السلام عليكم ورحمة الله وبركاته
انقل لكم:
هذة القصة لايعرف متى وقعت ولكن بعض من الرواة قالوا انها وقعت في القرن الثالث عشر والله أعلم0
وتـدور القصةعلــى محمد وهو من أهل بلدة عودة سـدير الواقعة في شمال غرب الرياض عاصمة المملكة العربية السعودية بحوالي 100كم يعيش في مزرعتة ومتزوج وله أبنا وأسمه دباس وبنتان فشب دباس على أحترام الناس وحب الخير وكذلك الكرم والشجاعة وكان والده يكنى له الحب بسبب هذه الصفات التي يتحلا بها أبنه دباس وعندما شب دباس وبلغ العشرون من العمر سافر في طلب الرزق ويقال انه ذهب الى العراق ومنهم من قال انه سافر الى عمان وفي خلال مغيب دباس عن والده تزوج الوالد بأمرة وكان لها أخوه فأرادوا ان يتزوجوا من أبنتا ابو دبــاس فرفض ذلك فقام أخوة زوجتة بعمل الدسائس ضده ونشر الأشاعات في البلدة وتعرضوا الى أبنتاه ولم ينتهي الأمر الى ذلك بل قاموا بقطع الماء عن مزرعتة مما أدا ذلك الى هلك مزروعاته فتضايق منـهم ومما أصابه من الأهانات فشار علية صديق لــه بان يرسل في طلب أبنه دباس لعل في حضورة ينجلي هذا المصاب فأرسل مع ركب متجه الى تلك الديار قصيدة طويلة وفي مضمونها يخبر أبنه بماحصل لــه:يقول
ياونـة ونيتهـا مـن خـوا الـراس=من لاهـب بالكبـد مثـل السعيـره
ونين من رجله غدت تقـل مقـواس=ويون تالي الليـل يشكـي الجبيـره
ويامل قلـب مثـل بـن بمحمـاس=وياهشـم حالـي هشمهـا بالنقيـره
ويا وجد حالي ياملا وجـد غـراس=يوم أثمرت وأشفا صفا عنـه بيـره
من ثمر قلبي سرى هجعـة النـاس=متنحـر درب عسـى فيـه خيـره
الله يفكه مـن بـلا سـو الأتعـاس=ومن شـر عبثـات الليالـي يجيـره
في ديرة تقطعـت عنـه الأرمـاس=سبعيـن يـوم للركايـب مسـيـره
لا والله الا حال مـن دونـه اليـأس=حط البحـر والبـر دون الجزيـره
يا الله يا اللي رد من عقـب مايـأس=يوسف على يعقوب وابصر نظيـره
ترد علي دباس يا محصـي النـاس=يـا عالـم مـا بالخفـا والسريـره
يا دباس بأوصيك صن درب الأدناس=ترى الـذي مثلـك يناظـر مسيـره
عليك بالتقوى ترى العز يـا دبـاس=في طاعة اللي مـا ينجيـك غيـره
هاذي ثمان سنين من رحت يا دباس=لا رسالة جتنـي ولا مـن بريـره
يا دباس عقبك ترى البـال محتـاس=وعليك دمع العيـن حـرق نظيـره
وعليك كني في دجا الليـل حـراس=أصبح على حيلـي وعينـي سهيـره
أصبح أنا ما بين طاري وهوجـاس=وطـواري تطـري علينـا كثيـره
مثل الوحش قلبي على كـف حبـاس=يكفخ كمـا طيـر سبوقـه قصيـره
متحر من عليـة البيـت يـا دبـاس=أرجي ثـواب الله وأخشـى المعيـره
أخاف من حكي العدا ثـم الأنجـاس=أهـل الحكايـا الطايلـه والقصيـره
ويقال خـلا عيلتـه عنـز الـرأس=أقفـى وخـلا عيلـة لـه صغيـره
والا فأنا يابـوك قطـاع الأرمـاس=ما نيب مثبـور أو رجلـي كسيـره
آصلك لو دونك نبا حمر الأطعـاس=الصلب والصمـان ماهـي عسيـره
