على محيط السالفـه

اناالصديق اللي ليا طحـت شالـك=لأضامتك دنياك والوقت بـك مـال
انا يمينـك شدنـي فـي شمالـك=يمني بلا يسرى ترى حالها حـال
انا عزاك وعزوتك لاجـرى لـك=من تاعس الدنيا هواجيس واهـوال
ماني من اللي لاغتنـي ماوفالـك=لو لك عليه من الجمايل والافضال
وماني خويك كان وقتـك صفالـك=انا خويك لادبرت فيـك الاحـوال
خذني عصى موسي اذا كنت هالك=امسح لك بحور القهر قول وافعـال
فالك عسي الله يسعد اليـوم فالـك=فالك عقب صوم الدهر صوم شوال
بالك يجي في خاطرك يـوم بالـك=انك تغيب ولاتجي لي علـى بـال
لا لا تفكر انـت فـي مثـل ذلـك=ان اتخلي عنك لـو الزمـن طـال
ما اقول انا يافلان مالي ومالـك=ماترخص العشرة ولا تغني امـوال
اسمع جوابي قبل ما اسمع جوابـك=خارج حدود التغطيه وارسل ارسال
على محيط السالفـه حـط بالـك=اجيك رجلي كان ماجيـت خيـال
انا ليا شح الزمـن فـي وصالـك=تمدني النخوة على وصلـك حبـال
انا عمـى عين العـدو لا نـو لـك=أنو ل روحه قبل ما روحك اتنـال
بينك وبين الشمس شجرة ظلالـك=مال الشجر قيمة اذا مالـه اظـلال
والليل لـو الليـل مظلـم وحالـك=ترسمني الظلماء على صدرها هـلال

محو الذنوب باذن الله

إقتباس   المشاركة الأصلية بواسطة قمر الطائف تسلم يامحمد البرق وصح لسانك ولسان كاتبها وقصيده جميله تقبل مروري