حالة افلاس وتخاريف مسن

كل مجلس هرحته من ثنينً واربعه = واكمل الجوال ما كان ناقص عندنا
ان تكلم راعي السالفه ما نسمعه = من تطورنا وهذا تطورجهلنا
لو تناقش جامعي من رجال الجامعه = عن عوايدنا يقول الك قال استاذنا
ماعلينا خوف بالاشربه والاطعمه = خوفنا غزو العقول المنظم لا ارضنا
الشباب اللي تزمت بعلمً ما نفعه = ماتقول اعيالنا عايشينن بيننا
والمناكر بيننا ظاهره ومصلعه = والحسد بنفوسنا والصداء بقلوبنا
قام يمشي راعي الشر ما احدً يمنعه = وضحكوا له لين جاله مكانا ووطنا
وصار لنمات بين القريب لعلعه = والعوها اللي عساهم قليلين الضنا
مابقى احدً سالمً من قريبه ووجعه = احد يظهر علته واحد للعله كنا
وخربت العشرة مع الوقت الاقشر واطمعه = وصارت النقمه على بعضنا من بعضنا
والفتن كثرة وكثرة معاها الاوجعه = وقسيت اقلوب البشر والنفوس ابها ونا
والمطر بذنوبنا قام ربي يمنعه = من سبايب بطشنا من سبايب حقدنا
ابن أدم لا ثراء القبر ماحدن يشبعه = حط للنزوات رادع وللنفس رسنا
لا تغرك صحتك غير مالاً تجمعه = تاليتها ورث عقبك وتاليك الفنا
احد للافق البعيدة مداه ومطلعه = واحد لاقلت انت هو0قال انا ماهوب انا
الله اللي قسم العقل والله وزعه = وكلهم رضيوا وصاروا سمانً وابدنا
الرجال احدن يرده وقاره وورعه = عن دناة النفس دائم حصين محصنا
واحد مثل الكلب يلطع معه في ملطعه = والدناعة مقسماً للنفوس اللشينا
وبعضم سيلاً ضحاح وسهلاٍ مقطعه = وبعضهم بحر تقاطر عليه السٌفنا
لو بوصفهم يبالي كتاب ومطبعه = مايجون اثنين لو هم قرايب وسننا
والشعر خالف وخالف مسيره وسنعه = ضاعت الحكمة ولا عاد من طلعه جنا
ان مدح به طيثب جاء وجيه واقنعه = وكثروا فيه العذاريب كنه من زنا
بلغه من غير يدرون بك والا دعه = فان للخير عونا وان لشر عونا
ويوم شفتالشعرهين وكلاً يبدعه = با اسرق الشعار من شعرهم واقول انا
وادخل الشهره من الباب الاكبر واوسعه = واللتقي جمهور برا وداخله ازبنا
وامدح الهين على اتفه سبب واشجعه = لين احطه كأنه اسهيل وياه قرنا
ويتغطرس لين صوته يجي مايرفعه = ما بقى الا انه يقول اسكتوا انا هنا
او الاحسن ترك كل الشعر واودعه = فنيت اطروقه ومعناه مع جيلاُ فنا
مابقى له ذوق ماعاد يطرب سامعه = مابقى الا دندنا دندنا يا دندنا
دوروا لي ناقده دورولي مرجعه = دورولي راع الابداع لا منه بنا
نسمع اللي كلنا ودنا مانسمعه = من ضحاح الهرج والحشو من غير امعنا
شاعر لاصرت ساكت يحسبك تسمعه = مشقياٌ نفسه بشعرً عليه من العنا
يضرب السانه شدوقه ويابس مدلعه = اسم شاعر والله انه عليه من الخنا
وشاعرًودك اليا اوحيت شعره تصفعه = لين يصحي ميت القلب من نوم الهنا
وشاعرُ يبدع بشعره وشعره ما ابدعه = من جزيل الشعر يجلا عن الكبد الطنا
مثل ضرب السيف لا اهوا على العظم اقطعه = فيع للمعنى جزالة ولذوق اللحنا
وشاعرً شعره كما الرسم دائم ماروعه = لا رسم له لوحةً راح للوحه سنا
مثل قطف الورد لا فاح وسط المزرعه = لا رنة له وردةُ قام للورده رنا
يوم اقوله ودي الشعر يصفا منبعه = الشعر لا اجيالنا الشعر لاتراثنا
يا هني اللي خلا في الصحاري مربعه = كلها ملك وشوراع مقر ومسكنا
لا جفته الدار والناس شال الاشرعه = ما عليه من الشقا ما عليه من العنا
ودي اني نازلاٌ معه00 وارتع مرتعه = راس مالي دلتين ونجر وصحنا
وفي الختام ان طاعك الوقت ذا والا طعه = ما ملكنا الوقت بصكوك والا بضمنا

ياقلبها
يا..من..عرفت..الحب..يوما..عندها
انى سكنتك.. ذات يوم
كنت بيتى..
كان قلبى.. بيتها