مهالـك مـدارك مـا بهـا أونـاس=الا الثعـل والبـوم تسمـع صفيـره
لأركب على وجنا من الهجن عرماس=فجا النحر يا دبـاس حمـرا ظهيـره
متروسة الفخذيـن مزيوعـة الـرأس=كن الخلاص عيونهـا يـوم اديـره
أو شبـه ربـدا تخفـق لـلأونـاس=وان رفعـت جنحانـهـا مسـذيـره
تنشر من العوده على نـور الأنفـاس=عند الفجـر والليـل مقفـي مريـره
والعصر با لصمان تسمع لها اضراس=حبل الرسـن خطـر تبتـر جريـره
نهـار ثالـث بيـن حمـا والأوراس=واره يمينـك جعلهـا لـك سفيـره
ثـم علـى ساجيـة تقلـب الـرأس=تمشي بأهلها فـي البحـور الغزيـره
فيها الطبيخ وراهي الخبز يا دبـاس=يقعد خـوا الـرأس خنـة خميـره
هي ديرة اللي باغي كيفـة الـرأس=ولا له أحد همه من النـاس غيـره
هيس ولد هيـس للمواعيـن لحـاس=يفرح ليـا نيـدي لذبـح النحيـره
وما قفك ذا يا دباس ما فيه نومـاس=يصلح لقيـن مهنتـه طـق زيـره
ترى الفـداوي دون وانشـد النـاس=راعية ما يذكـر بمـدح او غيـره
ما له سوى طق الحنك منه واليـاس=وليا انقطع خرجه فـلا لـه ذخيـره
طلب المعيشه بالحراثه والأ جنـاس=المشترى والبيع يوصـف وغيـره
قم انهض العيرات مع كـل فـراس=يـا دبـاس دور خيـر تستشيـره
جدك وعمانك هل العـزم والبـأس=أهل المواجيـب مكمليـن القصيـره
يا دباس ما يصبر على البق والحاس=الا الـذي مالـه بنجـد عشـيـره
واليوم يا مروي شبـا كـل عبـاس=أنت الرجا يا كعام وجـه المغيـره
عشرين عام كلها ارجيك يا دبـاس=مثل الغريـر اللـي تولـع بطيـره
عدل المناكب هليـع فـرخ قرنـاس=يمناه في لطـم الحبـاري شطيـره
عانق خلوج روحت عقب مـرواس=عند العصيـر لبيضهـا مستذيـره
والليل جاها وحال من دونها اليـاس=روحها عل فرقـاه فـرت فريـره
يا دباس أنا يا بوك ما نيب بـلاس=ميـر ان عيـلات الرفاقـه كثيـره
جنبت وسط السوق وامشي مع الساس=واخذ شوي الحـق وأتـرك كثيـره
يا دباس لو جبت من دحب الأكياس=مختلفـة مـا بـيـن رز ونـيـره
ما لي بها يا جعلهـا بألـف قبـاس=او جعلها تذهب ولـو هـي كثيـره
يا دباس قلبي كل ماهـب نسنـاس=شرقيـة هبـت بقلـبـي سعـيـره
والحال يافرز الوغى مسهـا البـاس=عليك يـا ناطـح وجيـه المغيـره
وغصون قلبي يا فتى الجود يبـاس=غـاد أنـا يابـوك كنـي هشيـره
من شافنـي يقـول ذا فيـه لسـاس=واللي بـرا حالـي الهـي خبيـره
لا وعلا من قبـل غـوال الأنفـاس=ومفـارق الدنيـا يجينـا بشـيـره
عسى يطق الباب والنـاس غطـاس=يا والـي القـدرة عليـك تعبيـره
وصلاة ربي عـد ماهـب نسنـاس=على النبي عـدة حقـوق المطيـره
وقد أشـاع أخــوة زوجتـه بان أبــنه دباس يشرب التنباك وانه يحضر مجالس الطرب وغيرها من الأشاعات التي أدت الى ان يعيش في هـم وغــم من هـذه الأشاعات التي راجت في البلدة وبعد ان تسلم دباس رسالت والده بعث اليه بقصيدة يخبره فيها بانه لايسمع الى تــلك الشائعات وبأنــه محافظا على السلوم التي عوده عليـها والـدة وكذلك يبشره بانه قادم لمساعدتــه فـي محنتــه0فقال دباس هذه القصيده ردا على قصيدة والده:
