج بن عون

مشرف مكتبة البدو الصوتية

( راعــي الرايــة )

الجنس :

الدولـة :

ميدلية تميز: تميز وشكر - السبب: بيض الله وجهك

أوسمة العضو: 1

رقم العضوية : 3618

تاريخ التسجيل: ديسمبر 2006

الإقامة: ~¤§¦ رحآل ¦§¤~

المشاركات : 918

المواضيع : 124

عدد مشاركات اليوم :

نقد عربي: 568,497

المصرف: 0

المجموع نقد عربي: 568,497
تبرع

نقاط الترشيح : 86

المستوى : فراج بن عون مميز

الـــهدايـا :


	4