حي الجواب اللي لفانا مـن الـرأس=جابـه غـلام مـا توانـا مسيـره
أهلا هلا به عد ما حبـك قرطـاس=او ما كتب فوقـه بيـوت شطيـره
جواب من هو لي مود مـن النـاس=ابوي مـا يوصـف حلـي لغيـره
فرزا الوغى كنه على الوكر قرنـاس=قـروم ربعـه كلـهـا تستشـيـره
دليـل عيـرات لياهـب نسـنـاس=ثـم ادلهـم الجـو ومابـه ذخيـره
مهفي الغنم لأهل الركايب والأفراس=لا روحوا لـه لا عليهـم قصيـره
راعي معاميل بهـا العبـد جـلاس=للبـن يشـري بالسنيـن العسـيـره
هاذي بمركاهـا وهـاذي بمحمـاس=وهـاذي يصبـه للوجيـه السفيـره
وخلاف ذا يا راكب فوق عرمـاس=مأمونة مـن نقـوة الهجـن عيـره
حمرا وهي في سنها وقـم الأسـداس=متوسط لا فاطر ولا هـي صغيـره
ماهي لحوج راكبه بالعصـا قـاس=حرم عليهـا غيـر شيـل النقيـره
والخرج هو وبيوت قيـل بقرطـاس=مع مزهب الأيام مـا هـي كثيـره
وفوقه غلام منوته قطـع الأرمـاس=لو هـو بليـل مـا تغيـر نظيـره
وليا لفيت الدار فا جهر با لأحسـاس=وبلغ سلامـي كـل ذيـك العشيـره
واختص أبوي اللي نفل جملة النـاس=وخصه بعلم وقـل ترانـي بشيـره
لا يا نجي العرض يا بـوي لابـاس=كان تشتكـي الضيـم فأنـا أسيـره
وان سايلك عنـي ترانـي بنومـاس=وانا أحمد اللي مـا توسلـت غيـره
المدح لو يشـرى شرينـاه بأكيـاس=بأموالنا نرخـص نـدور الستيـره
مطرق افرنجي مضاريبـه الـراس=ومصلبـخ جبتـه عسانـي ذخيـره
من صنع نصراني مشروبه الكـأس=يذكـر ورى جـاوه بعيـد مسيـره
أبغيه للـي حادينـك علـى السـاس=أهـل النمايـم والحكايـا الكثـيـره
ربع نووا فيـك الـردا والتخسـاس=مهبول يا اللي قال غايـب عشيـره
علي ديـن لـودع الجمـع ينحـاس=لطين العشير يقـوم يلعـن عشيـره
ان ما سكنا الدار من غير هوجـاس=والا نعـاف الـدار ونـور غيـره
كله لعينـا كلمـة قلـت يـا دبـاس=تشكي وانا دونـي بحـور غزيـره
خذلك يمين الشرع قطـاع الأنفـاس=انـه فـلا جتنـي علـوم بصيـره
لا نيب جاني منك حبـر بقرطـاس=لأيضـا ولا جتنـي علـوم سفيـره
وان كان تشكي الضيق يا بوي لاباس=جاك الفرج يا بوي هـو والبريـره
يا بوي أنا مارحـت لكيفـة الـرأس=مع ذا ولاني فـي سفـاه او غيـره
يا مسندي يا بوي شوف اوكد الناس=ثم انشد قل ويش هـو فـي مسيـره
ان كان ما يفرح صديقـك بنومـاس=تحرم علينا اللـي نهـوده صغيـره
مدلول مجهول زها زيـن الألبـاس=بنت الذي يثني ليـا جـت كسيـره
طار يقول اظهـر وطـار بجـلاس=قمت أشرب التنباك واثـره نكيـره
أبغي عسى الله يبرد القلب يـا نـاس=من لا هـب شبـت بقلبـي سعيـره
و الا فانا يابوي قطـاع الأرمـاس=أصبر على الشده لو هـي عسيـره
ومن كان له غايب فلا يقطع اليـاس=ان قـدر الله جـاب علمـه بشيـره
ارجوان تحوز على رضاكم
آخر المواضيع
قصيدة ابو دباس مع رد ابنه دباس 
